بسم الله الرحمن الرحيم

Қирғизистон ҳукумати ҳижобли муслималарга қарши чиқмоқда!

Хабар

“K-news” ахборот агентлиги 19 июльда Анора Бакитбоеванинг “Баннерлар можароси: фитнами ёки миллий бирдамликга чақирувми?” номи остидаги мақоласи чоп этилди. Мақола муаллифи кейинги пайтларда Қирғизистон мусулмонларининг қўзғалгани масаласини кўтаради. Деярли бир ҳафтадирки, жамоатчилик орасида Қирғизистон пойтахтида илинган  қизларнинг миллий ҳижоб ва никобда тасвирланган “Эй бахтсиз халқим, қаёққа қараб кетяпмиз?!” деб ёзилган баннерлар ҳақида муҳокамалар тинмаяпти.

14 июль Бишкекда Германия канцлери Ангела Меркель ташрифи муносабати билан ўтказилган пресс конференцияда Атамбаев ўз ташаббуси билан  мамлакат бўйлаб баннерлар илиб чиқиш учун маблағ ажратилишини айтиб ўтди. Яна Атамбаев “Бу баннерлардаги мавзуларнинг Ислом қадриятларига алоқаси йўқ. Бу миллий кийиниш, урф одатларимиз, қирғиз тили, кийиниш маданияти ва миллий қадриятларимизни ҳимоя қилишга алоқадор ҳаракатдир. Бизга Арабларнинг, Бангладеш ёки индонезия ва бошқаларнинг кийиниш маданиятининг кераги йўқ” деди президент.

Изоҳ: Кейинги ойларда Қирғизистон мусулмонлари ҳижоб мавзусини қизғин муҳокама қилмоқдалар. Ғарб сақофати билан заҳарланган ва илмонийлашган бир қисм мусулмонлар ҳижобни ёт маданият дея, бу сўзларига биронта далил келтира олмаяптилар. Мусулмонларнинг қолган қисми ҳижоб ҳақида гапирар эканлар, ўтмишларини эсга оладилар ва ҳижоб қирғиз халқининг маданиятининг ажралмас бўлаги эканини таъкидлайдилар. Шунга кўра улар кексаларнинг сўзларини ва муслималарнинг қирғизларга хос миллий безакли ва бош кийимда тасвирланган эски фотосуратларни далил қилиб кўрсатадилар.

Аввалроқ 27 май Ош шаҳрида ўтказилган «Ислом тарихида аёллар ўрни» мавзуидаги конференция жамоатчилик орасида мунозаралар келтириб чиқарган эди. Конференцияда мамлакатнинг юзлаган муслималари тўпланган эдилар. Конференция Қурбонжон Додхох (19 аср охирларида қирғиз ҳалқи йўлбошчиси) хотирасига бағишланган эди. Конференция иштирокчилари ҳижоб ва ниқобда бўлганликлари учун хабар ва суратлар тезликда ижтимоий тармоқларда тарқалиб, қизғин муҳокама қилинди.

Мусулмонларнинг ислом динига амал қилишлари ва мамлакатда муслималарнинг ҳижобга киришларини тез суратларда ортиб бориши ортидан уларни турли йўллар билан Исломдан чалғитишга ҳаракат қилувчи бузуқ ҳукуматнинг тинчини бузди. Ҳукумат Ислом ва мусулмонларга қарши курашда ўзларига мақул бўлган фатволар чиқариб берувчи хоин имомлардан фойдаланмоқда. Шу билан бирга ҳукумат ОАВдан ва журналист ёзувчилардан иборат илмонийлашган муфаккирлардан ҳам фойдаланмоқда. Бунга яққол мисол журналист Норин Айипов ўзининг Facebook саҳифасида конференцияга оид суратларга фикрларини билдириб ўтди:

– «Мен ҳайратдаман. Бу Қирғизистонми ёки йўқми, дея ўйланиб қолдим. 21 асрда буларнинг бари нега керак? ўзининг диндорлигини кўрсатиш учун наҳотки ўраниш керак бўлса? Орамизда диний қонунлар учун ислоҳотлар қилиш ва кучайтириш керак. Динни асосини тушунмай туриб ташқи кўринишга қарашлик – ёмон ҳолатдир. Ислом динидами ёки йўқми, мусулмонми ёки кофирми, ҳаммасидан ҳам ёмони – жамият орқага қараб кетмоқда. Инсоният юксалмоқда, қирғизлар бўлса, Солижон Жигитов айтганидек, «кўзимиз орқамизда», ортга қарамоқдамиз. Бизларни олдинга бошловчи йўлбошчиларимиз йўқ».

Роббисининг буйруқларини бажараётган иффатли муслималарга мана шундай муносабат Ғарбнинг илмоний ақидасидан келиб чиқмоқда. Ахир бу Ғарб бузуқ сақофатидан сақофатланган муфаккирлар ва малай сиёсатчилари орқали мусулмонларга Ислом инсонларнинг зарурий муаммоларини еча олмайди, бу таназзулга олиб борувчи ҳамда ўрта асрлар қонунлари дея уқтириб келмоқда.

Лекин воқеликда кўриниб турибдики, Ғарбнинг илмоний ақидаси бизнинг юртларимизни фикрий ва моддий мустамлака қилишда бир ёлғон нарсадир. Қирғизистон мусулмонларига илмонийликни олиб келаётган Ғарб, мусулмонларнинг манъавий ва моддий жиҳатдан орқада қолиб кетишларига муваффақ бўлди. Кўриб турибмизки, ҳалқ қашшоқликда яшамоқда, ҳеч қандай илм фан ёки техника каби моддий соҳада, шу билан бирга ахлоқий руҳий томондан ҳам ҳеч қандай юксалиш ҳам йўқ.

Ҳукумат ёшларни ҳар турли ўйин кулги дастурлари билан алкоголизм ёки наркомания каби тубанликларга тортиб ахлоксизлантирмоқда. Шунингдек, ҳукумат ёшларни ўз муамоларини еча олмайдиган мустақил бўлмаган ва уқувсиз бўлиб қолишларида ўз мақсадига эришмоқда.

Шунинг учун ҳукумат мусулмонларни шу билан бир қаторда ёшлардан иборат бўлган қатламни ўз динларини маҳкам ушлашларини истамайди. Ҳаммага маълумки, айнан ёшлар аҳолининг ўз йўлида тоғларни ағдарадиган фаол қатламдир. Бунга мусулмонлар тарихида ҳоҳ ёш саҳобалар бўлсин, ёки тобеинлар бўлсин, ёки кейинги Ислом умматининг эр йигитлари бўлсин, етарлича мисоллар бор.

Ҳукуматнинг ислом ва мусулмонларга жумладан ҳижоб ёки соқол, давъат бўлсин, ҳужум қилиши шуни кўрсатадики, Қирғизистон мусулмонлари уйғонмоқдалар ва Роббиларининг буйруқларини бажаришга интилмоқдалар. Ҳукуматнинг Ислом ва мусулмонларга қанчалик кўп ҳужум қилган сари пайғамбарлик минҳожи асосидаги рошид Халифаликни тикланиши тезроқ амалга ошади.

Пайғамбаримиз соллалоҳу алайҳи васаллам айтганларидек:

“…Сўнг золим ва зўравон(подшоҳлик) бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосида Халифалик бўлади. Сўнг Пайғамбар САВ сукутга чўмдилар”.

Марказий ахборот бўлими аъзоси Элдор Хамзин

25.07.2016