بِسْمِ اللهِ الرَّحْمٰنِ الرَّحِيمِ

Қатъият карвони Миср режимининг хоинлиги ва армиясининг ҳаракатга келишининг вожиблиги ўртасида

Араб режимлари раҳбарлари мазмунсиз саммитлар ва ёлғон анжуманларни нишонлаётган бир пайтда, ўзини «Қатъият карвони» деб атаган халқ карвони Тунис, Жазоир ва Марокашдан йўлга чиқиб, Ливия ва Миср орқали Ғазога йўл олди. Карвон қамални ёриб ўтиш ва 18 ойдан буён қамалда яшаб келаётган Ғазо аҳлига ёрдам беришни мақсад қилди. У турли ёшдаги эркак ва аёллардан иборат бўлиб, барчаларини яҳудий вужуди томонидан Ғазо аҳлига қўйилган қамални ёриб ўтиш мақсади бирлаштирди. Маълумки, бу қамал Ғазога қўшни режимлар, хусусан, Миср режимининг яҳудийлар билан тил бириктируви ва бевосита иштироки орқали ўрнатилган.

Аммо карвон Миср чегарасига яқинлашиши биланоқ, аччиқ ҳақиқат яна бир бор намоён бўлди. Бу, Миср режими нажот дарвозаси эмас, балки жиноятда шерик деган ҳақиқат эди. Дарвоқе, бу режим карвонни Мисрга киришдан тўсди, аъзоларини Салум шаҳридан чиқармай, уларнинг телефонларини олиб қўйиб, алоқаларни узди, ҳатто баъзиларини қайтиб кетишга мажбур қилди. Бу каби хатти-ҳаракат фақат душмандан кутилади. Зотан, бундай манзарага биринчи бор гувоҳ бўлаётганимиз йўқ. Чунки Ғазо фақат яҳудий вужуди томонидан эмас, балки араб давлатлари режимлари томонидан ҳам қамалга олинган. Бу эса расмий сиёсий хоҳиш, шармандали хавфсизлик ҳамкорлиги ва силкинмас халқаро тил бириктирув орқали амалга оширилмоқда.

Карвон на қурол-аслаҳа, на ракета тизимларини олиб кетаётган эди, балки у халқ ташаббуси бўлиб, қамалдаги Ғазо аҳлига ёрдамни рамзий ифода этганди. Шунга қарамай, Миср режими унга гўёки жиддий хавфсизлик таҳдиди сифатида муносабатда бўлди. Наҳотки, Фаластинга ёрдам бериш – ҳатто сўз билан бўлса ҳам – жиноятга айланган бўлса?! Наҳотки, Ғазога ҳамдардлик билдириш таъқиб ва ҳибс учун асос бўлиб қолган бўлса?!

Қатъият карвони билан содир бўлган воқеа араб давлатлари режимларининг, асосан, Мисрдаги Сисий режимининг қатор хиёнатлари рўйхатига қўшилаётган навбатдаги жиноятдир. Бу режим яҳудий вужудининг хавфсизлигига содиқ эканини тинмай такрорлаб, ишғолчи раҳбарлар билан алоқа қилаётгани билан фахрланади, аммо Ғазо ва унинг аҳлига ёрдам қўлини узатмоқчи бўлган инсонларни бостириб, қувғин қилади.

Ҳақиқий позиция шиорлар билан эмас, балки майдонда (амалий ҳаракат билан) баҳоланади. Бу майдон эса аниқ бир ҳақиқатга гувоҳлик бермоқда: Вашингтон буйруқ бермагунча ҳеч қандай ўтиш йўли очилмайди, ҳеч бир аскар қимирламайди ва ҳеч қандай қамал ёриб ўтилмайди.

Ҳеч шубҳа йўқки, Қатъият карвони халқ орасидаги ихлос ва садоқатнинг яққол ифодаси бўлиб, Фаластин масаласи Уммат масаласи, аниқроғи, ҳануз унинг қалбида тирик сақланаётган масала эканини тасдиқламоқда. Бироқ инсонпарварлик карвонлари қанчалик катта бўлмасин, улар босқинчи яҳудий вужудини ағдаришга, юртни озод қилишга, бомбардимонни тўхтатиб, қамални олиб ташлашга қодир эмас, бу ҳақиқатни очиқ айтмасдан иложимиз йўқ.

