بِسْمِ اللهِ الرَّحْمنِ الرَّحِيمِ

Турмуш қуриш неча ёшдан бўлиши керак?

Ҳозирда ҳар бир ота-онанинг ҳаёлини вояга етаётган ўғлига муносиб келин топиш, ёки қизи учун муносиб куёв топилиши эгаллаб олади. Бу борган сайин одамни ташвишга соладиган жиддий муаммога айланиб бормоқда. Чунки ҳозирги даврда жамиятни ўта даражада бузилиб кетганлиги сабабли, муносиб оилага қиз узатиш, ёки муносиб оиладан келин тушуриш ҳам борган сари орзуга айланиб бормоқда. Ўзбекистонда бу муаммога ўзига хос ечим берилган. Яъни турмуш қураётганларнинг ёши муҳим аҳамиятга эга эканлиги жуда кўп таъкидланаётганидан ҳаммамизнинг хабаримиз бор. kun.uz шу ҳақида хабар бермоқда:

“Оила қуриш ёши борасидаги мутахассислар ва ўзбекистонликларнинг фикри бир хил бўлиб чиқди. Ўзбекистон Миллий ахборот агентлиги (ЎзА) ахбороти ва “Ижтимоий фикр” жамоатчилик фикрини ўрганиш маркази маълумотларига асосланиб, шундай хулосага келиш мумкин.

8 октябрь куни “Ижтимоий фикр”нинг «Жамият ва оила: маънавий ва ахлоқий олам» мавзусидаги сўрови натижалари эълон қилинган эди. Унга кўра, иштирокчилар йигитлар 25-26 ёшда ва қизлар 21-23 ёшда турмуш қуриши учун энг мақбул вариант эканлигини таъкидлаган.

Айни вақтда, ЎзАнинг 9 октябрь куни эълон қилинган ахборотларидан бирида шундай дейилади:

“Мутахассислар фикрича, қизлар 21-23 ёшдан, йигитлар 25-26 ёшдан сўнг оила қуришлари мақсадга мувофиқ”.

Бунда ЎзА бу фикр айнан қайси мамлакатнинг қайси мутахассисларига тегишли эканлигини маълум қилмаган”.

Ушбу ўтказилган сўровнинг асли моҳиятига эътибор берадиган бўлсак, халқни шу пайтгача Исломдан узоқлаштириш, халқни, мусулмонларни эса имкони борича тубанлик ботқоғига ботириш учун қилинганбир хийла эканини сезиш мумкин. Бундай сўров қачон,қандай қилиб, ким томонидан ўтказилгани, кимлар ушбу сўровда ёшларнинг 21 – 23 ёшдан кейин турмуш қуришини ёқлаб чиққани каби саволларни беришимизни хожати ҳам йўқ, чунки Ўзбекистон хукумати бу каби саволларни, халқнинг муаммоларини заррачалик эътиборга олмай, хукумат устидаги мансабдорлар манфаатлари янгидан янги зулмий чекловлар ва қонунлар учун хоҳлаганларини қилишлари одат тусига айланган.

Ушбу сўровнинг эълон қилиниши ортидан яқин келажакда, турмуш қуриш ёши шундай рақамларга чекланиши тўғрисида қонун ишлаб чиқилишини ҳеч шубҳасиз кутишимиз мумкин. Ва бу эълон қилинган сўров натижалари деган гаплар эса, Ўзбекистон хукумати халқнинг ихтиёридан келиб чиқиб, қонунлар қабул қилади, деган сохта даъвони айтиш учун қилинган бир хийла холос. Асл мақсад эса, ёшларни турмуш қуришларини кечиктириб, ёшлар орасида ахлоқий бузуқлик, фахш ишларини кенг ёйиш каби жирканчликларни тарқатишдир. Умматни Исломдан узоқлаштиришдир.

Демак, юқоридаги сўровни халқ манфаатлари учун қилинган холис харакат деб билсак ва ушбу сўровни ташкил қилган мутахассисларга ишонадиган бўлсак, мазкур ёшга кирган йигит-қизларнинг қурган оилалари мустаҳкам бўлишига ўша мутахассислар ишонч билдирмоқда. Лекин улар бир нарсани ҳисобга олишдимикан, яъни ушбу сўровни тузишда мусулмон эканлигимизни эътибор қилишдимикан?

Оила қуриш тўғрисида Ислом нима деган? Исломда оила қуришга неча ёшдан рухсат берилади?

Ислом шариатида йигитлар эхтилом бўлиш ва қизлар хайз келиши билан балоғатга етган хисобланади. Ва балоғатга етган ҳар қандай йигит ва қизни бирон қонун билан, бирон ташкилот ёки хукумат оила қуришдан тўсишга шаръан хаққи йўқ. Чунки бу Аллоҳ белгилаган қонун бўлиб, инсонларнинг қандай холатда нима қилсалар уларга яхши бўлишини, қандайдир сўровномалар ёки мутхассислар эмас, балки Аллоҳ билгувчироқдир.

Балоғат ёши тўғрисида ижтиход қилган турли мазҳаблар мужтаҳидлари, -“Агар йигитда эхтилом, қизда хайз холати қайд этилмаса, унда йигитлар 17, қизлар 16 ёшдан балоғатга етган деб хисобланадилар”- деган райларни айтишган. Бу энг охирги чегарани айтгандаги гап, баъзи мужтаҳидлар ундан паст ёшлардан белгилашга ҳам турли далилларни келтиришган. Яъни ушбу ижтиҳодларга эътибор берган холда, ўзимизни мусулмон, деб хисоблаган холда хулоса қиладиган бўлсак, бирон бир қонун ёки сўровнома ва бошқалар билан, турмуш ёшини ушбу, йигитлар учун 17, қизлар учун 16 ёшдан ортиқ баландга кўтаришга бирон мусулмоннинг хаққи йўқ ва бундай қилган одам, Аллоҳнинг тузган қонунига қарши чиққан бўлади, ўзини Аллоҳнинг ўрнига қўйган бўлади, Аллоҳнингхаққи бўлган, инсонлар учун қонун ишлаб чиқиш хуқуқини ўзига халол қилган бўлади.

 Мусулмонлар бундай жиноятдан эхтиёт бўлмоқлари керак. Зеро Аллоҳ Таъоло шундай дейди:

أَمْ لَهُمْ شُرَكَاء شَرَعُوا لَهُم مِّنَ الدِّينِ مَا لَمْ يَأْذَن بِهِ اللَّهُ وَلَوْلَا كَلِمَةُ الْفَصْلِ لَقُضِيَ بَيْنَهُمْ وَإِنَّ الظَّالِمِينَ لَهُمْ عَذَابٌأَلِيمٌ

 “Ёки уларнинг диндан Аллоҳ изн бермаган нарсаларни шариат қилиб берган шерик (худо)лари борми?! Агар (қиёматда амалларга қараб савоб ва гуноҳга ажратувчи калима бўлмаганида) ажрим калимаси бўлмаганида, албатта, улар ўртасида ҳукм қилинган бўлар эди(яъни шу дунёнинг ўзидаёқ уларни жазолаб қўйилган бўлар эди). Албатта, золим кимсалар учун аламли азоб бордир”. (Шуро. 21)

أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْماً لِّقَوْمٍيُوقِنُونَ

 “Жоҳилият хукмини истайдиларми?! Иймон келтирганлар учун хукм қилишда Аллоҳдан гўзалроқ хукм қиладиган ким бор?!”                                         (Моида. 50)

Ҳизб ут-Таҳрирнинг Ўзбекистондаги медиа офиси Зайниддин

17.10.2014й.