Бор қувватни сарфлагач қилинган дуонинг ижобатига асло шубҳа йўқдир!

بسم الله الرحمن الرحيم

Аллоҳнинг Шариати ерда олий бўлажакдир! Аллоҳнинг ваъдаси шудир! Росулуллоҳ ﷺдаги Аллоҳнинг ваъдасига бўлган ишонч саҳобаларга (Аллоҳ улардан рози бўлсин) кўчиб ўтди. Ва бор қувватини ишончга боғлаб даъватда собит бўлдилар. Ва қалблари Аллоҳ ва Росулига бўлган муҳаббат билан лиммо лим тўлган мўминлар биринчи жангга сафландилар. Бу барчамизга машҳур Бадр жанги эди. Росулуллоҳ ﷺ тарбиялаган 300 саҳоба мушрикларнинг ўзларига нисбатан уч баробар кўп ва қурол яроғда устун бўлган рақиблари қаршисига чиқдилар. Сарвари олам ﷺ ушбу жангга сафланганларни куну тун тарбиялаб бор қувватини тўлиқ сарфлаган эдилар. Жанг олдидан Росулуллоҳ ﷺ Роббисига нусрат сўраб дуо қилдилар. Ҳис-ҳаяжонга тўла тазарру ила ёлвориб, “Аллоҳим, менга берган ваъдангни Ўзинг рўёбга чиқаргин. Аллоҳим, мен ваъдангдан умидворман. Аллоҳим, агар ушбу гуруҳ ҳалок бўладиган бўлса, Сенга ер юзида ибодат қиладиган ҳеч ким қолмайди”, деган машҳур дуоларини қилгандилар.

Аллоҳ Таоло ўз Росули ﷺни дуоларини ижобат қилиб, Оли Имрон сурасида марҳамат қилади:

بَلَى إِن تَصْبِرُواْ وَتَتَّقُواْ وَيَأْتُوكُم مِّن فَوْرِهِمْ هَـذَا يُمْدِدْكُمْ رَبُّكُم بِخَمْسَةِ آلافٍ مِّنَ الْمَلآئِكَةِ مُسَوِّمِينَ 

– “Ҳа (кифоя қилади)! Агар сабр ва тақво қилсангиз, улар шу пайт келиб қолсалар ҳам, Роббингиз сизга белгили беш минг фаришта ила мадад беради”.  (Оли Имрон:125)

Росулуллоҳ ﷺ саҳобаларини сабр қилишга, собит туришга чақирдилар. Ва маълумингизким, ушбу илк жангда мўминларга Аллоҳ Таоло мислсиз ғалабани берди.

Азиз даъватчи! Сизнинг бугунингиз ҳақида аввалдан Қуръони Каримда ва Росулуллоҳ ﷺ ҳадисларида башорат бордир. Аллоҳнинг ваъдаси ҳақдир. Росули рост сўзлагувчидир.

Азиз даъватчи! Модомики, бизларга ҳам Оламлар Роббисидан нусрат сўраш суннат бўлган экан, бизлар ҳам ялиниб-ёлвориб илтижо қиламиз. Бу дуоларингиз ижобати шубҳасиздир, қачонки Сарвари Коинот ﷺ каби бор қувватингизни даъват учун сарфлаб, Умматни Бадр ғазоти олдидан тайёрлаганидек уйғота олсангиз.

Бугун Ҳизб ут-Таҳрир йигитлари ҳам Аллоҳнинг сўзини ерда олий қилишни, Шариат аҳкомлари ила бошқариладиган Ислом Давлатини худдики Росулуллоҳ ﷺ тиклаганидек қайта барпо қилишга бор қувватини сарфлашда саҳобалар мисолида ҳаракатда собит бўлар эканлар, шубҳасиз Росулуллоҳ ﷺнинг машҳур дуоларини қайта такрорига ҳақли бўлурлар.

Эй азиз даъватчи! Сизни маломат қилувчи аввалгилардан кўплиги сустлатмасин! Душман Ғарбнинг қувват армияси сизни умидсиз қолдирмасин! Зеро, Оламлар Роббисининг қудрати сиз азизларнинг тақвосига, саботига зиндонлар ичра нусрат тилаб кўтарилган қўлларга, Шомда оқаётган биродарларингиз қонларига яқин ҳамроҳдир.

Эй азиз даъватчи! Сиз учун сустлик бегона бўлса Уммат уйғонажак! Шижоатда бўлсангиз душман заифлашажак! Бор қувватингиз тўғри сарфланса Аллоҳдан буюк ваъдаси бўлмиш нусратни тилашга ва Росулуллоҳ ﷺ илтижоларини такрор айтмоққа ҳақли бўлажаксиз!

Сиз нусрат аҳлларидан бўлурсиз, ин ша Аллоҳ Роббул аъламин!

Ҳизб ут-Таҳрирнинг Ўзбекистондаги матбуот бўлими аъзоси Зайниддин

06.01.2023й