بِسْمِ اللَّهِ الرَّحْمَٰنِ الرَّحِيمِ

Матбуот бўлими

Ҳиндистон миллий тергов агентлиги Ҳизб ут-Таҳрир хусусида жамоатчиликка ёлғон гапирмоқда

Ҳиндистон миллий тергов агентлиги (NIA) Бангалордаги икки кишига, 40 ёшли Аҳмад Абдулқодир ва 33 ёшли Ирфон Носирга айблов эълон қилди. Улар 2020 йил 8 октябрда қамоққа олинган эдилар. Разведка хизмати бу икки шахснинг ИШИДнинг террорчилик фаолиятларига, Қуръонийларга ва Ҳизб ут-Таҳрирга алоқадорлиги тўғрисидаги даъвони илгари сурди. (The News Minute).

Ҳизб ут-Таҳрир марказий матбуот бўлими ушбу асоссиз даъволарни рад этиб, эскирган бундай ҳийла-найрангни фош қилади. Зеро, маълумот ва ҳақиқатларнинг ошкор бўлиши осон бўлган ушбу даврда одамлар бундай ҳийла-найранглар тузоғига илинмайдиган бўлиб қолганлар.

Хавфсизлик хизмати расмийлари, хусусан, мустамлакачи давлатларга қулоқ тутиб, ўз халқи ишончини суиистеъмол қилувчилар томонидан бундай хийла-найрангларнинг қўлланиши одатий тусга айланган. Улар Ҳизб ут-Таҳрирни обрўсизлантиришни истаганларида, ўз даъволарини қувватлайдиган бирон бир далил бўлмаган ҳолда, ўзларининг қолоқ ақлиялари билан уни ноҳақдан террорчиликда айблашга уринишади.  Шунинг учун ёлғон хабарни тўқиб чиқариб, уни оммавий ахборот воситаларида тарқатишади. Улар ўзларининг калта ўйлари билан «жамият бизнинг айтганларимизга кўр-кўрона, сўраб суриштирмасдан ишонади», деб ўйлашади.

Айни пайтда Ҳизб ут-Таҳрирнинг ўз фикрларини етказишдаги воситалари тинч диалог воситалари эканлиги бутун дунёда жамоатчилик фикрига айланган. Айниқса, Ҳизб ут-Таҳрирнинг ўз фикрларини ёйишда зўравонликни қабул қилмаганлиги Ғарб мамлакатларидаги муфаккирлар, оммавий ахборот воситалари ходимлари ва сиёсатчилар томонидан эътироф этилган. Бу эса, Ҳизбга бутун дунё пойтахтларида ва асосий шаҳарларида очиқ фаолият олиб бориш имконини берди. Ер шарининг шарқи Австралиядан бошлаб, унинг ғарби Америкагача бўлган барча қитъаларда Ҳизб ут-Таҳрир ўзининг конференциялари, семинарлари ва тадбирларини тинч, очиқ ва оммавий тарзда ўтказиб келмоқда.

Ҳизб ут-Таҳрирнинг ташкил топганидан буён қатъий ишончи шуки, теран ва соф фикрлар ақллар томонидан ўрганилиб, ҳаётда қўлланиши кузатилганидан кейингина қалбларга кириб боради. Фикрларнинг шахс ва жамоатнинг турмуш тарзига таъсир ўтказиб, унинг юксак турмуш тарзига айлантиришига имкон берадиган энг тўғри йўл мана шудир. Бунинг зўравонлик (террор) йўли билан амалга ошиши мумкин эмас.

Ҳиндистон миллий тергов агентлиги Ҳизб ут-Таҳрирга тегишли деб атаган сифатлар, Ҳиндистонда ва бутун дунёда ўнлаб йиллар давом этган Ҳизб тарихига бир назар ташлашдаёқ инкор этилади. Бу тарих энг муҳим сиёсий маълумотномаларда, академик архивларда, шунингдек, сақофий энциклопедияларда қайд этилган бўлиб, Ҳизб тарихи ҳақидаги маълумотлар интернет пайдо бўлганидан бери интернетда тарқалган.

Ҳиндистондаги ҳукумат расмийлари ушбу қатъий фактлардан хабардор бўлганликлари сабабли, Ҳизб ут-Таҳрир сайтларига тўсиқ қўйиш орқали ўз ёлғонларини яширишни, шунингдек, ушбу маълумотлар ва фактларнинг одамларга етиб боришига тўсиқ қўйишни исташмоқда. Бу ҳолат расмийлари дунёдаги энг катта демократик мамлакат деб атаётган давлатда юз бермоқда! Бироқ, уларнинг режалари чиппакка чиқади. Чунки Ҳизб ут-Таҳрир ва унинг фаолияти ҳақидаги янгиликлар нафақат Ҳизб сайтларида, балки бутун интернетда мавжуддир. Ҳизб ут-Таҳрир одамлар ядросидан чиққан ва улар орасида яшайдиган чинакам глобал Ҳизбдир.

