ЖАНУБИЙ ЯМАННИ ФИҒОНИ ФАЛАК

Муборак Яман замини узра бахтсизлик соялари тобора қуюқлашиб, тириклик фаслларнинг энг оғир, энг заҳматли машаққатларига юз тутмоқда. Бугун юрт бошига тушган қора кунлар ҳаётнинг ҳар бир гўшасини, ҳеч бир истисносиз, аёвсиз янчиб бормоқда. Айниқса, хонадонлардан файз-у баракани, қут-баракани суғуриб олган қоронғулик — чироқсиз ва сувсиз қолган умидлар инсонларнинг кундалик ризқ-рўзи ва ором уфқларига оғир пичоқ бўлиб санчилди.

Олов бўлиб ёғаётган ёз жазирамасида Адан шаҳри қайноқ тамғага айланди: электр нуридан маҳрум бўлган аҳоли ўз бошпаналарида нафас ололмай, жон таслим қилгудек димликдан қочиб, кўчаларнинг тош йўлакларига, совуқ ва чанг тротуарларга сочилдилар. Муштипар оилалар учун қадрдон уйлар бир лаҳзада бўғувчи қафасга, тириклайин гўрга айланди; Ал-Муалло, Сира ва Крейтер туманларининг тунги кўчаларида бағри қон бўлиб, сарсон-саргардон ётган гўдаклар ва қарияларнинг аянчли сиймоси бугун Аданнинг кундалик фожианомасига айланди. Бу манзаралар — томирларидан қон ўрнига заҳар оқаётган ҳукмдорларнинг бепарволигидан тириклик умиди сўниб бораётган мазлум халқнинг фарёдидир.

Мана шундай сабр косаси тўлган оғир дамларда, 2026 йилнинг 10 июнь оқшомида ғазаб олови омманинг томирларида гуриллаб ёниб кетди. Кўзларига қоронғуликдан ўзга ҳеч нарса кўринмаган намойишчилар Адан бағридаги муҳташам Маашиқ саройига — халқ оч-наҳор ўтирган бир пайтда ҳузур-ҳаловат сурилаётган масканга олиб борувчи йўлларни бутунлай тўсиб қўйдилар. Чексиз зулмат ва тугамас ўчириш соатларидан қалблари куйган юзлаб мазлумлар кўчаларга отилиб чиқиб, бор алам ва заҳарларини ифодалаш учун яроқсиз шиналарни алангалатдилар. Тонгга қадар кўкка сочраган ўша қора тутунлар ва лавуллаб ёнган оловлар — халқ қалбидаги нафрат вулқонининг рамзи эди. Шон-шуҳрат ва бойлик ичида сузаётган сохта ҳукуматнинг назорати остида қолган барча бечора вилоятларда ҳам ҳаёт мана шундай куйиб, кул бўлмоқда.

Шимолнинг тоғли кентларида, Ансар Аллоҳ (ҳусийлар) ўз чангалига олган тупроқларда ҳам мазлумларнинг аҳволи бундан кам эмас: у ерда уруш ва вайронгарчилик баҳонаси остида халқ бахтсизлик домига улоқтирилган. Ўзларини «бошқарув эгалари» деб билган кимсалар, елкаларидаги раиятга ғамхўрлик қилишдек муқаддас масъулиятни уруш довулларига улоқтириб, халқни тақдир ҳукмига ташлаб қўйдилар. Бу диёрларда гўдакларнинг чироқсиз уйларда йиғлаши одатий ҳолга айланган. Бечора одамлар зулматдан нажот истаб, тижоратчиларнинг қўлидаги хусусий генераторларга бор-будларини топширишга мажбур. Халқнинг қон-терга ботиб топган охирги чақалари эвазига ушбу генераторларнинг баҳоси осмон-у фалакка кўтарилди. Мазлумларнинг кўз ёшлари ва чексиз машаққатлари бугун тахтда ўтирган бераҳм золимларнинг хазиналарини олтин билан тўлдирувчи жирканч бир булоққа айланиб бўлган.

Муборак Яман заминини неча бўлакка бўлиб, неча хил тахт қурган бўлмасинлар, бу тупроқда инграётган мазлумларнинг чекаётган оҳ-у зори, тортаётган заҳмати биттадир. Сиёсат саҳнасида ранг-баранг шиорлар жавлон урмасин, кўкда неча хил сохта байроқлар ҳилпирамасин, бечора халқнинг ҳақ-ҳуқуқларидан жудо этилиб, оёқости қилиниши ягона аянчли қисматга айланди.

