بسم الله الرحمن الرحيم

Роя газетаси:

Кўплаб хабарларда АҚШ-Эрон ўртасидаги мустаҳкам муносабатлар ҳамда Эронга унинг АҚШ сиёсатини бажариши эвазига берилган имтиёзлар ҳақида айтилди

Эрон ядровий келишув ортидан «махфий» афвларга эга бўлди

Бир ҳисоботда АҚШ ва унинг музокарадаги ҳамкорлари Эронга тарихий ядровий битимдаги баъзи чекловлардан четга чиқишига рухсат беришга келишишгани айтилади. Бу тарихий ядровий битим Эронга қўйилган иқтисодий жазоларни енгиллатиш мақсадида охирги муҳлатга риоя қилиши учун ўтган йили имзоланган эди.

Қароргоҳи Вашингтонда жойлашган илм-фан ва халқаро хавфсизлик институти раиси, илгари БМТда қурол-яроқ тафтишчиси бўлиб ишлаган Девид Олбрайт айни ҳисоботни тайёрлашда иштирок этган бўлиб, унга кўра бу ҳисобот 2016 йил 1 сентябр пайшанба куни нашрдан чиққан.

Ҳисоботда музокарада қатнашган ҳукуматларнинг бир неча масъуллари маълумотларига таянилган. Аммо Олбрайт уларнинг кимлигини очиқлашдан бош тортди ва «бу афвлар ёки дахлсизликлар яширин содир бўлмоқда, афтидан, уларда Эроннинг тарафи олинган», деди.

Ҳисоботда изоҳланишича, афвлардан иккитаси Эронга кам тўйинтирилган уран миқдори хусусида битимдаги шартларни бузишига рухсат беради ва Эрон шу орқали ўзининг ядровий иншоотларини сақлаб қолишга, кам тўйинтирилган уранни тозалаб, уни юқори тўйинтирилган уранга айлантиришга муваффақ бўлади. Маълумки, қурол ишлаб чиқаришда мана шу юқори тўйинтирилган урандан фойдаланилади.

Ҳисоботда айни афвларга ижро этилишини назорат қилиш учун тузилган муштарак комиссия рози бўлгани айтилади.

Ҳисоботда катта «мутахассис» масъул агар айни муштарак комиссия ҳаракатга келиб, шу афвларни чиқармаганда, Эрондаги айрим ядровий иншоотлар жазони олиб ташлаш бошланиши учун белгиланган муҳлатга, яъни 16 декабрга риоя қилишга муваффақ бўлолмасди, деди. (Наҳори Лубнония газетаси).

Роя газетасининг 2016 йил 7 сентябр чоршанба кунги 94-сонидан