Ўлимдан қўрқманг, у сизни фақат бир марта безовта қилади

بِسْمِ اللهِ الرَّحْمٰنِ الرَّحِيم

Инсон қочиб қутулолмайдиган ва ҳимоялана олмайдиган нарса ўлимдир. Ундан қўрққан кишиларни қул қилиш, сотқин, хоин қилиш, ориятсиз, номуссиз ҳолга келтириш осон. Шу боис АҚШ, Англия, Россия, Хитой, Исроил ва бошқа мустамлакачилар ўз тузум ва қарашларини мустамлакаларига фикр асосида ёя олмагач, ўлим билан қўрқитади. Натижа эса, кўз ўнгингиздадир. Яъни аввалда турли миллатни бирлаштирган буюк Ислом Давлати анави кофирлар тарафидан элликдан ортиқ давлатчаларга бўлиниб, тақсимланиб, хорланмоқда. Шундай экан, бизни разолат ботқоқларида тентиратиб, хорлик саҳросида сарсон бўлишимиз сабабчиси ўлим ҳақида бир фикрлашсак ўринли бўлар дедик. Хўш, ўлим нима? Унинг сабаби нима?

Ҳақ сўзни золим шоҳга сўзлашнинг натижаси ўлим. Бу хато фикр. Чунки дунё золимларига ҳақни сўзловчиларни ҳар доим кўриб турибмиз. Ёки жиҳод ўлим сабабими? Ахир ундан тирик қайтганлар кўз ўнгимизда. Аёлини номусини ҳимоя қилиб ўлди, машинасини тезлигини оширган экан, ковидга чалиниб ўлибди… Шу каби юзлаган мисолни келтирамиз. Уларнинг натижасида ҳамма ҳам ўлмаётганини, кимлардир ўлиб, кимлардир тирик қолаётганини кўрамиз. Шундай бўлса-да, молимизни таласалар, номусларни топтасалар, масжидлардан қувсалар, мактабларда қизларимиз ҳижобини ечсалар, қўшни ҳонадондаги отинойимизни машиналарига босиб олиб кетсалар, сукут қиламиз. Чунки қамасалар ўлдирадилар, деймиз. Булар хато ва хатарли фикрлардир. Хатолиги ношаръийлиги бўлса, хатари қулликка олиб боришидир.

Аслида, ўлимни биргина сабаби бор. У ажалнинг келишидир. Ажалнинг маъноси муддатдир. Яъни Аллоҳ Таолонинг бандаларига берган муддатидир. У белгиланган муддат келганда банда юқоридаги ҳолатларнинг бирида турган бўлади холос. Кимдир жойнамоз устида бўлса, кимдир золим зиндонида қийноқда бўлади. Қайсидир биримиз золимнинг юзига унинг зулмидан сўзлаётган ҳолатда бўлсак, яна кимдир разолат ботқоғида ўз биродарини ДХХга сотаётган ҳолатда бўлиши мумкин. Аммо буларнинг бирортаси ўлимнинг сабаби эмас, балки муддат етганда банданинг ҳолатидир холос. Аллоҳ Таоло айтади:

أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ وَإِن تُصِبْهُمْ حَسَنَةٌ يَقُولُواْ هَـذِهِ مِنْ عِندِ اللّهِ وَإِن تُصِبْهُمْ سَيِّئَةٌ يَقُولُواْ هَـذِهِ مِنْ عِندِكَ قُلْ كُلًّ مِّنْ عِندِ اللّهِ فَمَا لِهَـؤُلاء الْقَوْمِ لاَ يَكَادُونَ يَفْقَهُونَ حَدِيثًا 

– “Қаерда бўлсангиз ҳам, ҳаттоки мустаҳкам қалъаларда бўлсангиз ҳам ўлим сизни топади. Агар уларга бирор яхшилик етса, “Бу Аллоҳдан”, – дерлар. Борди-ю, уларга бирор ёмонлик етса, “Бу сендан”, – дерлар. “Ҳаммаси Аллоҳдан”, – деб айт! Манави қавмга нима бўлдики, гапни тушунай демаслар?!” (Нисо:78)

Азиз биродар! Сиз учун бироз қўрқинчли туюлган ўлим умрингиз давомида бир бора рўбарў бўлади. Шу боис ҳушёр бўлганим сабабли бир ўлимдан қолдим, деб ўзингизни алдаманг. Ўлим сабаби ажалдир. У келса албатта сизни топажакдир. Сиз дўстим, берилган муддатни зое қилманг. Зеро, у аниқ ўлчаб қўйилган фурсатингиздир.

Ҳизб ут-Таҳрирнинг Ўзбекистондаги матбуот бўлими аъзоси Зайниддин

13.11.2021й