بِسْمِ اللهِ الرَّحْمٰنِ الرَّحِيمِ

Ҳамдукнинг Суданни халқаро васийлик остига киритиш учун ҳаракат қилиши ҳарбий инқилобни тезлаштириши мумкин

Халқаро хавфсизлик кенгашининг 2020 йил 24 апрел жума куни чиқарган баёнотида Суданнинг БМТда сиёсий ваколатхона очиш тўғрисидаги илтимоси қондирилди. (Судан трибюн). Ушбу делегация бош вазир Ҳамдукнинг 2020 йил 26 январда БМТ бош котибига йўллаган мактубидаги илтимосига биноан келади. Бу ҳақда Қудсул Арабий газетасининг 2020 йил 9 феврал сонида бундай дейилади: (Судан ҳукумати олтинчи бобга мувофиқ тинчликни қўллаб-қувватлаш учун имкони борича тезроқ БМТдан Хавфсизлик кенгаши ваколатини олишни илтимос қилди. Судан ҳукумати буни кучли таркибга эга сиёсий делегация шаклида бўлиши ҳамда кутилаётган делегациянинг ваколати Суданнинг барча территориясини ўз ичига олиши лозимлигини айтган). Шу манбанинг ўзида ушбу делегация салоҳиятлари ҳақида бундай дейилади: (Суданга халқаро иқтисодий ёрдамлар кўрсатиш, юртнинг барча жойларида фаол инсонпарварлик ёрдамларини бериш, конституция ишлаб чиқиш ҳамда қонун ва суд соҳасида ислоҳот ўтказиш, маданий хизматлар ва хавфсизлик соҳасида, фуқаровий хизмат соҳасида ислоҳотлар ўтказиш учун техник кўмак кўрсатиш, юрт ичида дарбадар юрганлар ва хориждаги қочқинлар масаласини қайта кўриб чиқиш, маҳаллий жамиятлар ўртасида битимлар тузиш, тинчлик ўрнатиш, ўтиш даврида адолат ўрнатиш, оддий фуқароларни ҳимоя қилиш, миллий полициянинг кучини тиклаш ҳамда БМТ ва Африка Иттифоқи полициясидан маслаҳат гуруҳини етказиб бериш).

Дарҳақиқат, Ҳамдукнинг БМТ бош котибига йўллаган мурожаати тақрибан икки ҳафта махфий сақланди. Лекин шундан кейин бу хабар матбуотга сизиб чиқиб, унинг иши фош бўлди. Сўнг амалий жиҳат бошланди ва март ойи охирида Британия билан Германия Хавфсизлик Кенгашига резолюция лойиҳасини тақдим этишди. Сўнг матбуот Ҳамдукнинг хитобини лойиҳага боғлади. «Интибоҳия онлайн»нинг 2020 йил 30 март кунги хабарида бундай дейилди: (БМТнинг Суданда тинчликни сақлаш ва ўрнатиш учун сиёсий миссияни ташкил этиш резолюцияси лойиҳаси Британия томонидан илгари сурилди, Германия иштирокида уни БМТ Хавфсизлик Кенгашига тайёрлаб берилди… Бундан, демак, Ҳамдук ҳукуматининг Суданни халқаро васийлик остига ташлаб бергани ва қайта мандатга киритгани яққол кўриниб турибди). Британиянинг Хартумдаги элчиси ушбу хабарни тинглагач ўзини йўқотаёзди ҳамда Ҳамдукнинг мурожаати ошкора тарқалиб кетгани ва уни резолюция лойиҳасига боғлашганидан безовталанди. Британия элчиси TagPress сайтига бундай деди: (Резолюция лойиҳасининг айни дамда ошкор бўлгани масъулиятсиз иш бўлиб, уни Хавфсизлик Кенгаши томонидан тасдиқланишини қийинлаштиради). Элчи қўшимча қилар экан, бундай деди: (Кузатганингиздек, резолюция лойиҳасининг ошкора тарқаб кетиши ва Хартум газеталарида босиб чиқарилиши Судан ҳукуматига қарши хунук танқидлар пайдо қилди. Менга шу нарса тушунарли бўлишини истайманки, ушбу резолюция лойиҳаси аввало Британия ва Германия давлатларининг фикрларидир. Биз бу лойиҳани Судан ҳукуматига таништирган эмасмиз, Судан ҳукумати унда иштирок этган эмас. Шунинг учун бу резолюция Судан ҳукумати қарашини белгилайди ёки уни қўллаб-қувватлайди, деб айтиш хатодир).

Биз Ҳизб ут-Таҳрир – Судан вилояти аъзолари ушбу воқе қаршисида қуйидаги ҳақиқатларни баён қиламиз:

Биринчидан: Британия элчихонаси буйруқларини бажарадиган бош вазир Абдуллоҳ Ҳамдук қари Британия ёрдами билан Суданни анъанавий мустамлака, яъни халқаро васийлик остига киритмоқчи. Ҳамдук бу ишни ҳукуматнинг барча конституцион салоҳиятларини ушбу делегацияга топшириш орқали амалга оширмоқчи. Зеро, бу талаб Хавфсизлик кенгашига конституцион суд салоҳиятларини беради ва уни конституцион ҳужжатни сақлашга ҳакам қилиб қўяди. Натижада, ўтиш даври ҳукуматининг барча муассасалари БМТ делегацияси етакчилигига бўйсунадиган бўлиб қолади. Бу айнан мустамлаканинг ўзи эмасми? Ҳамдук ва унинг ўтиш даври ҳукумати қилаётган иш миллий бошқарув ва мустақилликни деворга уриб, мамлакатни мустамлакага топшириш эмасми?

