Муборак Шом қўзғолони атрофида содир бўлаётган ишларга ойдинлик киритиш
بِسْمِ اللهِ الرَّحْمٰنِ الرَّحِيمِ
Муборак Шом қўзғолони атрофида содир бўлаётган ишларга ойдинлик киритиш
Ўзининг «Муборак Шом қўзғолони атрофида содир бўлаётган ишларга ойдинлик киритиш» сарлавҳали мақоласида Ҳизб ут-Таҳрир – Сурия вилояти марказий алоқалар қўмитаси раиси Абдулҳамид Абдулҳамид бундай дейди:
«Америка қўзғолонимиз ҳақида «уни Идлиб ва Ҳалаб холодилнигига жойлаб қўйдим ва буткул йўқ қилишни Туркияга топширдим, бу ишни аста секин бажараверади», деб хаёл қиляпти. Унга ўтган босқичларда ўзининг вакили сифатида Россия билан музокара қилиш вазифасини топширган эди. Шу билан муҳим халқаро масалалар учун қўли бўшаган бўлди. Шундай бўлса-да, масаланинг аҳамияти ва жиддийлиги туфайли, Суриянинг шимоли ва шимоли-ғарбидаги вазиятни ўзи назорат остида ушлаб келмоқда…».
Устоз Абдулҳамид қўшимча қилди:
«Туркиянинг Суриядаги вазифаси мамлакатнинг шимоли ва шимоли-ғарбида вазиятни Американинг сиёсий ечимига эришишга ҳозирлашдан иборат. Буни у ва унга тобе жангчи гуруҳлар қўзғолончи халқни «тарбиялаш» орқали амалга оширишмоқчи. Яъни ҳам сиёсий, ҳам ҳарбий, ҳам хавфсизлик ва бир вақтнинг ўзида ҳам иқтисодий босимлар ўтказиб, қаттиқ қийнаш ва ҳолдан тойдириш орқали олам бўрилари қабул қилган 2254-сонли резолюцияга рози қилишмоқчи. 2254-сонли резолюция эса, раҳбарлари тўғридан-тўғри Америкага итоат қилувчи қонхўр режимни ҳарбий ва хавфсизлик муассасалари билан сақлаб қолишга қаратилган. Афтидан, турк режими жинояткор режимнинг жуда оғир иқтисодий вазиятни бошдан кечираётгани сабабли уни қутқариб қолиш ва сиёсий жиҳатдан қўллашга муҳтож бўлганини, бу ёқда Туркия ҳукумати ичкарисида ҳам бир неча муаммолар борлигини кўриб турибди… Шунингдек, қўзғолон аҳлини ўзи ва ўзига тобе жангчи гуруҳлар билан мазкур «тарбиялаш»га яқин орада муваффақ бўлолмаслигини ҳам сезяпти… Шу ва шунга ўхшаш сабаблар турк режимини сиёсий ечимни тезлаштиришга ва босқичларни эса бузиб ташлашга ундади, оқибатда қўзғолонга бевосита «ярашув» орқали тугатиш йўлидан юришга мажбур бўлди… Аслида, бу қўзғолонни тугаганини эълон қилишдан бошқа нарса эмас».
Устоз яна қуйидагиларни таъкидлади:
«Бироқ, Сурияда одамлар кўчаларга чиқдилар ва узоғу яқиндаги кимсаларга бу режимнинг бошқаруви остига қайтгандан кўра, бошимиз танамиздан жудо бўлгани енгилроқ, деган мазмунда хабар юбордилар… Ана шунда, ҳодисаларни кузатаётган, вазият қалтислигини яхши билган ва туркларнинг хўжайини бўлган Америка уларга – минтақа режимга топширилишга ҳали тайёр эмас, чунки ҳозир режимга минтақани топширсак, уни бошқара олмайди, шошилмаларинг, акс ҳолда, ўн икки йиллик тузоқ ва алдовдан иборат ишларимизни барбод қиласанлар, демоқда. Шу сабабдан Америка билан турклар кўчаларга чиққан инсонларни жиловлаш учун ўз ўйинлари темпини пасайтиришмаса бўлмай қолди. Чунки турки режимининг хоин башараси мана шу кўчаларга чиққан дили пок инсонлар қўли билан фош бўлди».
Устоз Абдулҳамид баёнот сўнггида қуйидаги саволларни ташлади:
«Эй қўзғолон аҳли! Бизни қатли ом қилиш ва номусларимизни топташда манфаатлари кесишган бу йиртқич бўриларни энди нима қилишаркин, дея кутиб тураверамизми?! Ёки бунинг ўрнига, қўзғолонимиз қарорини қайтариб олиб, бу жинояткорлар бизни қиришларидан олдин биз уларни қириб ташлаймизми?!».
Роя газетасининг 2022 йил 11 январ чоршанба кунги 425-сонидан
