بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Хоинлар кемаси Шом аҳли қонида сузиб ўтгач, энди бизнинг масалаларимизни сотиш учун Остонага лангар ташлади

Абдуллатиф Ҳаририй қаламига мансуб

Муборак Шом заминида қўзғолон бошлангандан буён АҚШ етакчилигидаги кофир Ғарб давлатлари турли йўллар билан уни бўғизлаб йўқ қилишга уринишмоқда. Хавфсизлик Кенгаши йиғилишидан тортиб, Араб давлатлари Лигасию БМТнинг конференция ва анжуманларининг барчаси битта мақсадга қаратилди. У ҳам бўлса, қўзғолонни йўқ қилиш ва Сурияни қайта илмоний давлатга айлантириш учун қонхўр режимга қулай фурсат яратиб беришдир. Бироқ Шом аҳлининг қаттиқ туриши ҳамда ўзгариш сари жиддий қарор қабул қилиб, бунга ҳаракат қилишлари  қўзғолонни юртнинг барча минтақаларига кўчишига ўз ҳиссасини қўшди, натижада, халқаро ҳамжамият бошқараётган нопок режалар муваффақиятсизликка юз тутди.

Ҳодисаларнинг тез ривожланиб кетиши ва қўзғолоннинг катта миқёсда кенгайиши, тоғут режимни аста-секин тўкилишга олиб келди, хусусан, Дамашқ марказида намойишлар бошланиб кетгандан сўнг шундай бўлди.

Ана шунда Америка ўйин қоидасини ўзгартирди. Моддий куч ишлатиш ва қўзғолонга темир қўллар билан зарба бериш керак бўлди. Шу мақсадда режимга қуролсиз намойишчиларга қарши куч ишлатиши учун кўк чироқ ёқиб берди… Каззоб Американинг шогирди ва унинг чизган чизиғидан чиқмай, «терроризм»га қарши урушини олиб бораётган режим намойишга қарши уруш эълон қилди, оқибатда аёллар ва болалар дохил ўнлаб намойишчи нобуд бўлди.

Воқеаларнинг бу тарзда жиддий ўзгариши Умматнинг жинояткор режим армияси сафидаги холис фарзандларини армиядан ажраб чиқишларига ва ўз ватандошлари бўлган намойишчилар сафига қўшилишларига олиб келди. Бу эса Шом аҳлига жинояткор режимни ағдаришга аввалгидан ҳам кучлироқ шошилиб ҳаракат қилишга куч бағишлади. Хусусан, шу ажраб чиққан ҳарбийлар, тинч намойишчиларни ҳимоя қиладиган ва ҳибсга олиш ва аёллару болаларга таҳдид қилиш мақсадида шаҳарларга, баладияларга штурм қилаётган Асад гумаштаралига қарши турадиган кучга айланганди.

Бундай муҳим ўзгариш Уммат иродаси олдида ожиз қолаётган Халқаро ҳамжамият ҳаловатини бузди. Қўзғолон оловини ўчириш, малай илмоний режимни ҳимоя қилаётган бу ҳарбий тизимнинг қўлидан келмади. Бир вақтнинг ўзида, Уммат мабдаси томонга ўтган янги куч пайдо бўлди.

Натижада, тоғут режим ағдарилиш арафасига келиб қолган сўнгги ҳафтада, ишга Эрон ва унинг Ливандаги ҳизби бурнини суқди. Бундай ифлос ниятдаги аралашувдан кўзланган мақсад бир томондан, қўзғолонга ҳарбий жиҳатдан зарба бериш бўлса, иккинчи томондан, Суриядаги уруш халқнинг жинояткор ҳукмдорга қарши қўзғолони эмас, балки мазҳабпарастлик урушидир, деган тушунчани пайдо қилишдан иборат бўлди.

Бу ифлос ният оқибати ўлароқ, давлатлараро аралашув пайдо бўлди. Бу давлатлар Эрон ва ва унинг ҳизби томонидан ўлдирилаётган аҳли сунна гуруҳларни ҳимоя қиламиз, деган даъво билан аралашишди ва айни гуруҳларга ифлос сиёсий маблағларни беришди. Улар бу билан зоҳирдан Исломга мойил, аслида, манфур илмоний бўлган айрим гуруҳ ва шахсларни пайдо қилишди. Натижада, бу қақшатқич зарба қўзғолонни ўзининг тўғри йўлидан чиқишига ва ана шу жиноятчи кимсалар қўли билан орқага кетишига олиб келди. Аммо бу зарба қўзғолон душманининг зарбаси эмас эди. Яъни қўзғолонни ҳарбий йўл билан йўқ қилишга Америка томонидан кўк чироқ ёқиб берилган ҳамда Россия ўзининг ривожланган ҳарбий тизими ва қирғинбарот қуроллари ёрдамида аралашса ҳам қўзғолонни йўқ қилишга ожизлик қилган душман йўлламади. Балки бу зарбани ўзларини қўзғолоннинг дўстлари, дея даъво қилганлар йўллади. Бу «дўстлар» аввал қарорлар чиқариб, сўнг айни гуруҳларни анжуманларга тортишди ва ён беришлар тақдим этишга мажбурлашди. Бу ишни «дўстлар» АҚШ етовидаги кофир Ғарб ортидан эргашиш орқали ўрганган хоинона маҳоратлари билан адо этишди.