Аммо Ҳизб ут-Таҳрирнинг сиёсий ва фикрий фаолиятини ИШИДнинг ҳарбий фаолияти билан боғлаш масаласига келсак, бу ҳеч бир ҳужжатга таянмаган боғлашдир. Ҳизб ут-Таҳрир ИШИД методологияси ва унинг хатти-ҳаракатларига танқидий қарашни қабул қилиб, уни оммавий равишда тарқатган. Қабул қилинган ушбу қарашга қарши чиққан ҳар қандай аъзо Ҳизб ут-Таҳрирга мансуб эмас.

Ҳиндистон миллий тергов агентлиги расмийлари учун жамиятни ҳақиқий хавфдан, масалан, юртни хароб қилган коррупциячилардан, кенг тарқалаётган оммавий можароларни қўзғовчилардан, шунингдек, Ҳиндистон бойликларини мустамлакачи давлатлар манфаатлари учун ишлатмоқчи бўлган Ғарб давлатлари малайларидан ҳимоя қилиш яхшироқдир. Бундан кўриниб турибдики, Ҳиндистон миллий тергов агентлиги расмийлари Ҳизб ут-Таҳрир билан одамлар ўртасига душманлик солиш учун жамоатчиликни алдашга уриниб, одамлар олдидаги мажбуриятларини йўққа чиқаришди. Аллоҳ Таоло айтади:

﴿وَقَدْ مَكَرُوا مَكْرَهُمْ وَعِندَ اللَّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ﴾

«Дарҳақиқат, улар (яъни Макка мушриклари) ўзларининг макр-ҳийлаларини қилдилар. (Лекин) агар уларнинг макрлари сабабли тоғлар емирилиб кетадиган бўлса-да, уларнинг (бу) макр-ҳийлалари Аллоҳ ҳузурида (маълумдир)»                                                                             [Иброҳим 46]

Оммавий ахборот воситаларига келсак, биз уларнинг ушбу тузоққа тушиб қолишларини ёки жамият олдидаги бурчларидан воз кечишга рози бўлишларини, шунингдек, ҳақиқатларни сохталаштириб, жамоатчиликка ёлғон гапиришларини ёки Ҳиндистондаги одамларни бир-бирига қарши қўзғашда иштирок этишларини истамаймиз. Агар оммавий ахборот воситаси ўз ишида самимий бўлса, Ҳизб ут-Таҳрир сайтларига қўйилган ушбу тўсиқни бузиши ҳамда Ҳизб манҳажи ва жамият билан ишлаши билан боғлиқ ҳақиқатни етказиши керак.

Ҳиндистон расмийларининг Американинг Исломга қарши уришиш сиёсатини қабул қилиш орқали қилаётган ишларидан одамларни огоҳлантириш ҳам оммавий ахборот воситаларининг вазифасидир. Чунки Америка ўз манфаатлари йўлида кўплаб халқларни қирғин қилган ва кўплаб давлатларни вайрон қилган хавфли давлатдир. Ҳиндистон расмийларининг Америка қучоғига ўзларини отиши ўз халқларига ва уларнинг келажагига хавф туғдиради. Агар улар ушбу калта ўйли сиёсатни давом эттиришса, мамлакатни Америка келтирадиган кўпроқ азоб-уқубатларга маҳкум қилишади.

Ҳизб ут-Таҳрир ҳақиқий тўғри уйғонишга ва Халифалик низомини барпо этишга чақиради. Узоқ тарихга эга бўлган ушбу низом 1342 йилга қадар давом этган бўлиб, Ҳиндистонда энг охири йигирманчи аср бошларида бўлди. Ўша пайтда Ҳиндистон мустақиллиги ҳаракатига раҳбарлик қилган Ғанди мусулмонларни ўзи билан бирга жамлаш учун Халифаликнинг бутунлиги масаласини ўзининг асосий масалаларидан бири қилиб белгилаган эди. Бундан мақсад 1924 йилда Халифалик қулашидан олдин уни ҳимоя қилиш эди. Чунки у Халифаликнинг қулаши билан Ҳиндистон халқи устидан инглиз мустамлакачилиги мустаҳкамланишини англаб етган эди.

Ҳизб ут-Таҳрир дунёнинг ҳар бир жойида, шу жумладан Ҳиндистонда фикрий ва сиёсий фаолият олиб бормоқда. У одамлар билан мунозара ва диалог орқали узоқ муддатли самимий алоқа ўрнатиб келади. Аллоҳ Таоло айтади:

﴿قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي﴾

«Айтинг: «Менинг йўлим шудир. Мен Аллоҳга даъват қиламан. Мен ва менга эргашган кишилар аниқ ҳужжатга-ишончга эгамиз. (Ҳар қандай шерикдан) Аллоҳни поклайман. (Зеро) мен мушриклардан эмасман»»             [Юсуф 108]

Муҳандис Салоҳиддин Азоза

Ҳизб ут-Таҳрирнинг марказий матбуот бўлими раиси