بِسْمِ اللهِ الرَّحْمٰنِ الرَّحِيم

Роя газетаси:

Фаластин ҳукумати юртни рақс ва халқ куйлари билан озод қилмоқчи!

Байён Жамол хоним қаламига мансуб

Олти йил олдин ҳукумат гумашталаридан бири бўлган Жибрил Ражуб босқинчиларга қарашли телеканалларнинг бирида чиқиш қилиб, «Бизнинг аёллар ҳижобда чиройли кўринишадими ёки шортикдами», деган гапни айтган эди!! Босқинчиларнинг оёқ-остида яшаб келаётган ҳамда Аббос ўз оғзи билан айтганидек, яҳудийлар хавфсизлигини таъминлаш ва уларни ҳимоя қилиш йўлида ҳар қандай имкониятни қўлдан бой бермайдиган ушбу Фаластин ҳукумати Фаластин аҳлининг хавфсизликни мувофиқлаштириш доктринаси посбонлари бўлишларини ҳамда разолату бузуқликка чақиришларини хоҳлаяпти. Чунки бу ҳукуматнинг юрган ҳар бир йўли ё бу заминдан воз кечишга ёки Фаластин масаласини тугатишга олиб боради, бундан ўзгача йўлдан юрмайди… Фаластиндаги мусулмон халқнинг дини ва номусини ҳимоя қилиб турган бирор эшикни топдими, бас, албатта уни ланг очиб ташлашга ёки бузиб ташлашга бор кучини сарфлайди!!

Фаластин аҳли Ражубнинг ўша ифлос гапини унутмади… Йўқ, бундай гап тарих саҳифасида ҳам, ҳукуматнинг қора дафтарида ҳам абадий сақланиб қолади, Уммат буни шу ҳукуматдаги кимсаларнинг уятсизлиги сифатида эслайди. Ана, Таълим Вазирлигига қаранг, нима қилмоқда, дарсдан ташқари тадбирларда ўқувчиларни рақс, қўшиқ ва фисқ-фужур билан шуғулланишга тарғиб қиляпти, ҳаё-номусларидан ажратиб, Фаластин масаласини мияларидан ўчириб ташлашга уриняпти. Бу ёшлар – Аллоҳ сақласин – шундай йўлдан юрадиган бўлсалар, озодлик ва биринчи тепкини босиш шиорларини кўтариш ўрнига, дабка¹га тушиш ҳақида ўйлашади!! Шунинг учун Фаластин аҳлининг ўз тупроқларидаги ҳақларини исботлаш учун режим вакилларининг БМТ йўлакларида дабкага ирғишлаб ўйнашаётганидан ажабланмасак ҳам бўлади!

Ражуб яҳудийларни қизиқтириш учун Фаластиндаги муслималарга шортик кийдирмоқчи бўлган бўлса, уни ҳукумат спортчи қизларга кийдирди! Хориждаги аёллар беллашувида эса, «Фаластин вакилалари»га эркаклар машқ қилдиряпти, қизларимиз эркаклар олдида ярим яланғоч аҳволда чиқишяпти, бу билан Аллоҳнинг дини ва шариатини улоқтириб, қолган-қутган ҳаёларидан ҳам буткул воз кечишмоқда! Шунингдек, «ер», «интифоза куни», «Бальфур декларацияси куни» сингари байрамларда  дабкага тушиб ирғишлашлари учун мактаб ўқувчи қизларига шим ва этаги қийилган кўйлаклар кийдиряпти! Бундай шармандаликларга илонлар пўст ташлайди! Босқинчилардан озод бўлишга, йигит-қизларнинг аралаш рақсга тушиш билан эришилади, деб билувчи ҳукумат, албатта, тарихда энг разил-пасткаш ҳукуматдир!

Ҳукумат таълим вазирлиги, спорт ва ёшлар вазирлиги… каби ўзининг Вазирликлари орқали амалга ошираётган бу тадбирларни, маҳаллий воситаларда арзонгаров услублар билан «кураш сари қадамлар», «тинчлик кураши воситалари», дея ташвиқот қиляпти. Аслида, бундай қилмишни энг камида – фаҳш ишлар тарқатишга шерик бўлиш ва уларни мўминлар орасида ёйишга интилиш, дейиш мумкин. Масалан, Рамаллоҳ ихборий сайтида бундай хабар тарқатилди: «15 ёшгача бўлган қизлар ўртасида футбол бўйича Ғарбий Осиё чемпионатида иштирок этиш учун бизнинг «Воидот» номли аёллар жамоамиз жума куни эрталаб Бира шаҳридаги «Можид Асъад» ўйингоҳида тайёргарликни бошлаб юборди». «Маан» ахборот агентлигида ҳам қуйидаги хабар тарқатилди: «Таълим ва олий таълим вазирлиги таълим бошқармаси билан ҳамкорликда юқори ва қуйи босқич бўйича аёллар спорт мусобақалари учун марказий мусобақани белгилади. Айни тадбирларда таълим директорлари ва тегишли қўмиталарнинг (эркак) вакиллари иштирок этди. Вазирлик ўқувчиларни фаоллаштириш ва айни соҳадаги билимларини кучайтиришда спорт тадбирларини ташкил этишга катта эътибор бермоқда. Бу эса, ўқувчиларнинг жисмоний лаёқатларини оширишга катта ҳисса қўшади ҳамда шахсияларини мустаҳкамлайди». (Бу хабар қисқа ўзгартишлар билан келтирилди).

Фаластин ҳукумати юрт аҳли ишларини мана шундай бошқармоқда: ўқувчи қизлар фитнесида ҳамда санъат ва спорт соҳасидаги билимларини оширишда эркак тренерлар томонидан машқ ўтказилишини истаяпти. Бунда Фаластин аҳлининг ҳис-туйғулари ҳамда улардаги ўз қизларининг номусига нисбатан рашклари уни мутлақо қизиқтирмаяпти. Ҳукумат ўзининг гуноҳларида давом этиб, Ғарбга, унинг барча соҳадаги режаларига хизмат қилишда давом этяпти.

Бас, Фаластин аҳли бундай мункар ҳукуматнинг такрор-такрор мункар ишлар қилишига қачонгача сукут қилади?! Унинг жиноятларига сукут қилиш эса, шерик бўлиш билан баробардир!

﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ * وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ﴾

«Эй мўминлар, Аллоҳ ва Росули сизларни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар. Ҳамда сизлардан фақат золим кимсаларнинг ўзигагина етмай (балки барчага етадиган) балодан сақланингиз! Ва билингизки, албатта Аллоҳнинг азоби қаттиқдир»                                                                 [Анфол 24-25]

Дабка¹ халқ рақси

Роя газетаси сайтидан олинди