Капитализмнинг кичик қурбонлари
بِسْمِ اللهِ الرَّحْمٰنِ الرَّحِيم
Капитализмнинг кичик қурбонлари
Azon.uz сайтида қуйидаги хабар чоп этилди:
“Дунёда ҳар беш боладан бири қуролли низо ҳудудида яшайди, 2017 йил ҳолатига кўра бундай болалар сони 420 миллионга етган.
Save the Children ташкилоти эълон қилган ҳисоботда айтилишича, 1990 йилларнинг бошида бу кўрсаткич икки баравар паст эди. Ҳар йили дунёнинг энг хавфли ўн давлати: Афғонистон, Яман, Жанубий Судан, Марказий Африка Республикаси, Конго Демократик Республикаси, Сурия, Ироқ, Нигерия, Сомали ва Малида 100 мингдан ортиқ бола нобуд бўлмоқда. Мазкур мамлакатларда 2013-2017 йилларда асосан уруш ҳамда очлик, инфратузилмаларнинг вайрон бўлиши, антисанитария сингари уруш оқибатлари туфайли камида 550 минг бола ўлган.
«Агар 5 ёшгача бўлган болалар ҳам ҳисобга олинса, ҳалок бўлганлар сони 870 мингга етади», – дейилади ҳисоботда. Юқорида номи келтирилган давлатларда урушнинг бевосита иштирокчилари бўлган катталар орасидаги қурбонлар сони ҳам келтирилган – 175 минг”.
Бу ҳисобот капитализмнинг қанчалар даражада ваҳшийлигини яна бир бор тасдиқламоқда. У яна шуни тасдиқламоқдаки, капитализм учун ҳеч қандай қизил чизиқ мавжуд эмас. Агар инсонлар ҳаётини – ҳатто бегуноҳ болалар бўлса ҳам – қурбон қилишда манфаат бўлса, капиталистлар ҳеч иккиланмай шу қурбонликни берадилар. Капиталистлар учун муайян ҳолатларда инсон ҳаётини сақлаб қолиш ёки қурбон қилиб юбориш манфаатга боғлиқ бўлган иш. Ёки бугун бир инсон ҳаётини сақлаб қолиш манфаатли бўлса, уни сақлаб қоладилар, эртага ўша инсонни қурбон қилиш манфаатли бўлса, албатта уни қурбон қиладилар. Хуллас капиталистлар учун манфаат муқаддас нарса, ундан бошқа ҳеч нарсанинг қадр-қиммати йўқ.
Бугун дунёнинг турли ерларида олиб борилаётган урушлар капиталистик давлатларнинг ўзаро манфаат талашишлари ортидан келиб чиқаётганлиги ҳеч кимга сир бўлмай қолди. Бундай урушлар олови асосан исломий юртларнинг тинка-мадорини қуритмоқда. Бу оловга ўтин эса, мусулмонлар бўлмоқда ва юқоридаги ҳисоботга кўра, уруш қурбонлари бўлаётган бегуноҳ болаларнинг асосий қисми ҳам мусулмонлар фарзандларидир. Бир неча ўн йиллардан бери шу каби ҳисоботлар эълон қилинмоқда, лекин юзсиз, очкўз, шафқатсиз капиталистик давлатлар сохта йиғи-сиғи қилишдан, хавотирлик билдиришдан нарига ўтмайдилар. Аслида улардан бундан ортиғини кутишнинг ўзи аҳмоқлик бўларди. Лекин инсонларнинг ёстиғини қуритаётган урушларда айнан улар асосий жавобгар эканлиги очиқ-ойдин бўлгани ҳолида уларнинг ҳеч нарсани билмагандек сохта ва ёлғон баёнотлар беришлари ҳар қандай одамни ғазаблантиради. Айниқса, қурбонлар ҳатто ўзларини нима учун ўлдирилаётганларини билмаётган гўдаклар бўлса, бу юракларни лахта-лахта қонга тўлдириб юборади.
Фарзандларимизнинг очкўз капиталистларнинг моддий манфаатга эришиш йўлидаги қурбон бўлишларидан фақат ва фақат Ислом қутқара олади. Ислом тузуми татбиқи натижасида халқаро капиталистик система томирига болта урилади, қонли қўллари кесиб ташланиб, унинг ўрнига барча халқларга адолат улашадиган Ислом системаси халқаро майдонга чиқади.
Ҳизб ут-Таҳрирнинг Ўзбекистондаги медиа офиси. Фаррух
01.03.2019й.
