Ўзбекистоннинг “ислом” тўни кийдирилган банк билан ҳамкорлиги
بسم الله الرحمن الرحيم
Хабар ва изоҳ
Ўзбекистоннинг “ислом” тўни кийдирилган банк билан ҳамкорлиги
Хабар:
2021 йил 31 август – 4 сентябр кунларида Тошкентда Ислом тараққиёт банки (ИТБ) Бошқарувчилар кенгашининг 46–йиллик йиғилиши бўлиб ўтди. Бу ҳақда KUN.UZ қуйидаги хабарни тарқатди:
Мирзиёев ИТБ билан ҳамкорликни ривожлантириш бўйича бир қатор таклифларни илгари сурди
Тошкентда Ислом тараққиёт банки (ИТБ) Бошқарувчилар кенгашининг 46 – йиллик йиғилиши бўлиб ўтмоқда.
2 сентябр куни форумга Ўзбекистон президенти ташриф буюрди. Тадбир бошида Қуръондан оятлар янгради.
Шавкат Мирзиёев иштирокчиларни қутлаб, ИТБ билан ҳамкорликнинг ҳозирги ҳолати ва истиқболлари ҳақида нутқ сўзлади.
“Банкнинг йиллик йиғилиши Тошкентда ўтказилаётгани чуқур рамзий маънога эга. Биз буни Ўзбекистоннинг Ислом дунёси ривожига қўшган ҳиссаси, шунинглек сўнгги беш йил ичида мамлакатда амалга оширилган изчил ислоҳотларнинг эътирофи деб биламиз” деди президент.
Хабарда яна айтилишича, президент Мирзиёев ИТБ фаолиятини такомиллаштириш бўйича бир қатор таклифларни киритган.
Изоҳ: Ўзбекистон Ислом тараққиёт банкига 2003 йилда аъзо бўлган. Расмий маълумотларга кўра, банк ҳозирда Ўзбекистонга соғлиқни сақлаш, таълим, ирригация ва мелиорация, энергетика, сув таъминоти, коммунал хўжалик, йўл инфраструктураларини ривожлантириш, кичик бизнесни қўллаб–қувватлаш соҳалари бўйича лойиҳаларни амалга ошириш учун 2 млрд.$ дан кўпроқ маблағ ажратган. Президент Мирзиёев бу йиғинда сўзлаган нутқида: “Бугунги халқаро форум банк доирасидаги ҳамкорлигимизни сифат жиҳатидан янги босқичга олиб чиқади ва аъзо давлатлар халқларининг умумий фаровонлигига катта ҳисса қўшади” деди. Хўш, ҳақиқатдан ҳам шундайми? Йўқ асло! Чунки Ўзбекистон халқининг бугунги турмуш даражаси бунинг аксини кўрсатиб турибди. Масалан, 2018 йил 26 илда KazakhStan нашри FocusEconomics компаниясининг докладига таяниб хабар қилишича, Ўзбекистон жон бошига ялпи ички маҳсулотнинг тўғри келиши даражаси бўйича дунёнинг энг камбағал мамлакатлари рўйхатида 8 ўринни эгаллаган.
Ислом тараққиёт банкига Ислом номи берилган бўлса–да, аслида унинг иш юритиши Исломга хилофдир. Чунки бу банк 4% билан 6% ўртасидаги процент билан қарз беради. У риболи банклар билан ҳам муомала юритади. Рибосиз банклар бошқарувчиларидан бири риболи банклар билан муомала юритиш зарурлигини таъкидлаб: “Биз улар (яъни риболи банклар) билан маблағларимизнинг маълум бир қисмида муомала юритамиз. Зеро, улар билан муомала юритишимиз зарурий ишдир. Чунки исломий банклар денгиздаги бир томчидир” деган эди. Ислом тараққиёт банки БМТ бош ассамблеясида кузатувчи мақомига ҳам эга. Демак, унга Ислом номи берилиши мусулмонлар оммасининг Исломий туйғуларини қитиқлашдир, холос. Ундаги бош ҳиссадор Саудия эканини ҳисобга олсак, бу банк ғарб ва Америка манфаатларига хизмат қилиши аён бўлади. Бу банк Ўзбекистон каби мусулмонлар юртларининг саноатлашган кучли давлатларга айланишига хизмат қилмайди. Чунки у фақат йўллар ётқизиш, мактаблар қурилиши, инфраструктуралар кабилар учун маблағ ажратади. Бу эса айнан Ғарб манфаатларига хизмат қилади. Чунки Ғарб Исломий юртларнинг кучли саноатга эга бўлмай, истеъмолчи давлатлар сифатида Ғарбга қарам бўлиб қолаверишини истайди.
Инша Аллоҳ яқинда тикланажак рошид Халифалик давлатида Байтул молнинг филиалларидан бир филиал сифатида фақат давлат банки бўлиб, у шаръан жоиз бўлган муомалаларни юритади. Халифалик давлат энг кучли саноатга эга бўлиб, дунёнинг биринчи мақомдаги давлат даражасига кўтарилади. Эртанги кун эса уни кутаётган учун яқиндир.
وَيَوْمَئِذٍ يَفْرَحُ الْمُؤْمِنُونَ بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ
“Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хохлаган кишини ғолиб қилур. У қудрат ва раҳм-шафқат эгасидир”. (Рум:4–5).
Ҳизб ут–Таҳрир марказий медиа офиси радиоси учун Ислом Абу Халил – Ўзбекистон