Юртда кун-кундан чириб бораётган ҳаётий тармоқлар, ўлатдек ёйилаётган хасталиклар, қашшоқликнинг қонли чангали ҳамда жазирама олов ичида нафаси бўғилаётган жамиятга чироқ нурини ҳам раво кўрмаган тизим — шунчаки ўткинчи бир техник хато ёки бошқарувдаги нўноқлик эмас. Бу — инсон деган шарафли хилқатнинг энг табиий яшаш ҳуқуқини оддий бозор товарига айлантирган, эл-улусни шилиш эвазига нафс ва пул топиш илинжида сиёсий олди-сотди қиладиган ваҳший капиталистик низом олиб бораётган асрий жиноятнинг машъум ва муқаррар мевасидир.

Электр энергияси ҳар бир диёр учун тирикликнинг уриб турган томири ва фаровонликнинг бош пойдеворидир. Халқ оғирини енгил қилиш, ҳаёт чархпалагини айлантириш учун бу энергияни бардавом қилиш — раҳбарлик тахтини эгаллаган ҳар бир муассаса зиммасидаги бурч, бўйинларидаги фарздир. Афсуски, ушбу зулмат манзараси Яман фарзандлари бошига ёғилаётган битмас-туганмас кўргуликлар занжирига янги бир оғир халқа бўлиб уланди.

Дим хонадонлардан қочиб, ёзнинг тафтида куяётган кўчаларда сарсон тунаётган халқнинг фарёди — аслида бағри тош амалдорлар қалбини тирнаши лозим бўлган, нима қилиб бўлса-да чироқни ёқишга ундаши керак бўлган Сарсон Умматнинг фиғони эди. Аммо Адан саройларида ўтирган бераҳмларнинг жавоби мазлумлар устига мурувват нурини сочиш эмас, балки уларнинг овозини ўчириш учун кўчаларга қуролли аскарларни ва зулм чангаллларини ёйиш бўлди.

Ўз қоронғу кулбаларининг жазирамасидан қочиб, тун бағрида кўчаларни тўлдирган халойиқнинг аянчли қиёфаси ҳамда уларга қурол ўқталиб турган сохта ҳукуматнинг машъум ва шармандали тутими — ваҳший капиталистик тафаккурнинг оммани бошқаришдаги мутлақ ожизлигини, тубанлигини бутун дунёга кўрсатиб қўйди. Бу иллатли тизим миллионлаб гўдаклар ва оналарни уйлар ичида, кўча чангида секин-аста жон таслим қилишга — тирик ўлимга маҳкум этмоқда. Айни шу лаҳзаларда эса, ўз элларини пулга ва ташқи кучларга сотган хоин раҳнамолар ўзларининг салқин, муҳташам кошоналарида кўзларини юмиб, маишат ва ҳузур-ҳаловат денгизида сузмоқдалар.

Бугун Яман диёри гувоҳ бўлаётган ушбу юрак-бағрини қон қилувчи манзара — жазирама ёз чилласида шаҳарлар ва кўҳна кентларнинг тим қоронғуликка чўмиши — ўз суверенитети ва иродасини ташқи кучларнинг қўлига гаровга топширган ҳукмдорлар орасида фасод ва хиёнатнинг томир отиб, қанчалик чириб кетганига очиқ бир далилдир. Бу кимсалар минтақавий ва халқаро кучларнинг жирканч режаларини рўёбга чиқариш илинжида ўз халқининг ризқини, манфаатларини қурбон қилдилар; Яманда тириклик нишонаси бўлган сўнгги ҳаётий иншоотларни ҳам аямай вайрон қилиш, кулини кўкка совуриш йўлини тутдилар.

Улар миллионлаб бечора халқ фарзандларини энг бирламчи ҳаётий эҳтиёжлардан — сув ва иссиқ кунларда жон асрайдиган чироқ нуридан маҳрум этиб, заррача масъулият ҳиссисиз аёвсиз азоблар домига ташлаб қўйдилар. Чунки уларнинг тош қалбида бундай илоҳий неъматлар раъиятга кўрсатилиши лозим бўлган олий давлат ғамхўрлиги эмас, балки фақатгина фойда ва зиён, сиёсий олди-сотди тарозисига тортиладиган арзон бир бозор товаридир!

