بسم الله الرحمن الرحيم

Роя газетаси:

Миср режими Уммат ҳақ-ҳуқуқига лоқайдлик қилиб, уни Кинона аҳли моли эвазига сотиб оляпти ва уларнинг ўзларига хом-хаёлларни ўтказяпти

Ҳизб ут-Таҳрир-Миср вилояти матбуот бўлими

аъзоси Устоз Абдуллоҳ Абдураҳмон қаламига мансуб

2018 йил 19 феврал душанба куни яҳуд вужуди ахборот воситалари хабарига кўра, яҳуд вужуди билан Миср ўртасида «тарихий», дея баҳоланган шартнома имзоланди. Битимда яҳуд вужудига қарашли иккита «Тамар» ва «Левиафан» газ конларига эга «Delek Drilling» газ компанияси, Мисрнинг «Duelfenos» газ компанияси билан Мисрга 10 йил муддатга 15 миллиард доллар қийматида табиий газ экспорт қилиш бўйича шартнома имзолагани айтилади. Шартномага кўра, яҳудийлар давлати Мисрни 64 миллиард куб метр газ билан таъминлайди.

Сўнгги йилларда Шарқий Ўрта Ер денгизи ҳудудида табиий газ кашф этилиши ғоят кенгайиб кетди. Бу билан минтақа дунёдаги газ қидириладиган энг муҳим минтақага айланди. 2010 йил март ойида АҚШ геологик тадқиқотлар ҳайъати Шарқий Ўрта Ер денгизи ҳудуди захираси 122 триллион куб метрга етганини маълум қилган эди. Бугунга келиб айрим ҳисоботларда бу кўрсаткич 227 триллион куб метрга етгани айтилмоқда. Ҳайъатнинг изоҳлашича, «2009 йилда «Исроил» Тамар конини, 2010 йилда Левиафан конини кашф этган бўлиб, иккала кондаги захира 25 триллион куб метр газни ташкил қилади. Тадқиқотлардан бирида «Исроил» газ захираси 150 йилга етиши айтилган. 2011 йилда Кипр 27 триллион куб метр «Афродита» кони очилганини эълон қилди. Мана шу учта газ конининг ўзи 240 миллиард доллар қийматидаги захирани ўз ичига олган».

Ҳақиқат шуки, Левиафан ва Афродита конлари – сохта Сайкс-Пико чегараларига мувофиқ – Мисрга яқин бўлиб, Думёт шаҳридан 190 км., Ҳайфо шаҳридан 237 км. узоқликда жойлашган. Яҳуд вужуди 2012 йилда эълон қилган «Самсон» кони эса, Думьятдан 114 км. Ҳайфодан 237 км. узоқликда жойлашган. Демак, ҳақиқатдан ҳам Миср режими айни конлар ва у ерлардаги бойликлардан воз кечган. Яъни ўша пайтдаги муваққат президент Адлий Мансур 2013 йил 12 декабрда Кипр билан «Углеводород захиралари алмашиш бўйича Асосий конвенсия», дея аталган шартномага имзо чеккан. Кейин 2014 йил 27 ноябрда президент Абдулфаттоҳ Сисий ўша пайтда мавжуд бўлмаган халқ кенгаши вакили сифатида айни конвенцияни тасдиқлаган. Бу ҳужжат Кипр, Греция ва яҳуд вужудига аслида – сохта Сайкс-Пико чегараларига мувофиқ – Миср денгиз чегаралари ичкарисидаги ҳудудларда қидирув ишларини олиб бориш ҳуқуқини беради.

2015 йил августда «Eni» компанияси йирик газ кони кашф этганини эълон қилди. Ўрта Ер денгизида энг катта бўлган бу кон захираси 30 триллион куб метрни ташкил қилади. Шу муносабат билан, Миср Нефт вазирлиги, жорий йил охиригача юртда табиий газ билан ўз-ўзини таъминлаши ва 2019 йилда ундан профицитга эришишни эълон қилди.

Газ қазиб олинадиган ҳудуд, гарчи яҳуд вужуди, дея даъво қилинаётган ҳудуд доирасида бўлса-да, бироқ аслида Ислом Умматининг мулкидир. Бу вужуд эса, мусулмонлар замини ва бойликларини босиб олган. Шу боис бу ифлос вужуддан ушбу бойликни бечора Уммат молига сотиб олиш у ёқда турсин, ҳатто унинг фойдасига мусулмонлар бойлигидан бир қисмидан ҳам воз кечиб бўлмайди!

