Муборак Мавлуди Набий Росулуллоҳ ﷺ билан аҳдлашувни янгилашнинг қулай фурсатидир
بِسْمِ اللهِ الرَّحْمٰنِ الرَّحِيمِ
Муборак Мавлуди Набий Росулуллоҳ ﷺ билан аҳдлашувни янгилашнинг қулай фурсатидир
Инсонларни Ислом билан етаклаш учун мўжиза шарт эмас ҳамда Умматни ўтмиш замонига қайтарувчи янги пайғамбар чиқиши кутилмайди. Чунки бизнинг улуғ Росулимиз ﷺ барча анбиёлар сўнггиси бўлиб, ул зотга Аллоҳ Таоло бундай деган:
﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً﴾
«Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) Исломни дин қилиб танладим» [Моида 3]
Бугунги кунда талаб қилинаётган нарса Росулуллоҳ ﷺнинг куфр ва ширк воқелигини Ислом воқелигига ўзгартиришдаги тариқатларини қайта жонлантиришдан ҳамда бу ишда ул зот чизиб-кўрсатиб берган йўлдан заррача оғмай ҳаракат қилишдан иборат. Росулуллоҳ ﷺ марҳамат қилганлар:
«عَلَيْكُمْ بِالصِّدْقِ فَإِنَّ الصِّدْقَ يَهْدِي إِلَى الْبِرِّ، وَإِنَّ الْبِرَّ يَهْدِي إِلَى الْجَنَّةِ، وَمَا يَزَالُ الرَّجُلُ يَصْدُقُ وَيَتَحَرَّى الصِّدْقَ حَتَّى يُكْتَبَ عِنْدَ اللَّهِ صِدِّيقاً»
«Ростгўйликни маҳкам ушланглар. Чунки ростгўйлик яхшиликка етаклайди. Яхшилик эса, жаннатга етаклайди. Киши мудом ростгўйликни тарк этмай, доим уни қидиришда давом этса, унга Аллоҳнинг даргоҳида сиддиқ, дея ёзиб қўйилади».
Ҳукмдорларимиз ҳиндулар ва мушриклар учун ибодатхоналар очиб бериш устида ўзаро беллашиб ётган бир пайтда, биз Мавлуди Набийдан бу дунёда етакчимиз ва қиёмат кунида шафоатчимиз бўлмиш Росулуллоҳ ﷺ билан аҳдномани янгилашда қулай имконият сифатида фойдаланиб қолмоғимиз даркор. Чунки ул зот ёлғонларга тўла саҳрода Уммат сарсон-саргардон бўлиб юрган пайтда унга ростгўйликни ўргатдилар, ботил зулматларида қолган пайтда уни ҳаққа етакладилар, туҳматлар чакалакзорида қолган пайтда уни нурга олиб чиқдилар. Аллоҳ Ўз Росули ﷺга Қуръон нозил қилди ва Пайғамбаримиз ушбу Китоб билан куфр ва бўҳтонга қарши курашдилар, тоғутлар ва бутларни парчаладилар.
Бас, шундай экан, Уммат учун бугунги чуқур уйқудан уйғониш ва жаҳолатнинг тубидан чиқиб, Муҳаммад ﷺни ўзига шафоатчи, меҳрибон ва йўлдош қилиб олиш вақти келмадими?!
Роя газетасининг 2022 йил 19 октябр чоршанба кунги 413-сонидан
