بِسْمِ اللهِ الرَّحْمٰنِ الرَّحِيمِ

Ҳиндистон мусулмонларнинг 4500та уйини бузиш тўғрисида қарор чиқарди

Ал-Жазира нет веб-сайти (ҳижрий 1444 йил 9 жумодуссоний, милодий 2023 йил 2 январ душанба куни) нашр қилган хабарда бундай дейилади:

Ҳиндистон шимолидаги Халдвани шаҳрида минглаб мусулмонлар суднинг 4500та уйни «рухсатсиз қурилган», деган баҳона билан бузиш тўғрисида чиқарган қарорига норозилик сифатида намойиш қилишди. Суд ўнлаб йил яшаб келган бу уйлар аҳолисига уйни бўшатишга бир неча кун муҳлат берган.

Роя:

Бу қарор Ҳиндистон ҳукуматининг мусулмонларга қарши қатор жиноятларига ҳамда уларга нисбатан чиқарган қатор адолатсиз қонунларига яна бир қўшимча бўлди. Ҳали бу ёқда уларга қарши ҳиндулар томонидан ваҳшиёна жиноятлар содир этилмоқда ва бу жиноятлар яширилиб, жиноятчилар ҳинд хавфсизлик кучлари томонидан ҳимоя қилинмоқда. Бу ҳукумат мусулмонлар уйларини бузиш тўғрисида қарор чиқарар экан, ҳар сафар турли асоссиз нарсаларни баҳона қилади. Бу сафар ҳам бузиш учун минглаб оилаларнинг ноқонуний ва рухсатсиз яшаганини, бу ер темир йўл идораси мулки эканини, уйларни темир йўл лойиҳаси учун бузаётганини баҳона қилиб келтиряпти. Ваҳоланки, уйлар аҳолиси бу уйлари аждодларидан мерос бўлиб келганини ҳамда электр энергияси ва бошқа хизматлар учун тўловларни тўлаётганларини, қўлларида турар-жойга эгалик ҳуқуқлари ва бошқа ҳужжатлари борлигини таъкидламоқдалар.

Оммавий ахборот воситалари хабарларига кўра, ушбу адолатсиз қарор соясида бу оилаларнинг келажаги қоронғи қолмоқда. Чунки улар ўз фарзандларининг вилоятда ўқишни давом эттириш имкониятларидан маҳрум бўлганлар. Ҳатто маҳаллий матбуот бу аҳолига қаҳратон қиш кунларида очиқ ҳавода қолиш хавфи таҳдид солаётганини ёзмоқда.

Роя газетасининг 2022 йил 11 январ чоршанба кунги 425-сонидан