Ортингдан саволлар қолди муслима синглим Роҳила!

بِسْمِ اللهِ الرَّحْمٰنِ الرَّحِيم

وَلاَ تَقُولُواْ لِمَنْ يُقْتَلُ فِي سَبيلِ اللّهِ أَمْوَاتٌ بَلْ أَحْيَاء وَلَكِن لاَّ تَشْعُرُونَ

– “Аллоҳнинг йўлида қатл бўлганларни ўликлар деманг. Балки улар тирикдирлар, лекин сизлар (буни) сезмайсиз”.

Эй муслима синглим, бу ҳаётинг сен учун аллақачон арзимас нарсага айланганлигини, яъни иймонинг йўлида фидо қилиш учун тикиб қўйилганлигини кимлар билди, кимлар эса билмади!

Сен бу ҳаётинг Эгасига ҳисоб беришни ўйлаб зиндонларда неча туну неча кунни бедор ўтказган эдинг?! Сени ўша зиндонларга солганлар бу бедорликлар фақатгина Яратувчининг розилиги учун бўлганлигини ўйлаб кўрдилармикан?!

Сен ҳам биродарларнинг ўлимларини кўриб кўп бора ўйлагандирсан-а?! Бундай ўлимлар кимларга керагу ва улар қачон тўяди?! Муслим ва муслималарнинг ўлими кимга қандай манфаат келтиради?! Нима учун мўмин ва мўминаларни қамоққа тиқиш одатга айланди?! Қачонгача “Роббим Аллоҳ”, дейиш жиноят ҳисобланади?! Бирор кофир юртнинг мусибатига бир зумда ҳамдардлик изҳор қиладиганлар, нега мусулмонларнинг ўлимига ёки ўлдирилишига парво ҳам қилиб қўйишмайди?! Нима учун мамлакатдаги энг муҳим масала сифатида қаердандир қарз олиш ёки қаергадир қанчадир сарф этилганини гапирадиганлар умматнинг асл масаласи бўлган, бу халқнинг чуқур дарди бўлган эътиқод масаласига жиддий қарашмайди?! Нима учун қамоқларда йигирма йиллаб ўтирганлар ҳам шу халқнинг ўғлонлари ва қизлари эканлигига аҳамият бермайди?!

Биласанми, шу онда сенинг ўлимингдан хабардор бўлган ҳар бир мард мўмин эркак синглиси, опаси, қизи, ёри сендек бўлишини ва ҳар бир мўмина аёллар яқинлари тугул ўзлари ҳам ўрнингда бўлишни истаётирлар?! Ва сен тортган ўша зиндонлардаги азобларинг учун ин ша Аллоҳ оладиган ажринг бизда ҳам бўлишини истаётганимизни хаёлингга келтирганмидинг?! 

Биз сенга ҳавас қилдик синглим, ўз йўлингда собит қадамлигингга, журъат ва шижоатда маҳкамлигингга, зулмлар бошингга келганда қилган сабрингга, золимларга эгилмаганингга, шу ҳаётингни Аллоҳ йўлида сарф этганингга ҳавас қилдик, ҳа, албатта, ҳавас қилдик! Бу кунларда қанча инсонлар дунё йўлида жонларини фидо қилишмоқда, лекин сен жонингни нимага фидо қилишни билдинг ва шу йўлда фидо қилдинг! Субҳаноллоҳ! Муслима синглим, сенга Фирдавс бўлсин, сенга Тубо бўлсин! Аллоҳ сени шаҳидлигингни қабул қилсин!

إِنَّا لِلّهِ وَإِنَّـا إِلَيْهِ رَاجِعونَ

– “Албатта, биз Аллоҳникимиз ва албатта биз у Зотга қайтгувчилармиз”.  (Бақара:156)

Ҳизб ут-Таҳрирнинг Ўзбекистондаги медиа офиси. Абдуллоҳ

11.08.2019й

+1

0