بسم الله الرحمن الرحيم

Буюк келажакни қандай тасаввур қиласиз?

    Ҳукумат раҳбари буюк келажак ҳақида гапириб, “Фарзандларимиз биздан кўра кучли,  билимли ва бахтли бўлиши керак” деган сўзлари инсоннинг ҳис-туйғуларига ўзгача таъсир кўрсатади. Бундай баландпарвоз гаплар бизга ҳудди буюк келажакни ваъда қилаётгандек. ОАВ лар эса ушбу баландпарвоз шиорларни қурилаётган мактаблар, коллежлар, сув ҳавзалари ҳамда спорт иншоотларини намойиш этиб, бу жумлаларни тасдиқлашга ҳаракат қилмоқдалар. Аммо бугунги воқеалик бунинг тамоман аксини кўрсатмоқда.

      Шу муносабат билан, “Буюклик” воқеси ҳақида тўхталишни лозим топдик. Аслида буюк келажак қандай бўлади? Унга қандай эришилади? Буюклик баландпарвоз гаплар билан етиб борса бўладиган ишми? Буюклик соф ва мусаффо жамият, оламшумул ихтиролар, юксак маданият  ҳамда бир ғоя ва мақсад билан яшашлик эмасми?

       Бу саволларга жавоб бериш шуки, уларнинг барчасига олиб борадиган ягона йўл ўз мабдасига эга бўлган давлатдир. Ана шу давлат соясида илм, ихтиро ҳамда ҳарбий ва оғир саноат ўсади, ривож топади, юксалади. Ана шу юксалишга интилаётган эканмиз, барча соҳаларда, албатта, ёш авлоднинг қўшадиган ҳиссаси асосий рол ўйнайди. Мен шу юртнинг ёш бир зиёли фарзанди сифатида, бугунги жамиятимизга назар ташлар эканман, ўзимни зулмат ичида юргандек ҳис қилмоқдаман. Ушбу фикрларимни кўз ўнгимизда рўй бераётган реал воқеликлар билан тасдиқ этмоқчиман.

      Бирор олийгоҳ остонасига қадам қўймоқчи бўлган пайтингизда, у жойга қабул қилинишингизда сизнинг илм савиянгиз асос бўлмай қолганига анча бўлди. Ушбу билим  даргоҳларини тамомлаб, дипломни қўлга киритишнинг ўзи бир ғалабага айланиб улгурди. Ўша диплом асосида бирор корхонага ишга жойлашиш эса, унданда машаққатли. Оддий бир  олийгоҳнинг бу йилги шартнома баҳоси 6 млн сўм атрофида. Ўзбекистонда оддий ишчининг ўртача ойлик маоши 600-700 минг сўмни ташкил этади. Агар шу оиланинг бир фарзанди  олийгоҳда шартнома асосида ўқийдиган бўлса, ота рўзғорни тебратсинми ёки бошқа барча эҳтиёжларини унутиб, бир йиллик шартнома пулини тўласинми? Бу фактлар кимлар учундир эриш туюлсада, айни хақиқатдир.

     Шундай бўлсада ота-оналар қарз кўтариб, фарзандларини илм масканларига етакламоқдалар.  Афсус,  шунча ҳаракатларига яраша таълим  даргоҳлари етишмаслиги яна бир муаммони келтириб чиқармоқда. Юртимизда жорий йилнинг 1 август куни тест синовлари бўлиб ўтди. Жами 605 минг  абитуриентлар имтихондан ўтиш учун ҳужжат топширдилар. Олийгоҳларимиз эса, 50 минг  талабани қабул қилишини эълон қилишган эди. Бу фактлар ачинарли ҳол, чунки ҳужжат топширган абитуриентларнинг атиги 8% гагина олий таълим олиш имконияти бор. Ушбу 8% ни ҳам асосан кимлар ташкил қилиши эса сиз азиз ўқувчига аён.

      Шу ўринда бир савол туғилади, илм даргоҳларига фарзандларини кириши учун аксар ота-оналар имкон топа олмасалар, мабодо имкон топсалар ҳам ўқув масканлари етишмаса ёки олийгоҳлар етарли бўлган тақдирда ўқув программасининг талабга жавоб бермаса… қачон буюк келажакка етиб борамиз? Қачон тараққиёт йўлига чиқамиз, оламшумул ихтироларни кашф этамиз? Ушбулардан хулоса қилган ҳолда, фарзандларингиз сиздан кўра билимдон, етук инсонлар бўлиб камолга етишига кўзингиз етмоқдами, буюк келажак тўғрисидаги сўзлар қуруқ шиорлар бўлиб қолмаяптими?

     Ҳа, ҳақиқат шуки, барча соҳалардаги муаммолар каби илм даргоҳларидаги муаммоларимиз ҳам бугунги куфр тузумлар орқали асло ечилмайди. Сизу биз кутаётган ислоҳотлар фақат ва фақат аждодларимизни юксалтирган муқаддас Ислом мафкурасини ҳаётга қайтиши билангина бўлади. Ўз тарихимизга назар солсак, Ибн Сино, ал Фарғоний, ал Хоразмий, ал Бухорий, Улуғбеку Берунийлардек ҳақиқий мутафаккир олимлар ўз мафкурасига эга Буюк Ислом Давлатининг  намоёндалари эдилар.                                                                             

Мухлисингиз Жамшидбек.

25.08.2015й.