بِسْمِ اللهِ الرَّحْمٰنِ الرَّحِيم

Матбуот баёноти

Энди Ҳизб ут-Таҳрирни обрўсизлантириш навбати Жавҳар вилоятига келди

Афтидан, бу юртдаги бир қатор диний идоралар масъулиятни ўз зиммасига олишда йўналишини ва профессионаллигини йўқотган кўринади. Кўриниб турибдики, бугунги кунда уларнинг бутун эътибори ўзлари келиша олмаган исломий ҳаракатларга қарши одамлар ғазабини қўзғашга ҳамда ўша ҳаракатлар томонидан содир бўлган хатони топишга қаратилиб қолди. Агар улар хато топа олишмаса, бу жамоаларни обрўсизлантириш учун режа тузишмоқда. Жавҳар вилояти диний идораси Ҳизб ут-Таҳрирга қарши айнан шундай йўл тутмоқда. Селангор ва Сабоҳ вилоятлари Ҳизб ут-Таҳрирга қарши иғвогарона фатво чиқарганидан кейин, айни шу ишни, балки ундан ҳам ёмон ишни қилиш навбати Жавҳар вилоятига келди.

Жавҳар вилоятидаги исломий диний ишлар бошқармасининг вилоятдаги масжидлардан Ҳизб ут-Таҳрирга қарши туҳмат ва ёлғон тарқатиш жойи сифатида фойдаланиши жуда ачинарлидир. Исломий диний ишлар бошқармаси Аллоҳ Таолонинг покликка ва кишилар шаънини сақлашга риоя қилиниши керак бўлган байти (уйи)ни Ҳизб ут-Таҳрирга қарши туҳмат ва миш-мишлар билан булғади. Бундан ҳам қайғулиси шу бўлдики, Ҳизб ут-Таҳрир Жавҳар вилоятидаги диний ишлар бошқармаси раҳбарларини олдиндан огоҳлантириб, идора қароргоҳи олдида тинчлик намойиши ўтказиш орқали улардан бундай хутбаларни тўхтатишни талаб қилди. Бироқ улар ўз қилмишларини давом эттиришда қаттиқ туришди. Гўё масжид ўларининг мулкидек, масжидда истаган ишларни қилиш, ҳатто уни булғаш мумкиндек… Дарҳақиқат, диний ишлар бошқармаси Умматни сақофатлантириш ва унинг савиясини ошириш учун фойдаланилиши керак бўлган жумъа хутбасидан ўзлари келишолмаган кишилар обрўсини тўкиш учун сиёсий минбар сифатида фойдаланди.

Селонгор ва Сабоҳ вилоятлари чиқарган иғвогарона фатволарга қўшимча 2020 йил 10 январда «Ҳизб ут-Таҳрир дарсларидан қочиш» мавзусида ўқилган жумъа хутбаси бир қатор қабиҳ ва аҳмоқона нуқталарни ўз ичига олди. Хутбада айтилишича, Ҳизб ут-Таҳрирга алоқадор нуқталарнинг барчаси Жавҳар вилояти фатво қўмитаси чиқарган фатвога таянган. Бизни ҳайратга солган нарса шуки, уламоларга бой бўлиши тахмин қилинган ҳайъат масалани аввал ўрганмай туриб ёки Ҳизб ут-Таҳрир билан учрашмасдан қандай унга туҳмат қилишга ва унга қарши ёлғон тўқишга журъат қилди?! Ўрганмасдан, воқеалар тўғрилигини текширмасдан ҳамда улар ҳақида фатво чиқарилаётган томон билан учрашиб маслаҳатлашмасдан фатво чиқариш Жавҳар вилояти фатво қўмитасига муносибми?! Фатво қўмитаси аввал биз билан учрашиб, фикр ва тушунчаларимиз ҳақида биздан сўраши ва биз билан мунозара қилиши керак эмасмиди?!

Хутбада айтилган туҳматга асосланиб айтиш мумкинки, Жавҳар вилояти фатво қўмитаси бу масалани ўрганиб чиқмаган. Уларнинг уйдирма ва ёлғонлари интернет оламида олдиндан мавжуд бўлган ва Ҳизб ут-Таҳрирни ёқтирмаганлар тўқиган ёлғонлар орасидан танлаб олинган. Жавҳар вилояти фатво қўмитаси Ҳизб ут-Таҳрирга адоватда бўлган кишилардан маълумот олиш ўрнига Ҳизб ут-Таҳрирга келиши ва у билан суҳбатлашиши керак эди. Аслини олганда, Жавҳар вилояти фатво қўмитаси Ҳизб ут-Таҳрир идорасининг доим очиқ бўлишини ва Ҳизб аъзолари учрашишга доим тайёрлигини яхши билади. Агар улар ҳақни билишни исташса ҳар қандай пайтда келишлари мумкин эди. Афсуски, улар ботил йўлни танлашди.

Бу ҳам етмагандек, хутбада Ҳизб ут-Таҳрир Уммат бирлиги ва тинчлигига ҳамда миллий хавфсизликка хавф туғдиришда айбланди. Бу қандай сохта тахмин? Шу ўринда «бундай тахминга асосланиб фатво чиқариш мумкинми», деган ҳақли савол туғилади. Бу тахмин бўлиши билан бирга асл ҳақиқатларга ҳам зид келади. Жавҳар вилояти фатво қўмитасининг «20 йилдан бери, яъни Ҳизб ут-Таҳрир пайдо бўлганидан бери юрт у келтириб чиқарган тартибсизликлардан азият чекиб келмоқда», деб айтиши бизни ҳайрон қолдирди.

Бу ҳам камлик қилгандек, хутба матнида «Ҳизб ут-Таҳрир Исломни татбиқ қилмаган ҳокимларга қарши уруш очишни вожиб дейди», деган туҳмат ва ёлғонлар келган. Афтидан, Жавҳар вилояти фатво қўмитаси ва исломий диний ишлар бошқармаси бундай қабиҳ туҳматларга журъат қиладиган даражада ақл-ҳушини йўқотган кўринади. Бу даъволар уларнинг Ҳизб ут-Таҳрирга нисбатан нияти ёмонлигини очиқ кўрсатиб турибди. Агар биз Ҳизб ут-Таҳрирнинг Исломни татбиқ қилмаган ҳокимга ҳужум қилганига ёки бундай ҳокимнинг Ҳизб қўлида ўлим топганига доир бирор далил келтиришларини талаб қилсак, Жавҳар вилояти фатво қўмитаси ҳам, диний ишлар бошқармаси ҳам бирор далил келтира олмайди. Ҳатто инсону жинлар тўпланиб ҳаракат қилса ҳам бунга далил келтира олишмайди.

Биз хутбани ўқишга рози бўлмаган имом-хатибларга миннатдорчилик билдирамиз. Аллоҳ Таолога дуо қилиб сўраймизки, уларни яхшилик билан мукофатласин ва уларни ҳақ учун туришда янада жасоратли қилсин. Аммо хутбани ўқиганларга келсак, бунинг сабаби қандай бўлишидан қатъий назар уларни кечиришини сўраб Аллоҳга дуо қиламиз. Аъзолари холис уламолар бўлиши тахмин қилинган фатво қўмитасига бу туҳмат ва ёлғонлар оқибати ўзларига қайтиб келишидан олдин фатвони бекор қилишларини маслаҳат берамиз. Зеро, туҳмат ва ёлғон дунёю охиратда асло фойда келтирмайди.

Абдулҳаким Усмон

Ҳизб ут-Таҳрирнинг

Малайзиядаги расмий нотиғи