Болаларни ҳимоя қилиш қонуни фарзандларимиз кўксига қаратилган ўқдир!
بِسْمِ اللهِ الرَّحْمٰنِ الرَّحِيمِ
Болаларни ҳимоя қилиш қонуни фарзандларимиз кўксига қаратилган ўқдир!
Доктор Мусъаб Абу Арқуб
Ҳизб ут-Таҳрирнинг муборак Фаластин
заминидаги матбуот бўлими аъзоси
Аллоҳ Азза ва Жалла ҳужурот сурасида барча инсонларга хитобан бундай демоқда:
﴿يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ﴾
«Эй инсонлар, дарҳақиқат Биз сизларни бир эркак ва бир аёлдан яратдик ҳамда бир-бирларингиз билан танишинглар (дўст-биродар бўлишинглар) учун сизларни (турли-туман) халқлар ва қабила-элатлар қилиб қўйдик. Албатта сизларнинг Аллоҳ наздидаги энг ҳурматлироғингиз тақводорроғингиздир. Албатта Аллоҳ билгувчи ва огоҳдир» [Ҳужурот 13]
Аллоҳ уларга шундай қуръоний ҳақиқат билан хитоб қиляпти, аммо бир кун келиб бу ҳақиқат баҳсга айланиб қолиши ҳеч кимнинг хаёлига ҳам келмаган. Чунки бу ҳар қандай тўғри киши тортишмайдиган табиатдир. Зотан, инсониятда фақат ва фақат эркак ва аёл бўлади, бошқаси асло бўлмайди. Бироқ бу ҳақиқат аниқ-тиниқ бўлишига қарамасдан, инсонлардан иборат шайтонлар унга қарши курашишга, табиатга қарши чиқишга жон-жаҳдлари билан курашишяпти. Шу орқали ўғил-қизларимиз ақлини айнитишга ва хавфсизлик хизматлари кучи ва тоғутлар зулми билан бу бузуқликни табиий нарсага, қонун ва тузумлар билан ҳимоя қилинувчи эркинликка айлантиришмоқчи. Зотан, тоғутлар мустамлакачи кофир томонидан унинг манфаатини қўриқлаши ва юртларимиздаги режаларини бажариши учун ўрнатилган!
Мустамлакачи давлатлар буларнинг барчасини дунё халқлари, шу жумладан Ислом Уммати устидан ҳукмронлик қилиш учун амалга оширишга уринишяпти. Чунки Ислом Уммати улар учун хавф манбаига айланди. Нега хавфга айланмасин, ахир фақат Ислом Уммати тиз чўкишга ҳаргиз йўл қўймайдиган мабдага эга бўлса ҳамда мустамлакачи давлатлар ва жинояткор Ғарбнинг ботилига қарши туришга қодир бўлса!
Мустамлакачи Ғарб дунёда бойликлардан бошқа нарсани кўрмайди. У ўз манфаати йўлида қирғин ва вайронагарчиликлар содир этади, ядро қуролига эга бўлиб, миллионлаб инсонни ўлдиради. Унинг наздида инсонлар қони ва номусининг умуман қиймати йўқ, хаёлига моддий қийматдан бошқа нарса келмайди. Чунки унинг ҳазорати шу моддий қиймат устига қурилган. Ҳақ йўлдан адашган ва соғлом табиати бузуқ бўлган Ғарб юртларимизда фақатгина унинг манфаатини қўриқлайдиган давлатларни, режим ва ҳукмдорларни пайдо қилди. Ғарбнинг моддий характери асосида ўрнатилган айни давлатлар устидаги тоғутлар Ғарбнинг Умматга қарши режаларини бажаришда бор кучларини аяшмаяпти.
Ушбу Азиз Уммат мана шундай режалардан азият чекиб келди ва ҳозир ҳам азоб чекмоқда. У сиёсий, иқтисодий, ижтимоий, ахлоқий ва барча соҳада ўша режаларнинг аччиқ меваларини тотмоқда. Айни мана шу режалар оқибатида унинг юртлари зое кетди. Масалан, Фаластин маъмурияти Осло шартномаси каби қатор шартномаларни имзолаш билан муборак заминнинг аксар еридан яҳудийлар учун воз кечмоқда. Мусулмон юртлари ҳукмдорлари Умматнинг суверенлиги ва ҳокимиятидан Ғарб учун воз кечишлари сабабли исломий юртларда Ғарбнинг ҳарбий базалари тўлиб кетди… Ғарбнинг қўшинлари ва қирувчи самолётлари мана шу базалардан мусулмонлар устидан бомба ёғдириб, юртларини вайрон қилмоқда… Охир оқибат, Ғарб заминимизни истило этиш, бойликларимизни ўзига ҳалол қилиб олиш, ҳатто таълим дастурларимизни ўзгартириб, мияларимизга ўзининг аномал-ифлос сақофатини қуядиган бўлиб қолди.
