Исломий Умматнинг бирлашиши амалга ошмайдиган ишми?
بِسْمِ اللهِ الرَّحْمٰنِ الرَّحِيم
Исломий Умматнинг бирлашиши амалга ошмайдиган ишми?
(5-қисм)
Ушбу буюк умматнинг бирлашиши ҳақида сўз юритар эканмиз, куфр аҳли ва адаштирувчиларнинг ёлғон сўзлари, сохта маълумотлари ёки разил одамларни юксак қилиб кўрсатадиган ва покиза, улуғ инсонлар номини ўчирадиган тарихи ҳеч кимни алдаб қўймасин. Уммат бошидан кечираётган бўлиниш ва мағлубиятларнинг сабаби, ҳозирги ботил тузумлар ва улар асоратларининг мавжуд бўлиб туришидир. Ислом Умматининг бирлашиши ушбу шайтоний тузумларни йўқотиш билан амалга ошади. Бу ишни амалга оширишда мусулмонлар улкан қувватга эгадирлар, аммо у бугунги кундаги зулм, бўҳтон ва чалғитишлар таъсирида яшириниб ётибди.
Масалан, бугунги кунда Фаластин, Сурия, Мянма, Шарқий Туркистон ва бошқа юртлардаги мусулмонларга нисбатан содир этилаётган хунрезликлар қаршисидаги бутун олам мусулмонларининг туйғуларини олиб қаранг. Мен уларнинг туйғуларини айтяпман, қилаётган амалларини эмас. Зеро, улар бугунги кунда ўз туйғулари, ҳиссиётлари ва иймонларигагина эга бўлиб, қувват ва хоҳишларига эга эмасдир. Бу нарса улардан тортиб олиниб, ҳозир куфр тузумлари ва инсон шаклидаги шайтонлар қўлидадир. Шунинг учун оламнинг турли бурчакларидаги мусулмонларнинг зулм ва озорларга йўлиқаётган биродарларига ёрдам бериш иштиёқида куйиб ёнаётганлигини кўряпмиз.
Мусулмонлар Ислом оламининг барча томонида қўзғалаётганини ҳамда Масжидул-Ақсо интифозасида Қуддус ва Фаластиндаги биродарларига ёрдам беришни хоҳлаётганини кўрамиз. Лекин улар занжирлаб қўйилган шерлар сингари анави малай, хоин, Умматнинг душмани, мусулмонлар қурбон бўлиб хорланишида, юртлари ва муқаддас нарсалари топталишида душманларга шерик бўлган ҳокимлар қафасларида турибди. Бу ҳокимлар куфрнинг боши бўлмиш америкаликлар билан бирга Шомга қарши уруш ва уни қамал қилишда ҳамкорлик қилмоқда. Улар ўзларини барча маконлардаги мусулмонларнинг қатл қилинаётганини билмасликка олаётганини кўриб турибмиз.
Бунга мисол ва далиллар жуда кўп. Буларнинг барчаси Ислом Умматининг сўзсиз бирлашиши кераклигини таъкидлайди. Бу бирликнинг олдини анави сохта тузумларгина тўсиб турибди. Агар Уммат Ислом ҳақиқатларини тушуниб қолса ва улар йўлида қурбон бўлишга тайёр бўлса, бу тузумлар қутурган итга ўхшаб унга ташланади.
Ушбулардан хулоса қилиб айтамизки, бугунги Уммат ўз қалқонига, яъни у билан ҳимояланадиган Халифасига муҳтождир.
Росулуллоҳ (с.а.в.) имом Бухорийнинг Абу Ҳурайра (р.а) дан ривоят қилган ҳадисларида айтадилар;
« ﻭَﺇِﻧَّﻤَﺎ ﺍﻹِﻣَﺎﻡُ ﺟُﻨَّﺔٌ ﻳُﻘَﺎﺗَﻞُ ﻣِﻦْ ﻭَﺭَﺍﺋِﻪِ ﻭَﻳُﺘَّﻘَﻰ ﺑِﻪِ »
«Имом-халифа қалқондир, унинг ортида туриб жанг қилинади ва у билан ҳимояланилади», дедилар.
Ал-Ваъй журналидан фойдаланилди
Ҳизб ут-Таҳрирнинг Ўзбекистондаги медиа офиси. Зайниддин
04.04.2019й.
