بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ғазо университетида «Ал-Ваъй» гуруҳи Қуддусга ёрдам бериш намойишини ўтказди

2017 йил 13 декабр чоршанба куни Ҳизб ут-Таҳрир талабалари доирасидаги «Ал-Ваъй» гуруҳи Ғазо шаҳри университетида Трампнинг Қуддусни яҳудийлар давлати, дея эътироф этиш қарорига қарши норозилик намойишини ўтказди.

Намойишда «Ал-Ваъй» гуруҳи Фаластиннинг тўлалигича озод этилишини талаб қилди ҳамда «Эй исломий армиялар, Қуддус сизга нола қиляпти, қулоқ соладиган ким бор?!», «Ҳайфо, Акка, Яффа… шаҳарлар ҳам қизил чизиқ, улар ҳам Қуддус каби босиб олинган, уларни ҳам озод этиш вожибдир» каби шиорлар ёзилган плакатларни кўтариб чиқди.

Ғазодаги Ислом университетининг «Ал-Ваъй» гуруҳи талабалари ўтказган қатор тадбирда университет ичкарисида юқоридаги каби шиорлар ёзилган лавҳалар ўрнатиб, талабалар билан бир нечта мулоқот ва мунозара йиғинлари ўтказишди. Йиғинлар орқали улар қуйидагиларни таъкидладилар: Фаластин масаласи мусулмонларнинг муҳим масаласи сифатида, исломий армиялардан бутун Фаластинни озод этиш учун дарҳол ҳаракатга келишни тақозо этмоқда, Қуддус билан Фаластининг қолган босиб олинган шаҳарлари ўртасини ажратмаслик зарур. Саммитлар ўтказиш ва Хавфсизлик Кенгаши билан БМТга таяниш мусулмонларга фақат зиёну муваффақиятсизлик келтиради. Чунки улар мустамлакачи муассасалар бўлиб, яҳудийларни Фаластинга олиб келган, мустаҳкам жойлаштирган, кучайтирган ҳам мана шулардир. Шу боис улардан мутлақо яхшилик келмайди.

Роя газетасининг 2017 йил 27 декабр чоршанба кунги 162-сонидан

0

0