Жанинга ёрдам бериш ва мусулмон қўшинлардан нусрат талаб қилиш
بِسْمِ اللهِ الرَّحْمٰنِ الرَّحِيمِ
Жанинга ёрдам бериш ва мусулмон қўшинлардан нусрат талаб қилиш
Яҳудий вужуди кучлари Жанин қочқинлар лагерига бостириб кириб, ўлим, вайронагарчилик ва бузғунчилик келтириб чиқариши ортидан муборак Фаластин заминидаги Ҳизб ут-Таҳрир Халил, Рамаллоҳ ва Қилқилия шаҳарларида «Жанинга ёрдам бериш ва мусулмон қўшинлардан нусрат талаб қилиш» номли оммавий норозилик намойишлари уюштирди. Тадбирларда қилинган маърузалар Умматнинг мусулмон қўшинларига қарата бундай сўзлар билан бошланди:
«Аллоҳу Акбар…. Мусулмон қўшинларда эркаклик ғурури қачон қўзғалади, қачон биз Ақсо саҳнида уларнинг такбир садолари жаранглашини эшитамиз?! Аллоҳу Акбар… Миср армияси яҳудий вужудини бир соатдаёқ илдизи билан қўпориб ташлашга қодир эмасми?! Иордания армияси яҳудий вужудини кулини кўкка совуриб, йўқ қилишга қодир эмасми?! Туркия ва Покистон қўшинлари Қуддусини озод қилишга ҳамда Аллоҳ Таолонинг ваъдаси ва Росули ﷺнинг башоратларини рўёбга чиқаришга қодир эмасми?!».
Қилинган маърузаларда Жанинда кўрсатилган қаҳрамонликлар ҳақида сўз юритилиб, жумладан бундай дейилди:
«Қаҳрамонлар диёри бўлмиш Жанинда бир неча мард мужоҳидлар душманнинг самолётлари, танклари ва минглаб аскарлари қаршисида собит турдилар, таслим бўлмадилар… Аммо сиз исломий армиялар қўшинларига нима бўлди?! Бу мужоҳидларнинг сабот ва қаҳрамонликлари душманларингизнинг ғазабини қўзғади. Натижада улар шармандалик билан этагини судраб чиқиб кетишди… Бу эса мўминларнинг ўз душманларига қарши туришдаги куч-қудрат ва аҳд-паймонларини кўрсатади. Сонлари ва қурол-яроғлари озлигига қарамай, Жаниндаги қаҳрамонларнинг кўрсатган матонат ва жанглари Уммат қўшинларини Ислом ва Ақсога нусрат беришдан иборат ўз бурчларини бажаришдан тўсиб қўйган тоғут ҳукмдорларни фош қилади».
Маърузаларда, шунингдек, бу зараркунанда ҳукмдорларнинг шармандали позициялари ҳақида қуйидагилар таъкидланди:
«Аллоҳнинг ғазабига дучор бўлганлар Ақсони кечаю кундуз оёқ ости қилишяпти, уй-жойларимизни вайрон қилиб, қонларимизни тўкишяпти… Кейин бўлса, кимдир чиқиб, «Исроил»ни қизил чизиқларни кесиб ўтишдан огоҳлантирамиз, деб айтяпти. У қандай қизил чизиқ ҳақида гапиряпти?! Ахир яҳудийлар қонларимизни оқизиб, уйларимизни вайрон қилиб, одамларимизни кўчириб юбориб, Ақсо масжидимизни оёқ ости қилишгандан сўнг ҳам қизил чизиқ қолдими?!».
Кейин мусулмонларга хитобан бундай дейилди:
«Биз сизларга Фаластиндан мурожаат қилиб, шуни айтмоқчимизки, Фаластин аҳли урушда найза учи ҳисобланса, у ҳолда, тирик Уммат найзанинг синишига рози бўладими?! Жанин қаҳрамонлари сизларнинг фарзандларингиз бўлса, у ҳолда, ўз фарзандларингизни ёрдамсиз қолдирасизми?! Ёрдамсиз қолдириш Аллоҳнинг ёрдамидан мосуво бўлишга олиб бормайдими?!».
Маъруза сўнггида муборак замин аҳлига мурожаат қилиниб, уларни сабр қилиш, бир-бирларини сабрга чақириш, иймонда устувор бўлиш, Умматга юзланиш, ундан умидни узмаслик ва унга таъсир ўтказишга ҳаракат қилишга чақирилиб, бундай дейилди:
«Умматингизга юзланиб, улардан нусрат талаб қилинг. Унинг уйғониш двигатели ва улуғворлигининг манбаи бўлинг. Динингиз ва Умматингизга ҳамда нусрат-ғалабангиз қўлида бўлган Роббингизга ишонинг. Таслим бўлиш лойиҳалари ва малай режимлардан воз кечинг. Аллоҳнинг марҳаматидан эса асло ноумид бўлманг.
﴿إِنَّهُ لاَ يَيْئَسُ مِنْ رَوْحِ اللَّهِ إلاَّ الْقَوْمُ الكَافِرُونَ﴾
«Чунки Аллоҳнинг раҳматидан фақат кофир қавмгина ноумид бўлур» [Юсуф 87]
Умматингиздан ноумид бўлманг, чунки у қаҳрамонлар ва эр кишилар конидир. Шубҳасиз, ушбу муборак заминдан Ислом Уммати армияларига нидо қилиниб, Халифаликни барпо этиш ва Ақсони озод этиш учун нусрат сўралаётган экан, Аллоҳ Таоло у учун мусулмонлар қалбини очиб беради. Натижада, нусрат ва ғолибликка муштоқ бўлган қалблар унга қулоқ тутади».
Дарҳақиқат, Жанин лагери аҳли Халил шаҳридаги намойишда қалбларни йиғлатиб, исломий ақида ва туйғуларни қўзғатган кучли нома йўллади. Унда Исломий Уммат ва унинг қўшинларига бундай мурожаат қилинди:
«Жаниндаги аҳлингиз ва оға-иниларингизга ёрдам беришга шошилинг. Зеро, яҳудий вужуди бир қанча мужоҳидга ҳам кучи етмайдиган даражада заифдир. Агар мужоҳидларда кучли қурол-яроғ бўлганда нима бўларди?! Уларнинг ортида ҳақиқий қўллаб-қувватлов бўлса нима бўларди?! Агар улар билан биргаликда – Иордания, Миср ва Ҳижоз юрти армиялари каби – самолётлар, танклар ва ракеталарга эга армиялар ва жанговар тайёргарликдан ўтган аскарлар бўлсачи?! Бас, сиз қуролингиз билан нимани кутиб турибсиз?! Ақсо масжидини озод қилишга муштоқ эмасмисиз?! Салоҳиддин ва Байбарис каби бўлишни хоҳламайсизми?!
Роя газетасининг 2023 йил 12 июл чоршанба кунги 451-сонидан