Гуруҳлар «дўстлар» ортидан эргашишди ва ўз қўзғолонларини тўғри чизиқдан оғдириб юборишди. Яъни режимни ағдариш учун Дамашқ сари кетаётган йўлдан оғиб, Риёз томон йўналишди, музокара столига ўтириб, бу билан қонхўр режимга қайта қонунийлик ва ҳайбатлик тусини беришди. Кейин уларнинг долларлардан ясалган кемалари Женевага йўл олди, кейин шаҳидлар қони узра сузиб ўтиб, Остона конференциясига етиб борди. Конференция қарорлари матнида жинояткор режимнинг хавфсизлик ва ҳарбий тизимини мукофотлаб, тўла ҳимоя қилиш, режимнинг фақат калласинигина олиб ташлаб, ўрнига Америка ясаган альтернатив каллани ўрнатиш қайд этилган эди. Бу калла иккинчи тоғут вазифасини ўтаб, АҚШ тиқиштираётган илмоний тизимни, яъни «терроризм»га қарши кураш ниқоби остида холис ниятли қўзғолончиларга қарши курашдан иборат тизимни татбиқ қилиши кўрсатилган.

Айни конференция билан бир вақтда, қўзғолончи Шом аҳлига қарши бутун дунё сиёсий, ҳарбий ва ахборот каби барча савияда шафқатсиз уруш олиб борди.

Жиноятчи режим, оддий фуқароларни заҳарли газлар, порохли бочкалар билан бомбардимон қилаётган бир пайтда, Ливан, Туркия ва Иордания каби қўшни давлатлардаги ювиндихўр режимлар Сурия қочқинларига тазйиқ ўтказишди. Америка билан тинимсиз алоқа қилиб, одамларга босим ўтказишди, уларни Остонада қабул қилинган қарорларни мажбуран қабул қилдиришга уринишди, АҚШ марказий қўмондонлигининг Ливан армиясини зиёрат қилиши ортидан «Арсол» жамлоғида Сурия қочқинларига нисбатан қирғин қилиш, ёқиб юбориш, жазолаш учун ўч олиш жиноятлари содир этилди. Буларнинг барчаси минтақадаги террорни Америка бошқариб, ўйин тизгинини ўз қўлида ушлаб турганига яққол далилдир.

Биз Сурия қўзғолонига қарши мана шундай жиноятлар содир этилаётганига гувоҳ бўлар эканмиз, анави нопок ниятдаги ахборот воситаларини кўриб турибмиз. Улар жамлоқлардаги одамлар азоб-уқубатлари ҳақида хабар тарқатишсада, аммо бунинг оддий сабабларини ёритишмади, ҳодисаларни ёритишда халқаро сиёсат йўлидан юриб, Шом аҳлидаги қўзғолон руҳига панд беришди. Бир томондан, одамларни америкача ечимга рози бўлишга ундаган бўлса, бошқа томондан, минтақадаги халқларга тарқатаётган хабарлари зимнида гўё мана бундай сўзлар мужассам эди: «Эй мазлум халқлар, Сурия аҳли тақдирини кўриб қўйинг, мабодо сиз ҳам хоин ҳукмдорларингизга қарши кўтарилгудек бўлсангиз, сизни ҳам шу тақдир кутмоқда».

Бу ёмон ниятли ахборот воситалари ҳақиқатни била туриб-ўзларини билмасликка олишади. Зеро, агар очкўз капиталист Америка ва унинг золим мустамлакачилиги бўлмаганда эди, қўзғолон ҳам кўтарилмаган бўларди… Агар Шом аҳли қўзғолонига қарши ҳеч бир қуролини қолдирмай синовдан ўтказган малай Башар Асад жиноятларига Америка сукут қилмаганида эди, Шом аҳли бошдан кечираётган бунча азоб-уқубатлар ҳам содир бўлмасди. Агар Россия қирғинбарот қуроллари билан, Эрон ливанлик ҳизби билан аралашиб, одамларни қирғин қилиб, ўз юртларидан, уй-жойларидан қочиб чиқишга мажбур қилишмаганда эди, улар қочқинга айланмаган ҳамда Ливан, Туркия, Иордания… каби пасткаш давлатлар жамлоқларида хор бўлмаган бўлар эди.

Эй азизлик ва мағрурлик Шомидаги аҳлимиз!

Куфр боши Америка етакчилиги остида бутун дунё сизга қарши жамланди ва сизнинг муборак қўзғолонингизда мужассам бўлган Ислом оловини ўчириш учун моддий қудратларини ишга солишди. Мана, бугун улар Пайғамбарлик минҳожи асосидаги рошид Халифалик олдида мустаҳкам тўғаноқ бўлиб туришибди. Аммо биз, то ўзимизнинг исломий лойиҳамизни маҳкам ушлаб, раббоний сиёсий етакчилик ортидан юрмас эканмиз, асло халос бўлолмаймиз, чунки бу етакчилик, имон келтирган, бошпана билан таъминлаган ва нусрат берган зотлар олдида, анави тўғаноқларни синдириб вайрон қилишга қодир, инша Аллоҳ.

وَكَانَ حَقًّا عَلَيْنَا نَصْرُ الْمُؤْمِنِينَ

«Мўминларга нусрат бериш, Бизнинг зиммамиздаги ҳақ бўлган»          [Рум 47]

Роя газетасининг 2017 йил 19 июл чоршанба кунги 139-сонидан

0

0