Бу аномалия (бузуқ табиат) буюк Умматни нишонга олган эса-да, Аммо Уммат орасидан ҳар доим шундай шахслар чиққанки, улар мустамлакачиларга қарши ла илаҳа иллаллоҳ Муҳаммадур Росулуллоҳ дея ё моддий куч билан жанг олиб борганлар ёки унинг фикрлари, сақофатлари ва ақидавий тушунчаларига қарши курашиб, илмоний бўлишдан бош тортганлар.
Дарҳақиқат, Ғарб ўзига қарши жанг қилувчи шундай авлодларни етиштириб чиқараётган нарса оила эканини аниқ тушуниб етди. Унинг мустамлакачилик тизими кишанларидан қутулиб қолган покдомон ота ва оналар ўз фарзандларини ла илаҳа иллаллоҳ Муҳаммадур Росулуллоҳ асосида тарбия қилаётганини, Ғарб ҳужумлари томонига ўтмасликлари учун фарзандлари олдига қизил чизиқ тортиб қўяётганларини, шу орқали бугунги халқаро тизимга қарши курашадиган авлодлар етиштириб чиқараётганларини англаб, шунга ишонч ҳосил қилди. Шунинг учун Ғарб ўзининг мустамлакачилик қуроли билан мусулмон оилани нишонга олишни ва ота-онанинг фарзанд устидаги валийлигини тортиб олишни шарт деб биляпти… Шу орқали шайтоний тизимлар мусулмон фарзандларни оилаларидан суғуриб олишни, ота-оналари таъсиридан узоқлаштириб, уларни ўзлари истагандек тарбия қилишни мақсад қилишган.
Мустамлакачи Ғарб таълим дастурлари, оммавий ахборот воситалари, ижтимоий сайтлар, мактаблардаги дарсдан ташқари тадбирлар ва ёзги лагерлар орқали мусулмон болаларни ўзи хоҳлагандек тарбия қилишга, миялари устидан назорат ўрнатишга қодирман, деб ўйлаяпти. Ушбу назорат мукаммал бўлиши учун отанинг фарзандларидан ҳукмронлигини йўқ қилиш керак, деб биляпти… Шунинг учун улар устомонлик билан оила ва болаларни ҳимоя қилиш қонунини ўйлаб топишди.
Хўш, бола кимдан ҳимоя қилинади?! Яҳудий вужудидан ва уй-жой қураётган яҳудийлардан ҳимоя қилинадими?! Мусулмон фарзандлари Мосул, Ҳалаб, Афғонистон ва Ироқда тинмай бомбардимон қилаётган салибчи коалиция самолётларидан ҳимоя қилинадими?! Тоғут ҳукмдорлар, уларнинг хавфсизлик хизмати жаллодлари ва қамоқ-зиндонларидан ҳимоя қилинадими?!
Албатта йўқ. Улар айтаётган ҳимоядан мақсад фарзандларни исломий тарбия берувчи ота-оналар таъсиридан ҳимоя қилишдир.
Болаларни ҳимоя қилиш қонуни асосан ЮНИСЕФ конвенциясидан ҳамда жамиятимизни Ғарбнинг нафс-ҳавоси ва сақофати қолипига солмоқчи бўлаётган CEDAW конвенциясидан келиб чиққан. Фаластин маъмурияти бир неча кун аввал айнан мана шу CEDAWни амалга ошириш ҳужжатларини нашр қилди. Бу конвенцияда бола ўзининг шахсий ҳаётига ишониш ва ижтимоий турмуш-тарзини ўзи белгилаш эркинлигига эгалиги айтилган. Бу дегани шуни англатадики, бола аномалия борасида ва жинсини ўз майлари асосида ўзи белгилашда эркинликка эга, биологик тузилишидан қатъий назар, истаса эркакликдан аёлликка, истаса аёлликдан эркакликка ўзгаради, унинг бундай айниган, бузуқ танловини Фаластин маъмуриятнинг хавфсизлик хизмати ҳимоя қилиб туради.
