Ўзбекистондаги режим аҳолининг инсулинга муҳтож қисмини, яъни уларнинг асосий эҳтиёжини таъминлашдан бош тортмоқда
بِسْمِ اللَّـهِ الرَّحْمَـٰنِ الرَّحِيمِ
Ўзбекистондаги режим аҳолининг инсулинга муҳтож қисмини, яъни уларнинг асосий эҳтиёжини таъминлашдан бош тортмоқда
Озодлик сайти 12.09.2016й да “Фарғонада 6000 бемор ҳаёти инсулин тақчиллиги туфайли хавф остида қолди” номли хабар тарқатди. Бу хабарда Фарғона вилоятида қандли диабет касаллигига чалиниб инсулин дори воситасига муҳтож бўлиб қолган инсонларга бепул тарқатилиши керак бўлган инсулин берилмаётганлиги, хатто пулга сотиб олиш учун ҳам топиб бўлмаётганлиги ёритилган. Шу хабардан иқтибос келтирамиз:
“Яқинларидан бирининг ҳаëти тўлиғича инсулинга қарам бўлган фарғоналиклардан бири Озодликка инсулин воситасини бу вилоятда дорихоналардан ҳам топиб бўлмай қолганини ëзди.
“Фарғона вилоятида қандли диабет касаллиги билан "Д" (диабет — таҳр.) назоратда турувчи беморларга бир ярим ойдан ортиқ вақтдан буëн инсулин дори воситаси етказиб берилмаяпти. Ҳозирда беморлар инсулинни ҳеч бир дорихонадан топишолмаяпти. Аптека ва поликлиникалар 1 октябрдан кейин хабар олинг¸ деяпти. Лекин унгача ҳаëт-мамоти инсулинга боғлиқ одамлар тақдири нима бўлиши ҳеч кимни қизиқтирмаяпти”.”.
Албатта, бу муаммога Ўзбекистондаги режимнинг муносабати қандай бўлаётганлиги кўпчилигимизни қизиқтирмай қолмайди. Бундай қизиқиш пайдо бўлган инсонларга жавоб ҳам шу хабарда айтиб ўтилган:
““Биргина Фарғона вилоятида 20 мингга яқин диабетга чалинган бемор бор.Улардан 6000 дан кўпроғи инсулинга тўлиқ қарам – улар инсулин олмаса¸ ë ўлади¸ ëки буйрак¸ кўз ва бошқа органлари қисқа вақт ичида ишдан чиқа бошлайди. Бизга Тошкент бераëтган инсулин вилоятдаги эҳтиëжнинг 22 фоизигагина етади¸ қолганини ҳокимликларга ялиниб-ëлвориб¸ қоплашга уриниб келаëтгандик. Ҳозир вилоят заҳирасида инсулин бор¸ лекин вазирлик уни ишлатмайсан¸ деб туриб олган. Запасдаги инсулин тўртинчи кварталда берилиши керак¸ деяпти. Шу инсулинни 1 сентябрдан ишлатишга рухсат беринг¸ деб вазирликка мурожаат қилдик. Вазирлик бу хатимизни ҳатто қабул ҳам қилмади – қабул қилса¸ нимадир чора кўриши керакда! Аҳволни ҳамма билиб турибди¸ лекин ҳеч ким ҳеч нарса қилишни хоҳламаяпти”¸ деди Фарғона вилоят Соғлиқни сақлаш бошқармасига яқин мулозим ўз шахси сир қолиш шарти билан”.
Бу маълумотга диққат билан эътибор берган инсон, инсулин дори воситаси уни қабул қилишга муҳтож бўлиб қолган инсонлар учун асосий эҳтиёжга айланганлигини тушуниб етади. Яъни, бу дорини қабул қилиш ундай инсонларнинг ҳаётлари учун зарур эканлиги айтиб ўтилмоқда. Савол туғилади: Режимга бўйсунувчи соғлиқни сақлаш вазирлиги бундай касалларга инсулин ўз вақтида етказилиши зарурлигини билмайдими? Ёки мамлакат аҳолисининг соғлигини сақлаш учун масъул бўлган бу вазирлик, мана шундай ҳолатларда, бепарволик қилишга ҳаққи борми?
Идрок қила оладиганлар учун, бу аянчли воқеа, инсоннинг ақлидан келиб чиққан қонунлар асосидаги бошқарув яроқсиз эканлигини, яна бир бор, кўрсатиб қўймоқда. Бундай яроқсиз қонунларни татбиқ қилувчилар эса, ўз инсонийлигини йўқотиб умматнинг аянчли ҳолатида ҳам ёрдамсиз ташлаб қўйишмоқда. Бу қонунлар ва бу бошқарув фақатгина воз кечилишга лойиқ, холос.
Ислом Халифалик давлати бундай муаммоларни бирламчи ўринларда бартараф қилиниши зарур деб билади. Чунки Ислом тузумида аҳолининг юқоридагидек аянчли ҳолатларида ёрдамсиз ташлаб қўйилмаслиги, аксинча уларга тезликда эътибор қаратилиши лозимлигини бошқарувчиларга бурч қилиб белгилаб қўйилган. Шу ўринда сизларга “ХАЛИФАЛИК ДАВЛАТИ ДУСТУРИ ЛОЙИҲАСИ” даги моддалардан бирини тақдим қиламиз:
125-модда — Шахсларнинг ҳар бири учун асосий эҳтиёжларни тўла қондириш кафолатланиши ҳамда камолий эҳтиёжларни иложи борича энг юқори даражада қондириш имконияти таъминланиши вожибдир.
Ҳизб ут-Таҳрирнинг Ўзбекистондаги медиа офиси Абдуллоҳ
19.09.2016й.
