Бугунги ҳолатимиз қандай?

بِسْمِ اللهِ الرَّحْمٰنِ الرَّحِيم

Бугунги ҳолатимиз қандай? Жуда ҳам аянчли! Даҳшатли! Аламли! Чунки бугун биз саробга интилиб, ортидан чопмоқдамиз. Даҳшатлиси унга борлиғимиз билан талпинмоқдамиз. Энг аламлиси, бу сароб бизни хорликка ва тубанликка етаклаётганини англамаяпмиз. Бугун биз ҳаётимизни капитализмнинг ботил ақидаси тушунчалари билан тартиблаштиришга зўр бериб ҳаракат қиляпмиз. Ғарб дунёқараши, маданияти асосида турмуш тарзимизни шакллантиришга уриняпмиз. Унинг демократик “эркинлик”ларига маҳлиё бўляпмиз, ундан яхшилик излаяпмиз. Ваҳоланки, унда бу хусусият йўқ. Бўлмаган ҳам. Аммо биз бу ботил ақиданинг асл моҳиятини англамаган ҳолда унга кўр-кўрона эргашишга уриняпмиз. Энг аламлиси мана шу.

Шу сабабли, бу ботил ақида ҳақида тиниқроқ тасаввур қилишингиз учун Ғарбнинг машҳур инсонларидан айримларининг капитализм ва унинг ботил демократияси ҳақидаги фикрларини сизларга тақдим қиламиз. Льюис Мамфорд, америкалик тарихчи ва файласуф:

Капитализмнинг қийматлар тизими уларда иқтисодий манфаатга интилишга ундовчи туртки борлиги сабаб христианликнинг етти гуноҳидан бештасини – манманлик, ҳасад, ҳасислик, очкўзлик ва шаҳватни – ижобий ижтимоий фазилатга айлантирди. Асосий фазилатлар ҳисобланган севги ва камтарликни “манфаатга зарар” деб ҳисоблаб, рад этди.

Бенжамин Франклин, америкалик сиёсий арбоб:

Демократия – бу икки бўри даврасидаги қўзичоқнинг таомномани овозга қўйиши.

Жорж Г.Байрон, инглиз шоири:

Барчаси шу даражада ёмонки, қайси бошқарув тузуми ёмонлигини айтиш жуда қийин. Аммо барчасидан ёмони демократия, чунки у ярамасларнинг зодагонлиги.

Уинстон Черчилль, Буюк Британия бош вазири (1940-1945,1951-1955 й): Демократия – бошқаларини ҳисобга олмасак, энг ёмон бошқарув шакли.

Генри Луис Менкен, америкалик журналист, сатирачи:

Демократия – маймун қафаси ичидан туриб циркни бошқариш.

Бундай фикрларни жуда кўп келтириш мумкин. Лекин асосий мақсад бугун ҳаётимизга бу ботил ақидани киритиш билан уни барбод қилаётганлигимизни англатиш. Чунки унда инсонни тўғри юксалиш ва азизликка олиб чиқувчи ҳеч нарса йўқ. Фақат хорлик ва тубанлик бор. Шундай экан, биз унинг бахт ва ривожланиш ҳақидаги сохта ваъдаларига алданмай ундан воз кечишимиз керак. Бунинг учун энг тўғри йўл ўз Исломимизга қайтишдир. Аллоҳ Таоло айтади:

قُل لاَّ يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ فَاتَّقُواْ اللّهَ يَا أُوْلِي الأَلْبَابِ لَعَلَّكُمْ تُفْلِحُونَ

– “Айтинг:  “Гарчи  нопок  нарсанинг кўплиги сизни қизиқтирса ҳам, нопок нарса пок нарсага баробар бўлмас. Бас, аҳли дониш, нажот топишингиз учун Аллоҳдан қўрқингиз!” (Моида:100)

Яратувчимиз ҳаётимизни чиройли тарзда тартиблаштириб, азизлик ва юксакликка эришишимиз учун ўзининг мукаммал шариатини нозил қилди. Аллоҳ Таоло айтади:

وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ

– “Сизга Китобни барча нарсаларни баён қилиб берадиган қилиб нозил қилдик”. (Наҳл:89)

Яна айтади:

الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمْ الْإِسْلَامَ دِينًا

– “Бугун сизларга динларингизни тўлиқ қилдим ва неъматимни мукаммал тўла-тўкис қилиб, сизларга Исломни дин бўлишига рози бўлдим”. (Моида:3)

Демак, биз учун энг тўғри йўл Исломда. Буни англаб етмасак иккинчи Рошид халифа Умар р.а. айтганларидек: “Биз Ислом билан азиз бўлдик, агар азизликни бошқа нарсадан изласак, Аллоҳ бизни хор қилади”.

Ҳизб ут-Таҳрирнинг Ўзбекистондаги медиа офиси. Салоҳиддин

29.12.2019й