Миллатчилик офати Малайзияда роҳинжаларни таъқиб қилмоқда

Сўнгги ойларда Малайзиядаги роҳинжа мусулмон қочқинларини нишонга олган нафрат риторикаси, чалғитувчи сохта маълумотлар ва ғайриинсоний хитобларнинг кучайиши бутун мамлакат бўйлаб уларга тегишли бўлган камида тўққизта мактабнинг ёпилишига олиб келди. Роҳинжаларга қарши адоват кайфиятининг бундай авж олиши уларнинг кўплаб болаларини таълимдан маҳрум қилди, бошқаларини эса мактабга боришдан ёки ҳатто ўз уйларидан чиқишдан ҳам қўрқадиган ҳолга солиб қўйди. Интернетдаги айрим нашрлар роҳинжаларга ва уларнинг болаларига қарши зўравонликка ундаб, уларни «бир хонага қамаб ёқиб юборишга, зўрлашга, қарғалар каби отиб ташлашга ва аёлларни бепушт қилишга» даъват қилди! Уларни Малайзиядан депортация қилишга чақирган электрон кампания қарийб ярим миллион имзо тўплади. Буларнинг барчаси роҳинжалар Мьянмада дуч келган ҳамда минглаб одамларнинг ўлимига ва юзлаб минглаб кишиларнинг қочоқ бўлишига сабаб бўлган нафрат ва оммавий қирғин (геноцид)ни эслатади.

Бунга нисбатан Ҳизб ут-Таҳрирнинг Марказий Матбуот бўлими Аёллар қаноти чиқарган матбуот баёнотида шундай дейилди: Заҳарли миллатчилик тушунчаси ягона айби оммавий қирғиндан қочиб, қўшни исломий юртдан бошпана сўраш бўлган мазлум бир мусулмон халққа нисбатан ушбу шиддатли нафратни озиқлантирмоқда ва алангалатмоқда. Пайғамбаримиз ﷺ у ҳақда:

«Уни тарк этинглар, чунки у сассиқдир!»

деган ушбу заҳарли ва хатарли тушунча турли ирқий келиб чиқишга ёки бошқа юртга мансуб бўлган эзилган мусулмонларга бегона ва жиноятчилардек муомала қилинишига сабаб бўлмоқда. Натижада уларга ҳимоя, кўмак, муносиб бошпана, сифатли таълим ва шарафли ҳаётни таъминлаш ўрнига, уларнинг болалари ўз мусулмон биродарлари қўли билан таъқиб, таҳдид ҳамда ўз мактаблари ва уйларидан қувилишга дучор бўлмоқда.

Ўтган 27 июль куни Малайзия расмийлари ҳудудни «роҳинжалардан холи ҳудуд» деб эълон қилган маҳаллий аҳоли томонидан Пенангдаги ўз уйларидан чиқариб юборилгач, БМТ Қочқинлар бўйича Олий комиссарлиги идорасидан бошпана излаган 100 дан ортиқ роҳинжа қочқинларини ҳибсга олди. Малайзия роҳинжаларни расман қочқинлар деб тан олмайди, балки уларни ноқонуний муҳожирлар сифатида таснифлайди ҳамда уларни фуқаролик  ҳуқуқларидан, жумладан меҳнат қилиш ҳуқуқидан ва болаларининг давлат мактабларида таълим олиш ҳуқуқидан маҳрум қилади, бу билан эса ҳибсга олиш хавфини доимий равишда уларнинг боши узра муаллақ қолдиради.

Баёнотда яна шундай дейилди: Буларнинг барчаси шармандали ва ҳаромдир! Ахир Аллоҳ таоло:

﴿إِنَّمَا الْمُؤْمِنُونَ إِخْوَةٌ﴾

«Албатта мўминлар биродардирлар» (Ҳужурот сураси, 10-оят)

ва

﴿إِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ﴾

«Албатта ушбу умматингиз ягона бир умматдир ва Мен сизнинг Раббингиздирман, бас, Менгагина ибодат қилинглар!» (Анбиё сураси, 92-оят)

деб айтмаганмиди?! Ахир Пайғамбаримиз ﷺ:

«Мусулмон мусулмоннинг биродаридир: унга зулм қилмайди, уни ёрдамсиз ташлаб қўймайди ва уни хорламайди!»

деб айтмаганмидилар?! Ахир у зот ﷺ ансорлар ва муҳожирларни исломий биродарлик риштаси билан боғлаганларида, ансорлар муҳожирларга ёрдам бериш учун ўз моллари, уйлари ва ерларининг ярмини тақдим этганларида мусулмонлар ўзларига ҳижрат қилиб келган биродарларига қандай муомала қилиши кераклигини кўрсатиб бермаганмидилар?!

Баёнот қуйидаги сўзлар билан якунланди: Роҳинжа мусулмонларига, Туркиядан бошпана излаётган уйғурларга, Покистондаги афғон қочқинларига ва мусулмон юртларида бошпана берилиши ва шарафли ҳаёт кечириши рад этилаётган бутун дунёдаги эзилган мусулмонларга таъсир қилаётган ушбу ачинарли аҳвол — модомики биз миллатчиликни маҳкам тутиб, қалбларимиз ва ақлларимизни ажратиб турган миллий чегараларни сақлаб турар эканмиз — давом этаверади.

Мусулмон қочқинларнинг оғир мусибати модомики ирқи, қабиласи ёки рангидан қатъи назар барча мусулмонларни ҳимоя қилувчи давлат бўлмиш пайғамбарлик минҳожи асосидаги Халифалик мавжуд эмас экан, сақланиб қолаверади. У миллатчиликни рад этадиган, исломий юртларни бирлаштириш ҳамда бошпана излаётган ҳар қандай мазлум халқ олдида уларни очиш ва худди Аллоҳ таоло буюрганидек ҳамда инквизиция судлари даврида Испанияда таъқиб қилинган мусулмонлар ва яҳудийларни қутқариш учун ўз денгиз флотини юборган ва улардан юзлаб мингтасини Халифалик ерларига жойлаштирган султон Боязид II каби халифалар намоён қилганидек, уларга тўлиқ фуқаролик ҳуқуқларини таъминлаш устида фаолият юритадиган давлатдир.

Роя газетасининг 2026 йил 19 август чоршанба кунги 613-сонидан