بِسْمِ اللهِ الرَّحْمٰنِ الرَّحِيمِ

Ямандаги сиёсий ва ҳарбий кураш фақат мустамлакачи АҚШ ва Британияга хизмат қилади

Русиял Явм веб-сайти (ҳижрий 1440 йил 23 шаввол, милодий 2019 йил 26 июн чоршанба куни) нашр қилган хабарда бундай дейилади:

«Бугун чоршанба куни эрта тонгда номаълум шахслар Яманнинг жанубий шарқидаги Шабва вилоятидаги газ қувурини портлатишди. Новости агнетлигининг маҳаллий ҳокимиятдаги манбалардан бирига таяниб хабар қилишича, 320 км. узунликдаги газ қувурининг портлаши Шабва вилоятининг жанубий шарқи Рузум провинциясидаги Айн Бомаъбад ҳудудида содир этилган. Портлаш оқибатида қувур линиясида кучли ёнғин чиққан. Бу июн ойида содир этилган газ қувури портлатилишининг учинчиси ҳисобланади.

Яман 2014 йилдан бери Абдуроббиҳ Мансур Ҳодий ҳукумати билан «Ансоруллоҳ» ҳаракати ўртасидаги сиёсий-ҳарбий низога гувоҳ бўлмоқда. Яман ҳукумати тарафида Саудия етакчилигидаги араб давлатлари коалицияси кучлари жанг қилмоқда».

Роя газетаси шарҳи:

Бутун Яманда хусусан, Шабва вилоятида кетаётган сиёсий кураш ва ҳарбий жанглар, шунингдек, Абдуроббиҳ Мунсур Ҳодий билан Ҳусийлар ўртасида кетаётган жангларнинг барчаси уларнинг ортида Яман учун курашаётган мустамлакачи давлатлар (АҚШ билан Британия) фойдасига хизмат қилади. Асло Яман аҳли фойдасига хизмат қилмайди. Зотан, имон ва ҳикмат юрти бўлмиш Яман аҳлини Аллоҳ Субҳанаҳу бир-бирларига қарши уришишдан қайтарди, буни ҳаром қилди, бир-бирларига қарши жанг қилишнинг оқибати ёмон бўлиши билан таҳдид этди. Аллоҳ Таоло бундай деди:

﴿وَمَا كَانَ لِمُؤْمِنٍ أَن يَقْتُلَ مُؤْمِناً إِلَّا خَطَأً﴾

«Мўмин мўминни фақат билмаган ҳолдагина ўлдириб қўйиши мумкин»   [Нисо 92]

﴿وَمَن يَقْتُلْ مُؤْمِناً مُّتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً﴾

«Ким қасддан бир мўминни ўлдирса, унинг жазоси жаҳаннам бўлиб, ўша жойда абадий қолажак ва у Аллоҳнинг ғазабига, лаънатига дучор бўлган, Аллоҳ унинг учун улуғ азобни тайёрлаб қўйгандир»                                                          [Нисо 93]

Ушбу имон ва ҳикмат юрти аҳли нега ўз юртларини курашувчи душманларга қўйиб берадилар, бунга Пайғамбарлик минҳожи асосидаги рошид Халифалик давлатини барпо этиш учун фаолият олиб бораётган холис инсонлар билан биргаликда қарши курашсалар бўлади-ку?!

Роя газетасининг 2019 йил 17 июл чоршанба кунги 243-сонидан