Яман тупроғидаги ушбу аянчли харобгарлик ва ҳаётий хизматларнинг кундан-кун атайлаб заифлаштирилиши асло оддий бир тасодиф эмас, балки у ўта маккорлик ва юқори дақиқлик ила чизилган сиёсий саҳна асаридир. Бир-бирининг қонига ташна бўлган урушаётган фракциялар халқнинг оғриқларидан ўз нафслари ва манфаатлари йўлида сиёсий қурол сифатида уятсизларча фойдаланмоқдалар; бу ҳолат айниқса «расмий ҳукумат» ниқоби остида қолган бечора ҳудудларда яққол кўзга ташланади.

Бугун мазлум инсонларнинг ўз ҳақларини истаб кўчаларга отилиб чиқиши — тахт талашаётган ушбу гуруҳларнинг бир-бирига чоҳ қазиш ва сиёсий тузоқ қўйиш ўйинига айланиб улгурди. Шимолда — ҳусийлар ўз панжасига олган диёрларда эса, агар совуқ қуроллар ўқталган темир чангал ва норозилик овозини бўғувчи шафқатсиз таъқиқлар тўсиб турмаганида эди, кўчалар ва майдонлар бугунги зулмдан қон йиғлаётган, аламзада халойиқнинг тўлқини билан албатта лиммо-лим тўлган бўларди.

Жанубий Яман майдонида Риёз ва Абу-Даби ўртасида сунъий фитна ўтларини алангалатиш орқали олиб борилаётган ушбу жирканч ўйинлар — аслида уларнинг Вашингтон ва Лондондаги олий хўжайинларига қуллуқ қилиш қиссасидан қонли бир саҳифадир, холос. Кўзимизни бўяш учун мазкур минтақавий кучлар юзаки ва косметик чоралар билан майдонга кириб, хоин ҳукмдорларнинг виждонини пул эвазига сотиб олмоқдалар. Аммо улар энг ҳаётий эҳтиёж бўлган энергетик инқирозини ўз мустамлакачилик режалари йўлида халқ бошига ўқталган яланғоч қилич ва разил бир восита ўлароқ сақлаб турибдилар. Уларнинг асл ғарази — ушбу зулмат дастаги орқали бечора оммани ўзлари хоҳлаган томонга, ўзлари чиизган қуллик йўлига мажбуран йўналтиришдир!

Айни шу машъум соатларда, Оқ уй ўз малайларини Шимол тахтида маҳкамроқ ўрнаштириш ва ўша ердаги ғанимларининг нафас йўлларини бўғиш учун бор ричагларини ишга солмоқда. У Адан, Ҳадрамавт, Маариб ва мағриб қирғоқларида инглиз соясига сиғинган қўғирчоқларни янчиб ташлаш илинжида Аданнинг молиявий жиловларини узиб олишга аҳд қилган. Америка мустамлакачилигининг ушбу суқилиб кириши Адан Марказий банкининг совуқ йўлаклари ичига Америка Халқаро тараққиёт агентлиги (USAID) ниқобидаги тузоқларни сингдиришда ҳамда АҚШ Молия вазирлиги ва Халқаро Валюта Жамғармасининг заҳарли, мажбурий фармонларини ўтказишда яққол намоён бўлмоқда.

Океан ортининг кибри ва нафси бу чегарада ҳам тинчимади. У инглиз маккорлигининг тарихий вакили бўлмиш Абу-Даби режимининг қанотларини қайчилади; мақсад — Лондон Форин Оффисининг ушбу заминдаги асрий таъсирини бутунлай супуриб ташлаш эди. Юртнинг қора олтин конлари ва тириклик томирлари устига ўз қонли чангалини ботириш учун хорижий ва маҳаллий ёлланма аскарларни сафарбар этиб, Америка режаларининг остонасида бош эггувчи содиқ қули — Риёз режимини саҳнага олиб чиқди.

