Матбуот баёноти

Ямандаги хизмат кўрсатиш ўргимчак тўридан ҳам нимжон!

Замор шаҳри Вусоб Сафил райони Бану Мусо округида 2024 йил 31 август шанба куни кучли ёмғир натижасида юзага келган сув тошқинида 27 киши ҳалок бўлди, 8 киши жароҳатланиб, 2 киши бедарак йўқолди. Оммавий ахборот воситаларининг маълум қилишича, сув тошқини, шунингдек, 15та уйни вайрон қилган, Водий Ахшаб округида 8та уйни, 4та машинани, 2та мотоциклни оқизиб кетди. Аввалроқ 2024 йил 27 август сешанба куни БМТ Махвит шаҳрида ҳам кучли сув тошқини оқибатида ҳалок бўлганлар ва бедарак йўқолганлар сони камида 41 кишини ташкил қилганини ва мингдан зиёд оила зарар кўрганини маълум қилган эди. БМТ Аҳоли жамғармасининг айтишича, бу фалокат кучли ёмғир ёғиши ва Малҳон туманидаги учта сув омборининг ўпирилиши оқибатида юзага келган.

Ўтган август ойининг бошидан буён Яманнинг турли ҳудудларида бўлаётган ёғингарчилик 120дан ортиқ инсоннинг нобуд бўлишига, аҳолидан чорак миллионга яқининг, айниқса, қочқинлар лагерларида, водийларда ва текисликларда яшовчи инсонларнинг жабр кўришига олиб келди. Юртнинг бир неча районларида уй-жойлар, мол-мулклар, экин далалари ва йўллар жиддий зарар кўрди.

Бу офатлар шундоқ ҳам азоб-уқубатда яшаётган Яман аҳли азобларини янада оширмоқда. Мудом, улар Роббилари шариатини татбиқ қиладиган давлатсиз яшар эканлар ва ишларини Ғарбга малай жинояткор ҳукмдорлар бошқарар экан, бу азоб-уқубатлари давом этаверади. Чунки бу ҳукмдорлардан кўрган нарсамиз аҳоли қонини тўкиш, мол-мулкларини талон-торож этиш ҳамда мансаб учун курашиб, мустамлакачи кофир Ғарб манфаатлари йўлида юрту фуқарони сотишдан бошқа нарса бўлмай қолди!

Яман аҳли расмий идораларга мурожаат қилиб, Малҳон туманидаги Ҳамадон аҳолисига ёрдам беришни илтимос қилишди, бироқ илтимосларига жавоб эътиборсизлик, одамлар мусибатига бефарқликдан иборат бўлди. Масалан, ҳодисадан икки кун кейин Санъодаги «Сабаъ» ахборот агентлиги раҳбари йўллар узилгани сабабли зарар кўрган ҳудудга кириш ҳали ҳам имконсиз экани тўғрисида баёнот берди! Бу баёнот одамларнинг ҳаёти ва мол-мулкига қай даражада эътиборсизлик қилинаётганини ҳамда қутқарув, бошпана ва тез ёрдам кўрсатиш вазифасини одамларнинг ўзига ташлаб қўйилганини кўрсатиб турибди! Давлат ўзининг барча ресурслари билан табиий офатда жабр кўрганларга ёрдам бера олмаслиги ақлга тўғри келадими?!

Санъо режими томонидан йиғилаётган солиқларнинг чегараси йўқ. Хизмат кўрсатувчи ҳукумат муассасалари қолмади, балки барчаси даромад келтирувчи бўлиб қолди! Худди шундай, қонуний деб аталган ҳудудларда ҳам бойлик ва ресурслар мавжуд. Лекин улардан фақат расмийлар ва нуфуз соҳиблари фойдаланади. Бугунги ҳукмдорларнинг асосий шиори, аввалги ҳукмдорларнинг шиоридан фарқсиз ­– ҳукмронлик бу даромаддир (ҳокимият бу бойликдир) шиори бўлиб қолган. Ҳаммаси азбаройи қорин ва чўнтакларини шишириш учун ҳаром солиқлар орқали одамлар молини ноҳақ ейишяпти, халқнинг оғир турмуш шароитларига заррача эътибор бермасдан, Уммат молини еб ётишибди! Қаерга борманг, ҳатто энг оддий масалаларда ҳам ҳеч қандай эътибор ва ғамхўрликни топмайсиз! Бу ҳукмдорлар одамларга ғамхўрлик қилиш ўзларининг зиммасида эканидан, тўғонларни ҳимоя қилиш, йўлларни очиш ва таъмирлаш, сув тошқинларида яшовчи инсонларни хавфсиз ҳудудларга кўчириш, инфратузилмани таъминлаш, соғлиқни сақлаш ҳамда хизмат кўрсатиш ўзларининг вазифалари эканидан кўз юммоқдалар.

Исломда ҳукмдор Умматнинг ғамхўри ва хизматчисидир. Ибн Аббос G Росулуллоҳ ﷺнинг

«فَالْأَمِيرُ الَّذِي عَلَى النَّاسِ رَاعٍ وَهُوَ مَسْئُولٌ عَنْهُمْ»

«Инсонлар устидаги амир ғамхўрдир, улардан жавобгардир», деганларини ривоят қилган. (Имом Бухорий ривояти). Биз учун Росулуллоҳда гўзал намуна бор. Имом Бухорий Анас Gнинг бундай деганини ривоят қилган: «Набий ﷺ инсонларнинг энг яхшиси, энг саховатлиси ва жасури эдилар. Бир кеча Мадина аҳли баланд овозни эшитиб, қўрқиб, овоз келган томонга қараб кетишди. Набий ﷺни овоз келган томонга улардан олдин бориб қайтаётган ҳолда учратишди. Набий ﷺ Қўрқманглар! Қўрқманглар! – дедилар. У зот Абу Талҳанинг яйдоқ-эгарсиз отида эдилар. Бўйинларида қилич. Бу (от) денгиз экан (жуда тез экан), – дедилар».

Эй инсонлар!

Инсониятни золим ва мустабидлар ёвузлигидан қутқаришнинг ягона йўли Исломнинг амалда татбиқ қилинувчи тузум сифатида яна қайта қоим бўлишидир. Ушбу раббоний тузум бутун башариятнинг эҳтиёжларини ҳал этиб, бутун инсониятнинг ва хоссатан мусулмонларнинг ишларини ғамхўрлик билан бошқаради, ёлғиз шу тузум реал бошқарувни рўёбга чиқаради.

Ҳизб ут-Таҳрирнинг Яман вилоятидаги матбуот бўлими