بِسْمِ اللهِ الرَّحْمٰنِ الرَّحِيمِ

Замонавий давлатнинг қулаши

Халифалик давлатидан ўзга халоскор йўқ

Ҳизб ут-Таҳрир – Тунис вилояти томонидан ўтказилган 2023 йилги Халифалик йиллик конференцияси биринчи ва муҳим тақдирий масалага, яъни Ислом ва Халифаликка бағишланди. Унда маърузачилар ўз нутқларида Аллоҳ Таоло барча мусулмонлар зиммасига юклаган фарз, деган эътиборда мана шу тақдирий масалага тўхталиб ўтдилар. Шунингдек, фарз бўлиш билан бирга, нафақат Умматни, балки бутун инсониятни боши берк кўчадан чиқаришга қодир ягона ҳазорий альтернатива ҳам Халифалик эканини таъкидладилар.

Конференциянинг якуний баёнотида қуйидаги фикрлар келтирилди:

1 – Демократик режим билан диктатор режим ўртасида айланиб турувчи замонавий давлат икки ҳолатда ҳам мустамлакачининг меросидан бошқа нарса бўлмайди. Мустамлакачи эса Халифалигимизни ағдариб, ҳамон устимиздан ҳукмронлик қилмоқда.

2 – Мусулмон юртларидаги замонавий давлатда давлатчилик мустамлакачи ва унинг қароқчи компаниялари билан чамбарчас боғланиб қолган. Оқибатда юрт аҳли манфаатлари зое кетди, кризис кетидан кризислар келиб чиқди… ва бу ҳаммага маълум ҳақиқатга айланди.

3 – Мусулмон юртларидаги замонавийлик Исломни мусулмонлар ҳаётидан узоқлаштиришдан ва ажратишдан ўзга нарса эмас. Бундан мақсад, юрт аҳлининг капиталистик компанияларга хизматкорлигини ва қуллигини сақлаб қолишдир.

4 – Замонавийлик – бузуқ ғарбча мафкуранинг гибрид аралашмасидир, бундан бошқа нарса эмас. У шундай бир илмоний расмий синфни пайдо қилдики, бу синф Ғарбга хизмат қилишда устаси фаранг бўлиб кетди… Маҳоратини Уммат фарзандлари қонини тўкишга сарфлаб, илмонийлар томонидан бу қурбонликлар самараси териб олиниши учун ҳар қандай имкониятни қўлдан бой бермади. Бу қилмишлар Халифалик ағдарилганидан бери уларнинг одатига айланиб қолган эди. Бироқ, Уммат уларни яқинда фош қилди. Шунинг учун Тунисдан аланга олган қўзғолонлар бошланди.

5 – Замонавий ва демократик давлат пайдо қилган ушбу расмий доира (ҳукмдорлар ва мухолафат) ожиз ва ночордир…, бугунги қатор кризисларнинг бирортасини ечишга қодир эмас. Улар фақатгина мустамлакачи доиралар ва уларнинг тақдиқот марказлари уларга диктоват қилиб, ўргатган ечимларни беряпти, холос. Унинг зиммасига юкланган асосий вазифа Халифалик лойиҳасига қарши кураш ва унинг барпо бўлиши билан қочиб қутулолмайдиган вазиятнинг олдини олишдан иборат.

6 – Замонавий давлат омадсизликка, демократия шармандаликка, капитализм ёрилишга юз тутган экан, бу иллатларни режимдаги раҳбарларни ўзгартириш билан муолажа қилиб бўлмайди. Шунингдек, айрим коррупциячиларни жавобгарликка тортиш билан ҳам, ўзларини сиёсатчи қилиб кўрсатаётган ватанпарварларнинг «диалог» даъвоси билан ҳам ечиб бўлмайди.

7 – Демократия маҳаллий ва глобал миқёсда муваффақиятсизликка учраб, капитализмга дарз етган бугунги кунда инсониятнинг Исломдан бошқа умиди қолмади… Умматнинг Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлашдан ўзга орзуси йўқ.

8 – Пайғамбарлик минҳожи асосидаги рошид Халифалик барпо этилишининг маъноси – исломий ҳаёт қайта бошланди, Уммат битта ҳукмдор-халифа байроғи остида бирлашди, Ғарбнинг ҳар қандай нуфузи ва маҳаллий воситаларидан қутулди, тортиб олинган бойлик ва ресурсларига қайта эга чиқди, у яна тараққий топиб, ҳидоятни ёйиб, буюк Ислом нури билан бутун оламга етакчилик қилишни бошлади… демакдир.

9 – Халифалик мукаммал буюк Раббоний сиёсий лойиҳа бўлиб, Умматни битта сиёсий вужудда бирлаштиради ва инсониятнинг энергияси, ресурслари ва бойликларини шу вужудда такомиллаштиради. Дарвоқе, ушбу мукаммал Раббоний лойиҳани Қуръон ва Суннат матнидан истинбот қилиб, унга эга бўлган ва уни ўзининг қатор адабиётларида баён қилган ва дастур лойиҳаси сифатида умумлаштирган бирдан-бир жамоа Ҳизб ут-Таҳрир бўлди. Унинг ушбу лойиҳасигина сиёсий, иқтисодий, бошқарув, таълим, халқаро алоқалар каби барча ҳаётий соҳаларда бутун ер юзида ўзгариш ясаши кутилаётган лойиҳа бўлиб қолмоқда.

10 – Ҳизб ут-Таҳрир – Тунис вилояти Росулуллоҳ ﷺнинг Мадинаи Мунавварада илк Ислом давлатини барпо этишларини ўзига намуна қилиб олган ҳолда, Пайғамбарик минҳожи асосидаги рошид Халифаликни барпо этиш ва Ислом шариатини татбиқ қилиш учун биргаликда ҳаракат қилишга бутун мусулмонлар кучини сафарбар этмоқда. Шунингдек, Уммат етакчилигини қўлга олиш ва Тунисни Халифалик давлатининг марказий нуқтасига айлантириш учун Умматни ушбу лойиҳа атрофига бирлаштириб, куч-қудрат аҳлидан нусрат талаб қилмоқда. Ҳизб нусрат бериш ва ғолиб қилиш тўғрисидаги Аллоҳнинг ваъдаси ҳамда Халифаликнинг қайтиши ҳақидаги Росулуллоҳ ﷺнинг башоратлари рўёбга чиқиши учун нусрат талаб қилаётган кишилар учун Аллоҳ Таоло томонидан куч-қудрат аҳли тайёрлаб берилишини қаттиқ умид қилиб қолади. Имом Аҳмад ривоят қилган ҳадисда Росулуллоҳ ﷺ

«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

«… Кейин Пайғамбарлик минҳожи асосидаги Халифалик бўлади …», дея марҳамат қилганлар.

Роя газетасининг 2023 йил 15 март чоршанба кунги 434-сонидан