Боланинг танловини белгилашда уни ота-она ва оила ҳукмронлигидан ҳимоя қилиш итоатли тарбияни эмас, аксинча, ота билан унинг қизи ва ўғли ўртасида таранг вазиятни, душманликни пайдо қилади. Фаластин маъмурияти ва юртларимиздаги бошқа ҳукмрон режимлар татбиқ қилаётган бундай бузуқ тизим фарзандларимиз ақлида таълим дастурлари, дарсдан ташқари тадбирлар, ёзги лагерлар каби фаолиятлар орқали «истаган нарсага эътиқод қилиш мумкин, ижтимоий тузилиш ва шахсий ҳолатларида эркиндирлар», деган тушунчани ўрнатяпти… Ким бу эркинликларига қарши чиқса, жазоланиши керак бўляпти. Масалан, Муҳаммад мустафо ﷺнинг
«مُرُوا أَبنَاءَكُمْ بِالصَّلَاةِ لِسَبْعِ سِنِينَ، وَاضْرِبُوهُمْ عَلَيهَا لِعَشْرِ سِنِينَ، وَفَرِّقُوا بينهُمْ فِي الْمَضَاجِعِ»
«Фарзандларингизни етти ёшда намозга буюринглар. Ўн ёшида (бош тортсалар) уринглар. Ётоқларини бир-бирларидан бўлиб қўйинглар», деган ҳадислари айни қонун урфида болалар эркинлигини бузиш ҳисобланади. Намоздан бош тортган болани уриш зўравонлик, ётоқларини бошқа-бошқа қилиш уларнинг шахсий ҳолатларига аралашиш ҳисобланади ва бунинг учун қонунан жазо қўлланади.
Воқелик фарзандларимизга қилинаётган ҳужумнинг нақадар хавфли эканини кўрсатмоқда. Чунки улар илмонийликка мойил бўлиш, Исломга, унинг ақидавий қоидалари ва сақофатига қарши чиқишга йўналтирувчи шиддатли бўронга дуч келмоқдалар. Бу нарсалар ўқув дастурларининг тўлиқ тизими ҳамда мактаблар, ёзги лагерлар, оммавий ахборот воситалари ва ижтимоий тармоқлардаги дарсдан ташқари тадбирлар орқали амалга ошириляпти. Шунингдек, фарзандларимиз маълум давр Исломдан мутлақо узоқ ҳолда Америка ва Европадаги оилаларда яшашлари учун ҳамда улардан ғарбча сақофат сингдирилган болалар етишиб чиқиши учун бериладиган таълим грантлари ва стипендиялар орқали амалга ошириляпти.
Биз фарзандларимизни бундай сақофатдан қаттиқ ҳимоя қилиш учун бор куч ва имкониятимизни сарфламоғимиз ҳамда уларга ва бизга қарши систематик равишда олиб борилаётган айни ҳужумлардан сақлайдиган исломий сақофат билан уларни бойитмоғимиз лозим. Агар шундай қилинмаса, ҳеч ким бундай ёмон ниятдаги оқибатлардан сақлана олмай қолади. Ғарб бизга тақдим этаётган ва юртларимиздаги режимлар татбиқ қилишни истаётган қилмишлар мана шулар. Бу эса, биздан мусулмонлар сифатида айни ҳужумларга қарши туришни, бундай қонун ва бошқа жинояткорлик қонунларини йўқ қилишга ҳаракат қилишни талаб қилмоқда. Шунингдек, бутун Уммат билан бирга елкама-елка туриб, рошид Халифаликни барпо этиш учун юртимиздан мустамлакачи Ғарб нуфузини барча малайларию қонунлари билан қўшиб йўқ қилишга ҳаракат қилишни талаб қилмоқда. Зеро, Халифалик биз ва жигаргўшаларимиз устидан Исломни татбиқ қилади. Шу орқали Умматни қайта ўз улуғлигига ва инсонлар учун чиқарилган энг яхши Уммат даражасига олиб чиқадиган Холид, Салоҳиддин каби мард қаҳрамон фарзандларни етиштириб чиқаради.
Роя газетасининг 2022 йил 26 октябр чоршанба кунги 414-сонидан