Хўш, ўзлигини сотган ушбу минтақавий қўғирчоқлар ва уларнинг пойида бош эгган хоин сиёсий қиёфалар қачон Яман тупроғи ва унинг бағриқон халқи учун бирор хайр келтирган эди?! Шарқ-у Ғарб очкўзларининг — АҚШ ва Британиянинг Яман устида олиб бораётган олтмиш йилдан зиёд вақтга чўзилган ушбу мустамлакачилик уруши, унинг қонли тегирмон тошлари ва фитна ўтлари фақат ва фақат юртнинг ҳаётий манфаатларини куйдириш ҳисобига бўлди. Ушбу уруш центрифугаси элнинг салоҳиятини янчиб, бор хазинасини ҳавога совурди. Бугун Яман тупроғида на умид уйғотувчи ҳалол иқтисод, на келажакни нурли қилувчи маърифат (таълим), на дардларга даво (соғлиқни сақлаш) ва на жон асрагулик хотиржамлик қолди!

Ваҳоланки, Яман бағридаги қора олтин уммони, газ конлари ва ер ости хазиналари Ислом шариати ҳукмига кўра умматнинг умумий мулки ва ризқи эди! Бу бойликлар халқ ишларини тартибга солиш, раъиятга иззатли ва шарафли тирикликни туҳфа этиш, шаҳарларни нур сочувчи обиҳаёт станциялари билан юргизиш учун яратилган омонат эди. Бироқ, виждонлари хорижга гаровга берилган ҳукмдорлар ўзларининг мустамлакачиларга бўлган кўр-кўрона ва қулларча содиқликлари сабабли миллий саноатни тўхтатишни, коммунал тармоқларни чиритишни ва юртни судхўрлик ва қарамлик ботқоғига чўктиришни афзал кўрдилар.

Улар ўзларининг машъум ва шармандали хоинликларида икки қиёфали махлуққа айландилар: уларнинг бир қисми юзини қиблага эмас, балки Лондон саройлари томон бурди, иккинчи бўлаги эса Вашингтон ботилини қучоқ очиб кутиб олмоқда. Оқибатда эса, ёзнинг оловли чилласида, зулмат ва қоронғулик қаърида куйиб, қорилаётган фуқароларнинг фарёдлари ва битмас-туганмас мусибатлари бу тошбағир тизим томонидан бутунлай оёқости қилинди!

Эй Яман заминининг муҳтарам аҳли! Бошингизга ёғилаётган ушбу оғир бало ва мусибатларнинг асл иллати аллақачон ошкор бўлди — бу инсониятни ҳалокатга бошлаган ботил капиталистик тузум ва унинг соясида изғиб юрган золим кимсалардир. Бинобарин, ушбу фасод тизимни ҳаётингиздан бутунлай супуриб ташлаш ҳамда ишларингизни олий Илоҳий аҳкомлар ила тартибга солувчи давлатни барпо этмоқ зиммангизга вожибдир.

Набий соллаллоҳу алайҳи васаллам марҳамат қиладилар: «Барчангиз раҳбардирсиз ва барчангиз ўз қўл остидагиларидан масъулдирсиз» (Имом Бухорий ривояти).

Бугунги кунда сиз чекаётган беадад азоб-уқубатларни бартараф этиш — фақатгина Ислом шариатидаги асл ғамхўрлик тизимига қайтиш ила воқе бўлгусидир. Бу олий нажот эса Ҳизб ут-Таҳрир жамоати барпо этиш йўлида фидокорлик ила фаолият олиб бораётган, Ҳақ Субҳанаҳу ва Таолонинг самовий ваъдасини рўёбга чиқарувчи, Пайғамбарлик йўли асосига қурилган Иккинчи Рошид Халифалик давлатининг муборак соясидагина амалга ошур.

Бу муқаррар истиқболга Холиқи Зулжалолнинг ушбу ояти каримаси олий ва қатъий далилдир:

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً﴾

 «Аллоҳ сизлардан имон келтирган ва солиҳ амалларни қилган зотларга ер юзида ҳукмрон қилишни ваъда қилди, худди улардан олдин ўтганларни халифа қилганидек. Ва улар учун Ўзи рози бўлган динларини албатта мустаҳкамлашини ва уларнинг бошига тушган хавф-хатарларидан кейин тинчлик-омонликка айлантириб беришини ваъда қилди» (Нур 55-оят).

Устоз Абу Бакр Ал-Жабалий қаламига мансуб — Яман вилояти

Роя газетасининг 2026 йил 17 июн, чоршанба кунги 604-сонидан