Иккинчидан: Ҳамдук ўз мурожаатини 26 январдан 9 февралгача яширди, сўнг у фош бўлди ва Британия элчиси Ҳамдук мурожаатининг ошкора тарқаб кетишидан безовталанди. Буларнинг барчаси бош вазир Британия элчиси ёрдами билан Суданни халқаро васийлик остига киритиш учун уюштирган тил бириктирув эканига далиллардир!!!

Учинчидан: Британияга тобе Ҳамдукнинг Суданни БМТ васийлиги остига киритишидан мақсади, Америка элчилигига алоқадор ҳарбий етакчиликнинг ҳукуматга қарши инқилоб қилишини тўхтатишдир. Зеро, бу ҳукумат одамларнинг ҳаётига оид барча муаммоларини ҳал қилиш, зулмни йўқотиш ҳамда жиноят қурбонлари, Башир муассасаларининг зўравонликлари ва қатли ом борасидаги маълумотларни одилона ҳал қилишдан ожиздир.

Тўртинчидан: Ҳамдукнинг босган қадами акс натижа бериши ва ҳарбий инқилобни пайдо қилиши мумкин. Айниқса ўтиш даври ҳукумати коронавирус пандемияси сабабли уч ҳафтадан бери пойтахтда ҳукм сураётган тўла карантинга қарши ҳарбий инқилоб бўлиши тўғрисида кўп марта огоҳлантираётган экан, инқилоб бўлиши мумкин. Шунинг учун Арабий 21 сайти Нью-Йорк Таймс газетасидан иқтибос қилишича, америкалик бир расмий исмини ошкор қилмаслик шарти билан бундай деган: (Сўнгги ойларда иқтисод туфайли халқ қўллаб-қувватловини йўқотган фуқаролик етакчилиги инқилоб бўлишидан шунчалик кўп огоҳлантирдики, ҳатто «Ёлғончи чўпон» ҳикоясидаги чўпонга ўхшаб қолиши ҳам мумкин). Кеча, яъни, 2020 йил, 25 апрел куни бошқарув кенгаши раиси Абдулфаттоҳ Бурҳон Судан телевидениеси орқали чиқиш қилди. Кенгаш раиси унда сиёсий партияларни армия ичида ячейкалар ташкил қилишда айблар экан, бундай деди: (Айрим тарафлар (исмини айтмади) ҳарбий муассасага мансуб кишилар билан боғланишга ҳаракат қилмоқда. Айрим партияларнинг армия ичида ячейкалари бор. Бурҳон бу билан Суданда рўй берган барча инқилобларни қуролли кучлар уюштиргани ва бу ишда бошқаларга суянганига ишора қилди).

Биз Ҳизб ут-Таҳрир – Судан вилояти аъзолари Умматимизни мустамлакадан озод қилишга бел боғлаганмиз. Бу иш мустамлакачи кофирлар ва уларнинг малайлари парда ортида тузадиган режаларини фош қилишни тақозо этади. Уммат Исломни бошқарувга олиб келиш билангина мустамлака занжирларидан озод бўлади. Лекин бунинг учун Исломни татбиқ этадиган Пайғамбарлик минҳожи асосидаги рошид Халифалик давлати бўлиши керак. Бу давлатда ўз ақидаси ва Умматига холис раббоний кишилар етакчилик қиладилар. Уларнинг сиёсий онглари ўзлари учун қўриқчидир. Улар юртларимиздан кофирларнинг илдизини қўпориб ташлаб, Исломни оламга олиб чиқадилар.

Биз Аллоҳга итоат ва қурбат ҳосил қилинадиган ушбу улуғ ойда куч ва ҳимоя аҳлини елкаларига юкланган улуғ масъулиятнинг буюк эканини эслашга ва бошқарувни Ҳизб ут-Таҳрирга бериш орқали ўз бурчларини оқлашга чақирамиз. Зеро, Ҳизб ут-Таҳрир бир неча исломий юртларда ҳокимиятни олиш учун ҳаракат қилмоқда. Ҳизб бу ишни Пайғамбаримиз ﷺ башорат қилган иккинчи рошид Халифалик давлатида исломий оламни бирлаштирадиган Исломий давлатнинг ҳосилдор уруғини экиш орқали амалга оширмоқчи. Аллоҳ Таоло айтади:

﴿وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَداً ذَلِكَ الْفَوْزُ الْعَظِيمُ﴾

«Муҳожир ва ансорларнинг биринчи пешқадамлари ва уларга чиройли амаллар билан эргашган зотлар — Аллоҳ улардан рози бўлди ва улар ҳам Ундан рози бўлдилар. Яна (Аллоҳ) улар учун остидан дарёлар оқиб турадиган, улар абадий қоладиган жаннатларни тайёрлаб қўйди. Мана шу буюк бахтдир»  [Тавба 100]

Ҳизб ут-Таҳрир                                                                      3 рамазон 1441ҳ

Судан вилояти                                                                         26 апрел 2020м

+2

0

Related posts:

Нон ва ёнилғи маҳсулотлари танқислиги ва унинг давом этаётгани ҳукуматнинг муаммоларни ҳал этишда ожиз ва омадсиз эканидан бир даракдир БМТ босқинчиликни мустаҳкамлаш йўлидир Миллий диалог асосида илмоний тузум ташкил этилганидан кейин юрт парчалаб ташланади «(Қуръон) одамлар огоҳлантирилишлари учун (Аллоҳ тарафидан нозил қилинган) бир баёнот-хабардир»