بسم الله الرحمن الرحيم

Роя газетаси:

Қатарнинг Суриядаги қуролли жамоаларни қўллаб-қувватлаши қўзғолонга барҳам бериш учундир

Ҳижрий 1439 йил 7 сафар, милодий 2017 йил 27 октябр жума куни «Русиял Явм» сайтида қуйидаги хабар нашр қилинди:

«Қатарнинг собиқ бош вазири ва собиқ ташқи ишлар вазири  Ҳамд ибн Жосим ўзининг мамлакати АҚШ ва бошқа доиралар билан мувофиқлашган ҳолда Туркия орқали Суриядаги қуролли жамоаларни қўллаб-қувватлаганини очиқлади ҳамда «ов» қўлдан чиқиб кетганига эътиборни қаратди.

Ҳамд Давҳа Саудия вакили сифатида Сурия бўҳронини ўз қўлида ушлаб келганини таъкидлади ва ўз мамлакати буни исботловчи тўлиқ далилларга эга эканини урғулади.

Унга кўра, Қатарнинг Суриядаги қуролли жамоаларга кўрсатган ёрдамлари, Қўшма Штатлар розилиги билан Туркияга юборилар ҳамда «юборилган ҳар бир нарса, америкалик кучлар, турклар ва саудияликлар орқали қуролли жамоаларга улашилар» эди».

Роя газетаси шарҳи:

Қатар билан Саудия кўрсатган барча ёрдамлар, бунга рози бўлган ҳар бир томон бўйнига солинган сиртмоқ вазифасини ўтади. Улар шартли эмаслигини даъво қилган бу ёрдамларнинг – биз бир неча бор ойдинлаштирганимиздек- шартли экани, қолаверса мусулмонлар душманларига боғлиқ экани аён бўлди. Исломий юртлардаги мавжуд режимлар башараси мана шу. Қатарлик масъул Ҳамднинг ўзи Саудия Арабистони билан Британия малайи бўлган Абдуллоҳ даврида битим тузишганини таъкидлаб турибди. Кейин Салмон даврига келиб, малайлик компаси Америка томонга бурилди, қонхўр Асад ва унинг режимини сақлаб туриш томон ўзгарди. Қатар ҳам, Саудия ҳам Сурия қўзғолонини Аллоҳ ризоси учун қўллаб-қувватлагани йўқ. Йўқ, жангчи гуруҳлар етакчиларини авраб, сиёсий мақсадда берилаётган ифлос пуллар ортидан итдек ҳаллослаб чопувчи кимсаларга айлантириш мақсадида қилишди ва бу пуллар қўзғолонни йўлдан урди, хиёнат ва малайлик оқибатида режим қўзғолончилар устидан ғолиб кела бошлади. Агар шу пуллар бўлмаганда, Асад режими ва унинг иттифоқчилари бир қадам ҳам олдинга боса олишмаган бўларди. Наҳотки, холис қўзғолончилар шуни тушуниб етмадилар?!

Роя газетасининг 2017 йил 1 ноябр чоршанба кунги 154-сонидан