Бу шартномалар – яҳуд вужуди билан исломий Қибрис (Кипр) босқинчиларига Уммат молларидан ҳақ берувчи чегараларни демаркация қилиш шартномаси бўладими ёки улардан газ сотиб олиш ҳақидаги шартнома бўладими, барчаси ботил бўлиб, Умматга мутлақо керак эмас. Шунингдек, бу шартномалар Умматнинг яҳуд вужудига рози бўлиши ёки у билан муносабатларни нормаллаштиришига ҳам ҳаргиз сабаб бўлолмайди. Аммо Миср режими ўзи олқишлаган ва хусусий сектор орқали амалга ошираётган мана шундай келишув орқали муносабатларни нормаллаштирмоқчи бўляпти. Унинг ахборот воситалари ҳам сиёсий характердаги бу келишувга тижорий тус беришга ҳаракат қилишяпти. Шунингдек улар бу келишувни – Мисрни минтақадаги энергия марказига айлантирувчи иқтисодий манфаатларни рўёбга чиқарадиган келишув қилиб кўрсатишяпти. Бу билан оддий инсонларни алдашга ҳаракат қилишяпти. Зотан, оддий инсонлар яҳуд вужудини ва унга алоқадор ҳамма нарсани рад этмоқдалар ва буни илгари яҳудийлар бош вазири Нетаньяху ҳам «муаммоимиз мусулмонларнинг ҳукмдорларида эмас, балки уларнинг халқларидадир», дея ифодалаган. Шу боис, ушбу газга оид шартноманинг сиёсий характерини савдо характерига ўзгартиришга уриниш халқ билан муносабатларни нормаллаштиришга уринишдир. Чунки ҳукмдорлар асли нормаллаштириб бўлишган.

Бу шартнома – Уммат молларидан яҳудийларга ўзлари ҳақли бўлмаган қисмни берибгина қолмай, балки ўн йиллар мобайнида уларга имтиёзлар беради. Шунингдек, энергетика ишлаб чиқарувчилар, деган дастак билан уларни маълум устунликлар билан таъминлайди ҳамда уларнинг хавфсизлигини минтақа хавфсизлиги билан боғлиқ қилиб қўяди.

Ҳозирда бўлаётган ҳодисалар, шартномалар, ундан олдинги чегараларни демаркация қилиш шартномаси, Тиран ва Санафир оролларининг Саудия мамлакати бошқаруви остига киритилиши, буларнинг ҳаммаси, менинг фикримча, аср битимининг бир қисмидир. Бу битимдан эса, яҳуд вужуди билан муносабатни, яъни халқлар муносабатини нормаллаштириш кўзланган. Аммо бу ҳаргиз амалга ошмайди, инша Аллоҳ.

Эй Кинона аҳли!

Миср режими совураётган бойликларингизнинг воқеи мана шу. Ваҳоланки, у сизнинг бойлигингиз ва шариат кафолатлаб берган асл ҳаққингиздир. Ҳукмдорларингиз бўлса, бу бойликлардан воз кечибгина қолмай, ҳатто душманингиздан уни сизнинг молингиз эвазига сотиб оляпти!! Миср ўз имкониятлари, потенциаллари, ҳатто шу кичик чегараси билан ҳам энергетик марказга айланишга ҳақиқатдан ҳам қодир. Аммо бунинг учун унинг ҳақ-ҳуқуқлари ва душманига бериб юборилган мол-мулки амалий жиҳатдан қайтарилиши керак. Бунинг учун эса, сизга жон ато этувчи альтернатив онгли сиёсий етакчилик зарур. Албатта, бундай етакчилик орангизда бор, сиз уни танийсиз, у Ҳизб ут-Таҳрир аъзоларидир. Бас, улар билан биргаликда аҳволингизни ислоҳ этиб, сизга қайта яхшилик келтирадиган ишга киришинг. Бу Пайғамбарлик минҳожи асосидаги Халифалик бўлиб, орангизда раҳмат улашади, сизга ўз куч-қудратингизни қайтаради, душманингиз қалбига сиз орқали қутқу солади… Ана шунда яҳудийлар сизга тегишли бўлган мулкка қўлини ҳам текиза олмайди, агар Фаластин тупроғида бирорта яҳудий қолса, албатта!

Аллоҳим, шундай кунларни бизга яқин қил, бизни Халифалигинг аскарларидан, уни кўзлари билан шоҳиди бўлганлардан қил.

﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ﴾

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилар экан, уни қабул қилинглар»     [Анфол 24]

Роя газетаси сайтидан олинди