Ислом заифларга ёрдам бериш масъулияти фақат шиорларга эга бўлган кишилар зиммасида эмас, балки куч-қудрат соҳиблари зиммасида эканини жуда аниқ баён қилган. Масалан, Аллоҳ Таоло бундай деган:

﴿وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ﴾

«(Эй мўминлар), сизларга нима бўлдики, Аллоҳ йўлида ва эркаклар, аёллар ҳамда болалардан иборат бечоралар(ни озод қилиш) йўлида жанг қилмаяпсизлар?!»                                              [Нисо 75]

Бу оят кимга мурожаат қиляпти? Албатта, куч-қудрат эгаларига, яъни Миср, Иордания, Туркия, Покистон армияларига ва сони 5 миллиондан ортиқ бўлган барча мусулмон армияларга хитоб қиляпти! Бу армиялар яҳудий вужудини бир неча кунда йўқ қилиб юборишга етарли қурол-аслаҳага соҳиб. Агар бошларида холис раҳбарлар бўлганида шундай қилинган бўларди. Аммо бу армиялар Қуддус сари ҳаракатга келиш ўрнига, халқларни қамал қилмоқда, карвонларни бостирмоқда ва яҳудий вужуди чегараларини халқ ғазабидан ҳимоя қилмоқда.

Бугун содир бўлаётган воқеалар араб давлатлари режимларининг хиёнаткорлигини ва ишғолчилар билан иттифоқда эканини яққол кўрсатиб турибди. Миср Ғазо аҳлига нусрат бериш ва қамални ёриб ўтиш учун дарвоза бўлиши керак эди, аммо у босқичилар манфаатига хизмат қилувчи зиндонга айланди. Миср армияси яҳудий вужудига қарши қилич бўлиши лозим эди, лекин шу вужуд чегараларини қўриқчисига ва Ғазо қамалида унинг ёрдамчисига айланди.

Эй Кинона қўшинлари ва куч-қудрат эгалари!

Наҳотки Ғазо ҳаракатга келишингиз учун лойиқ бўлмаса?! Наҳотки шаҳидлар қони, фарзандларидан айрилган оналарнинг, бева ва ёлғиз аёллар, болалар ва қарияларнинг фиғонлари сизни чақирмаётган бўлса?! Ахир, Фаластин сизнинг зиммангиздаги омонат эмасми?! Унинг аҳли сизнинг биродарларингиз эмасми?! Уларни ҳимоя қилиш, уларга нусрат бериш сиз учун фарз эмасми?! Наҳотки Аллоҳнинг буйруқларидан раҳбарларингиз буйруқлари устун бўлса?!

Фаластинга ёрдам бериш баёнотларга эмас, танкларга муҳтож. Унга расмий қоралашлар эмас, очиқ фатҳ қарори керак. Фаластинга бир-икки кунлик очилувчи йўлаклар эмас, балки тўлиқ ва барча жиҳатни қамраб олувчи озодлик жанги керак. Бугун Умматга нусрат бериш, хоин ҳукмдорларни ағдариш, Уммат лойиҳаси бўлмиш Халифаликни қайта барпо этиш, Ислом ҳукмини қоим қилиш, армияларни ҳаракатга келтириш ва Аллоҳнинг ваъдасини рўёбга чиқариш масъулияти айнан сизнинг зиммангизда.

﴿وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ﴾

«Аллоҳ сизлардан иймон келтирган ва солиҳ амаллар қилган зотларга уларни ер юзида халифа қилишни ваъда қилди»                                                                                                 [Нур 55]

Қатъият карвони – шунча тўсиқларга қарамасдан – режимларнинг юзига туширилган тарсаки бўлди ҳамда Фаластин масаласи ҳануз Уммат қалбида тирик эканини исботлади. Аммо, шу билан бирга, бу карвон мусулмонлар учун бир қўнғироқ бўлди. Яъни у мусулмонларга «ҳамдардлик» билдириш босқичини ортда қолдиринг, энди режимларни ўзгартириш, исломий ҳаётни қайта бошлаш, армияларни ҳаракатга келтириб, қамални ёриб ўтиш ва юртни озод этиш вақти келди, демоқда.

Шунинг учун шаҳидлар қонини, оналарнинг ноласини ва болаларнинг фиғонини анжуманлар йўлакларида ҳамда малай режимлар остонасида ёлвориш билан зое кетказманг. Аксинча, Қатъият карвонини ҳақиқий ўзгариш сари, Фаластинни озод қилиш ва Халифаликни барпо этиш сари етакловчи машъалага айлантиринг!

Эй Аллоҳим! Бизни Ақсони озод қиладиган, яҳудий вужудини синдирадиган ва мусулмонларни Ислом байроғи остида, Пайғамбарлик минҳожи асосидаги рошид Халифалик соясида бирлаштирадиган Ислом давлатини барпо этишимизга тез фурсатда, кечиктирмасдан муяссар айла!

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾

«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»               [Анфол 24]

Устоз Саид Фазл

Ҳизб ут-Таҳрирнинг Миср вилоятидаги матбуот бўлими аъзоси

Роя газетасининг 2025 йил 18 июн, чоршанба кунги 552-сонидан