Араб давлатлари Лигасининг Ливияга оид қабул қилган қарори АҚШ манфаатига хизмат қилади
بِسْمِ اللهِ الرَّحْمٰنِ الرَّحِيمِ
Араб давлатлари Лигасининг Ливияга оид қабул қилган қарори АҚШ манфаатига хизмат қилади
Араб давлатлари Лигаси (ҳижрий 1441 йил 2 зул-қаъда, милодий 2020 йил 23 июн сешанба куни) Ливия тўғрисида саммит ўтказди. Миср талаби билан уюштирилган ушбу саммитда 14 банддан иборат қарор қабул қилинди. Уларда, жумладан, «Ливия ерларида ва сувларидаги мавжуд барча хорижий кучлар юртдан чиқиб кетишга чақирилди ҳамда Ливияга қўшни давлатларнинг муҳим ва марказий ролларини, Ливия кризисини тугатиш борасидаги ҳаракатларини мувофиқлаштириш муҳимлиги таъкидланди». Айни пайтда, Миср ҳукмдори Сисий хорижий аралашув ҳуқуқи тўғрисида қарор қабул қилар экан, Ливияга аралашиш билан очиқдан-очиқ таҳдид қилди. Албатта у бундан Фаластин ишларига аралашиб, уни яҳудийлардан озод этишни кўзламади, балки, Ливияни мақсад қилди.
Қарорнинг олтинчи бандида «экстремизм, терроризм ва зўравонликни ёйишга интилувчи барча террорчи қуролли гуруҳларнинг кўпайишига ҳисса қўшаётган ноқонуний хорижий аралашувларга барҳам бериш; Ливия ҳудудида ва Ливиянинг регионал сувларида бўлган барча хорижий кучларнинг олиб чиқиб кетилишини талаб қилиш; ҳозирги пайтда томонлар эгаллаган линияларни олдинга силжитиш учун давом этаётган ҳарбий ҳаракатларнинг оқибатларидан огоҳлантириш» айтилди. Яъни, Ҳафтарнинг чегараларини тан олишларини ҳамда унинг назоратидан қутулиш мақсадида олдинга ҳаракат қилмасликларини истаяпти.
Саккизинчи бандда «барча халқаро ташаббуслар ва саъй-ҳаракатлар олқишланади. Шунингдек, қўшни давлатларнинг БМТ раҳнамолигида Ливиядаги ҳарбий амалиётларни тўхтатишга ва сиёсий жараёнларни тиклашга қаратилган саъй-ҳаракатларини қўллаб-қувватлаш ҳамда Қоҳиранинг Ливия ҳақидаги 2020 йил 8 июнда қабул қилган декларациясини маъқуллаш олқишланади. Декларацияда Ливиядаги ечим юртдаги сиёсий келишувга, Хавфсизлик Кенгашининг тегишли резолюцияларига, Берлин конференцияси ва саммитлар натижаларига ҳамда БМТнинг дастлабки ҳаракатларига асосланиши лозимлиги таъкидланди. Маълумки, БМТнинг дастлабки ҳаракатлари натижасида сиёсий ва иқтисодий йўналишларда аниқ қадамларни ўз ичига олган кенг қамровли сиёсий ечим таклиф қилинган. Шунингдек, инсон ҳуқуқлари ва халқаро гуманитар қонунларни ҳурмат қилиш ҳамда барча Ливия партиялари ва халқаро партиялардан ушбу ташаббусларни ижобий ҳал этишлари ҳам сўралган».
Ўн биринчи бандда «БМТ ва халқаро ҳамжамиятнинг саъй-ҳаракати билан Ливиянинг барча ерларидан хорижий томонларни олиб чиқиб кетиш, Ливиядаги ҳарбий ва хавфсизлик муассасаларини сиёсий ечим йўлида бирлаштириш, жангарилар ҳаракатини тўхтатиб, Берлин конференцияси хулосаларига мувофиқ уларни қуролсизлантириш… буларнинг барчасининг муҳимлиги таъкидланган».
Роя газетаси шарҳи:
Ушбу қарор Саррож (Вифоқ) ҳукумати кучларининг Ҳафтар кучлари назоратидаги ҳудудлар сари олға силжишига чек қўйиш учун қабул қилингани кўриниб турибди. Чунки Ҳафтарни Мисрдаги Сисий режими ва унинг ортидаги АҚШ қўллаб-қувватлайди. Бу қарор қаршисида Европа, хусусан, Британия малайлари турибди, масалан, Вифоқ ҳукумати, Қатар ва Тунис каби. Масаланинг янада хатарли тарафи шундаки, Араб давлатлари Лигаси араб давлатлари билан боғлиқ ҳар қандай масалани халқаролаштириш билан шуғулланса-да, бироқ айни масалани БМТга оширмай ва Берлин конференцияси қарорларига асосламай ўз қонунларига мувофиқ ичкарида ҳал қилиши кутилмоқда. Маълумки, Араб давлатлари Лигасига 1945 йил Британия томонидан асос солинган бўлиб, ундан Британиянинг минтақадаги нуфузини мустаҳкамлаш ва минтақанинг бу давлат мустамлакаси кишанларидан қутулишини олдини олиш ҳамда Пайғамбарлик минҳожи асосидаги рошид Халифаликнинг барпо этилишига йўл қўймаслик каби Британия тил бириктирувига хизмат қилиш кўзланган. Кейин Америка келиб, Мисрдаги ўз малайлари орқали бу Лигани Британиядан тортиб олди ва Британиянинг Умматга қарши кураш мақсадларини қабул қилди… Бироқ буларни минтақадаги ўз нуфузини мустаҳкамлаб, Британия нуфузини четлатиш мақсадида амалга оширди, натижада у Америка манфаатига хизмат қилувчи Лигага айланди.
Роя газетасининг 2020 йил 1 июл чоршанба кунги 293-сонидан
Related posts:
БМТ вакили Ғарбнинг терроризмга қарши кураш ниқоби остида Ливияга аралашиши учун замин тайёрламоқда 
Яман устида АҚШ-Британия кураши ҳамон авжида 
Бирлашган Миллатлар Ташкилоти инсонпарварлик тўнини кийган жинояткор ўғридир 
Ливияни қутқарадиган ҳақиқий тарихий қарор Аллоҳнинг шариатини ҳоким қилиш қароридир
