Жисмоний ва фикрий ухлоқ одамлар нисбати

بِسْمِ اللهِ الرَّحْمٰنِ الرَّحِيم

Ухлаб ётган инсон бирор ишни мукаммал тарзда бажара олади дейилса, ҳайрон бўлмайсизми? Бошланишдаги бу саволдан ҳайрон бўлманг, ҳайрон бўлишга ҳали эрта. Ухлоқ одамнинг жонига хатар туғилса, ўзини қандай ҳимоя қила олади? Ухлоқ одам айни вақтда ўз шароитини яхшилаш учун нима қила олади? Ухлоқ одам юксаляпти, кўтариляпти, тараққий этяпти, ривожланяпти, дейилса бу ноодатий эшитилмайдими? Бу саволлар берилишидан кўзланган мақсадни янада ойдинлаштирамиз.

Ухлоқ одам ўз атрофида бўлаётган ишларга бепарволарча уйқуда давом этади, агар у уйғониб кетмаса. Атрофида унинг учун жуда ҳам зарарли бўлган ишлар юз бераётган ёки унинг ҳаёти учун хатар бўладиган воқелик вужудга келган бўлиши мумкин, лекин булардан уйқудаги одам бехабар, агар уйғонмаса. У ҳатто бирор нарсани ўзгартиришга ҳаракат қилмайди, ўзгартирилиши керак бўлган воқеликни ҳам ҳис қилмайди, токи у уйғонмас экан.

Юқоридаги гаплардан барчага маълум бўлиб турибдики, бу гаплар жисмоний ухлаб ётган инсон тўғрисида гапирилди. Лекин келинг, шу гапларни фикрий ухлоқ одамга қаратамиз. Фикрий ухлоқ одам ҳам ҳаётдаги ишларни мукаммал тарзда бажара олишига ишонч йўқ, у қаноатланиб қолган баъзи ишларни ҳисобга олмаганда. У ҳаётдаги ўзининг хавфсизлиги, юксалиши, яшаш тарзини яхшилаш томон ўзгариши йўлида ҳаракат қилмайди, ҳатто у ҳам ҳаётидаги ўзгартирилиши керак бўлган воқеликни ҳис қилмайди.

Солиштириб кўрилса, жисмоний ухлоқ одам билан фикрий ухлоқ одамнинг ҳолати бир-бирига ўхшаш экан. Уларнинг ҳар иккаласининг муаммоси уйғониш. Агар уйғонилса, қолган муаммолар ўз-ўзидан ечилади. Фақат бу уйғониш тўғри бўлиши керак. Тасаввур қилинг, жисмоний ухлаб ётган инсонни ҳам нотўғри уйғотсангиз унда руҳий касаллик вужудга келиши мумкин. Фикрий ухлоқ инсон ҳам нотўғри фикрлар билан уйғотилса, унинг ҳаёти бахтсизликдан иборат бўлиб қолади. Шунинг учун уйғониш керак ва у албатта тўғри фикр ёрдамида бўлиши ўта муҳим ва зарурдир. Тўғри уйғотувчи фикр бу Ислом. Демакки, Ислом билан уйғониш шарт ва зарурдир.

Ҳизб ут-Таҳрирнинг Ўзбекистондаги медиа офиси. Абдуллоҳ

14.01.2020й