بِسْمِ اللهِ الرَّحْمٰنِ الرَّحِيم

Матбуот баёноти

Ҳизб ут-Таҳрирнинг марказий матбуот бўлими аёллар қанотига тегишли «Аёл ва шариат» саҳифасининг Фейсбук томонидан ёпиб қўйилиши аёлларни Ғарб либерализми натижасидаги зулмдан озод қилиш учун Исломга даъват қилаётган муслималар овозини бўғишга уринишдир

Фейсбук ижтимоий тармоғи 2019 йил 29 ноябр, жума куни Ҳизб ут-Таҳрир марказий матбуот бўлими аёллар қанотининг инглиз тилидаги «Аёл ва шариат» саҳифасини ёпиб қўйди. Тармоқ ўзининг ушбу ишини оқловчи бирор баҳона келтира олмади. Ушбу саҳифанинг 40000дан ортиқ мухлис ва кузатувчилари бор эди. Ҳатто пост қолдирганлар сони ярим миллиондан ортиқ бўлган. Ушбу саҳифа бутун олам бўйлаб аёл ва болалар йўлиқаётган зулм ҳамда муҳим муаммо ва масалаларни ёритиб борар эди. Шунингдек, ушбу масалалар ҳақидаги исломий нуқтаи назарни тақдим этар эди. Бундан ташқари, аёлнинг ҳақиқий роли, вазифаси, ҳуқуқлари ва ўрнини исломий бошқарув низоми бўлган Пайғамбарлик минҳожи асосидаги Халифаликда белгилангандек тушунтириш орқали унинг Исломдаги ўрни ва муомаласи ҳақидаги хато маълумот ва уйдирмаларни парчалашга ҳаракат қилар эди.

Ушбу саҳифа бир қанча йиллардан бери турли мавзуларда муҳим, фойдали ва улкан кампанияларни уюштириб келаётган эди. Оила яхлитлигининг парчаланиши, унинг олам бўйлаб жамиятларга таъсири, дунё давлатларидаги таълим тизимига таъсир қилаётган фожиали аҳволдан қутулиш кайфияти ва бугунги мусулмон ёшларнинг исломий ўзлигини ушлаш жараёнида йўлиқаётган қийинчилик ва қаршиликларга қандай муносабатда бўлиш каби мавзулар шулар жумласидандир. Ушбу саҳифа яна дунё бўйлаб мусулмонлар, айниқса Сурия, Фаластин, Мьянма, Яман, Кашмир, Марказий Африка ва Хитой каби давлатлардаги аёл ва болалар йўлиқаётган оғир меҳнатларга бутун дунё эътиборини тортишга ҳаракат қилаётган эди.

Ушбу саҳифа ўзи тарқатаётган барча нашралар ишончли манбалардан олинган тўғри маълумотларга асосланганини таъкидлаб келар эди. Шунингдек Ислом ҳақида турли уйдирмаларни тарқатадиган ва Фейсбук тармоғи уларни жазоламай эркин ташлаб қўядиган бузуқ саҳифаларга зид ўлароқ одоб ва ахлоққа тўғри келмайдиган нарсаларни тарқатмас эди.

«Аёл ва шариат» саҳифаси Ҳизб ут-Таҳрирнинг марказий матбуот бўлими саҳифаларидандир. Ҳизб ут-Таҳрир эса, сиёсий ҳизб бўлиб, аксарият Ғарб давлатларида таъқиқланган эмас. Шу жумладан «Фейсбук» тармоғининг асосий офиси жойлашган Америкада ҳам. Биз бу давлатларда ошкора фаолият олиб борамиз ва ўнлаган конференция ва семинарлар ўтказганмиз. Шунингдек кўчалар ва интернет орқали сиёсий ишлар ва фаолиятлар олиб борганмиз. Шу ерда бир савол туғилади: Нима учун Фейсбук тармоғи эркин фикрлар ва баҳс мунозаралар платформаси бўла туриб, замонавий жамиятга хавф солмайдиган саҳифани тақиқламоқда?

Бу каби расизмнинг сабаби йўқлиги аниқ. Зеро, бизнинг саҳифамиз ҳеч қандай баҳонасиз ёпиб қўйилишида ягона ҳақиқат бор. У ҳам бўлса, муслималар Ғарб либерализмининг натижаси бўлган зулмдан озод бўлиш учун Исломга чақиришлари уларнинг шартлари ва сиёсатларига зид келганлигидир. Улар бизнинг номимиздан бошқалар ёлғон гапиришини афзал деб биладилар. Улар бизни Исломни қўллаб-қувватловчи муслима аёллар сифатида ўз фикрларимизни очиқ ифодалашга имкон берадиган платформага рухсат бериш ўрнига бизнинг ўзлигимизни тасвирлашда ўйин қилмоқдалар. Бундан ташқари ушбу оммабоп саҳифа турли уйдирма ва адаштирувчи туҳматлардан кўра? Халифалик низомини аёлларни ҳимоя қилувчи қалқон сифатида кўрсатган эди. Лекин у ушбу алоқа сайти ширкати учун қабул қилиб бўлмас ишга айланиб қолди. Фейсбук тармоғи ўзининг ушбу иши орқали муслима аёлларни овозини ваҳший сиёсий йўллар билан ўчиришга ҳаракат қилган илмоний ҳукумат ва репрессив режимларга қўшилди. Чунки бу муслималар илмоний либерализмни инкор қилмоқда ва Исломни ўзлигининг асоси сифатида қабул қилмоқда. Шунингдек, ҳар қандай замон ва маконни ислоҳ қиладиган низом ва шариат орқали ўз юртларида ҳақиқий ўзгартириш ясашни хоҳлашмоқда. Биз овозларимизни ўчиришларини хоҳламаймиз ва Аллоҳнинг изни билан яқинда ҳақиқат рўёбга чиқади.

Шунинг учун биз ҳақ ва адолатга ёрдам бераётган ва бугун миллионлаган аёллар йўлиқаётган зулмга барҳам беришни истаётган ҳамда мусулмон юртларда ҳақиқий ўзгартириш ясашга ҳаракат қилаётган ҳар бир кишини янги саҳифамизни қўллаб-қувватлашга чақирамиз:

https://www.facebook.com/WomenandShariah2

﴿يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ﴾

«Улар Аллоҳнинг нурини (яъни, Исломни) оғизлари (яъни, беҳуда гаплари) билан ўчирмоқчи бўладилар. Аллоҳ эса, гарчи (кофирлар) хоҳламаслар-да, фақат Ўз нурини тўла (яъни, ҳар тарафга) ёйишни истайди»                           [Тавба 32]

Д. Насрин Навоз

Ҳизб ут-Таҳрирнинг марказий матбуот

бўлими аёллар қисми мудираси