Яна исломий никоҳ масаласида зўравонлик
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Яна исломий никоҳ масаласида зўравонлик
Голландиядаги (Эркинлик Изловчи Партия), йўғ-э, кечирасиз, (Эркинлик ва Демократия Халқ Партияси) аъзоси Йерун ван Вейнгаарден Голландия қонунига мувофиқ никоҳ қилмасдан олдин исломий никоҳ қилган имомларимизни шафқатсиз жазолашга, яъни уларга 20500 евро жарима солишга ёки агар бу ишни иккинчи марта такрорлашса 7 ой қамоқ жазоси берилишига чақирмоқда. Бу кимса «Бу Исломга душманлик қабилидаги чора эмас, балки бутун хотин-қизлар, хусусан, муслималар манфаатига қаратилган чора, имомлар томонидан қилинган никоҳда биз шунча курашиб келган эркинликлар бузилади, шу боис биз бунга мутлақо рози бўлмаймиз», деди.
Табиийки, бу Исломга душманлик қабилидаги чора эмас, деган гап ёлғон. (Эркинлик ва Демократия Халқ Партияси) партиясининг очиқ-ошкора позициясига бир бор назар солишнинг ўзи билан, биз бу партияда Исломга алоқадор бўлган ҳар бир ишга қарши қутурган ҳужумкорлик мавжудлигини кўришимиз мумкин. Бу чора муслимага заррача манфаат келтирмаслиги аниқ. Чунки (Эркинлик ва Демократия Халқ Партияси) партияси Голландия ташқарисидан келган имомларга виза берилишига қаршилигини бир неча бор маълум қилган. Соғлиқни сақлаш вазири билан мудофаа вазираси Жанин Хеннис кабиларнинг илгари исломий қадриятлар илмоний капиталистик система қадриятларидан бир даража пастдир, деган гапларини унутганимиз йўқ. Шунингдек, уларнинг исломий ҳизбларни тақиқлашга жон олиб-жон бериб уринишганини, (Эркинлик ва Демократия Халқ Партияси) партиясининг парламентдаги раисининг Голландия қадриятларига имон келтирмаган ва Исломга мойиллиги баланд бўлган қочқинларни юртдан чиқариб юборишга даъват қилганини, шунингдек, бош вазир Марк Рюттенинг турк намойишчиларига қарата юзсизларча «Туркиянгизга жўнанг», дегани…ни, ҳаммасини эсга олишимиз мумкин.
Шунинг учун исломий никоҳ қилаётган имомларимизга қарши шафқатсиз жазо қўллашни ҳам, Голландиядаги Ислом ва мусулмонларга қарши қатор ҳужумлар сирасига қўшиш мумкин.
Голландия қонуни эркакка ҳам, аёлга ҳам ҳеч қандай никоҳсиз биттадан ортиқ ошиқ ва маъшуқлари бўлишига рухсат берилган. Воҳоланки, бунга ўхшаш муносабатларда ҳуқуқлар, вазифалар ва масъулиятлар бузилиши маълум. Масалан, қанча-қанча қизларни ваҳший инсонлар бошини айлантириб, ҳомиладор қилиб, бола туғдириб, сўнг боласи билан ташлаб кетишмоқда, болалари билан оғир қийин ҳаётга тарк этишмоқда. Бу аёллар ғамхўрлик, мерос ва ажралиш ортидан нафақа олиш каби никоҳдаги аёллар фойдаланадиган ҳақ-ҳуқуқлардан маҳрум қолмоқдалар.
Агар Йерун ван Вейнгаарденнинг муслима аёллар ҳуқуқларига қайғуриши рост бўлса, нега Ғарб жамиятидаги ғарблик аёллар бошига тушаётган мазкур зулмларни ҳам гапирмади?!
Тўғри, Голландияда яшовчи муслималар никоҳ қуриш ва ажралишга оид кўплаб муаммоларга дуч келадилар, буни инкор этолмаймиз. Бироқ бу бутун башар ҳаётида учрайдиган табиий муаммоларга киради ва мусулмонлар ҳам шу башардан истисно эмас, албатта. Бироқ бу ерда битта фарқли жиҳат бор, у ҳам бўлса, Голландияда яшовчи муслималар ушбу муаммолар ечимларини исломий шариатдан излайдилар ва бу ечимларни имкон қадар татбиқ қиладилар.
Ислом эркак билан аёл ўртасидаги муносабатни шаръий муносабат бўлишига буюради. Шаръий муносабат бўлиши учун эса шаръий никоҳ ақди бўлиши шарт. Шундан ҳақ-ҳуқуқлар ва вазифалар келиб чиқади, мисол учун, аёл никоҳ муносабатига якун ясамоқчи бўлса, шаръий маҳкамага мурожаат қилиш ҳуқуқига эга бўлади, эр-хотиндан бири вафот этса, улардан бири мерос олиш ҳуқуқига эга бўлади, ёхуд талоқ тушган пайтда болага ғамхўрлик қилиш ҳуқуқига аёл киши ҳақли бўлади ва ҳоказо.
Шунинг учун айрим муслималар (ва мусулмонлар) дуч келаётган кунлик қийинчиликларга, уларнинг шаръий никоҳлари ҳам сабаб эмас, ечимларни исломий шариатдан олаётганлари ҳам сабаб эмас, баъзи кимсалар айтаётгандек. Балки буларга Голландия ҳукуматининг юртда яшовчи муслималарга тўғри муносабатда бўлмаслиги сабабдир.
Шуни ҳам таъкидламоқ лозимки, Исломда Халифалик давлатининг мусулмон бўлмаган фуқароларига никоҳ қуриш ва ажралиш ишлари ўз динларига мувофиқ ўтказиш ҳуқуқи берилган. Ислом айни ишлар ва улардан келиб чиққан ҳақ-ҳуқуқларга алоҳида эътибор қаратади.
Ислом мана шу, Капитализм эса ундан кўплаб дарс олмоғи зарур.
Ҳизб ут-Таҳрирнинг
Голландиядаги матбуот бўлими
