بسم الله الرحمن الرحيم

Ўзбекистон халқининг яна бир оғриқли муаммосига “ечим” берилдими?

Бугунги кунда дунёни автомобилларсиз тасаввур қилиш қийин бўлса керак. Бу “тўрт оёқли дўст” биз учун жуда асқотмоқда, узоғимизни яқин, оғиримизни енгил қилмоқда. Бундан бир неча йил олдин Ўзбекистонда “Уз ДЭУ авто” автомобил заводи қурилиб, конвейрдан илк автомобиллар чиққан пайтда Ўзбекистон халқи жуда хурсанд бўлган эди. Энди бизнинг ҳам кўкрагимизга офтоб тегар эканда, деб ширин ҳаёлларга берилган эдилар. Орадан кўп ўтмай, бу хомҳаёл эканлиги маълум бўлди. СССР қулаганидан кейин постсовет давлатлари қатори Ўзбекистонга ҳам автомобиллар ёпирилиб келишини жуда яхши билган Ўзбекистон ҳукумати, ўта ноёб қарор чиқарди. Чет давлатлардан кираётган ҳар бир автомобил учун олинадиган божни 100% га кўтариб қўйди.

Бу эса, “Уз ДЭУ авто” ни Ўзбекистон автомобил бозорининг якка ҳокимига айлантирди. Бошқача қилиб айтадиган бўлсак, ҳукумат ўз халқига: “Машинада юришни хоҳласанг, мени шартларимга ва мен қўйган нархга кўнасан ё пиёда юрасан”, дегандек муомала қилди. Ҳеч қайси давлатда ўз халқига нисбатан бу даражада камситиш ва устидан кулиш ҳолати бўлмаган бўлса керак. Биз нимага бундай деяпмиз? Жавоби шуки, минбарларда ўз халқини яхши кўриб, бағрига босишини такрор-такрор айтадиган Каримовни амалда буни ғирт тескарисини қилаётганини яна қандай изоҳлаш мумкин? Бу иккиюзламачиликдан бошқа яна нима?

Бугунга келиб, ОАВлар автомобилларни сотиб олишда енгилликлар яратилиши ҳақида хабар беришмоқда. Яқинда маҳаллий ОАВлар Давлат Рақобат қўмитаси ва "Ўзавтосаноат" АЖ GM Uzbekistan томонидан ишлаб чиқариладиган автомобиллар олди-сотдиси намунавий шартномасига ўзгартириш киритиш масаласи устида ишлашаётганини хабар қилдилар. Бу хабарда жумладан шундай дейилмоқда: “Масалан, режага кўра, эндиликда харидорлар ўзлари истаган автомобилни 90 кундан кўп бўлмаган муддат ичида қўлга киритишлари мумкин бўлади. Автомобиль нархи ошган тақдирда ҳам истеъмолчи ҳамёни зарар кўрмаслиги учун ҳужжатда (истеъмолчи фойдасига хизмат қиладиган) муайян шартлар кўрсатиб ўтилади”(манба: kun.uz сайти).

Ўзбекистоннинг оддий фуқароси учун расмий дилерлардан автомобил сотиб олиш қанчалар азоб-уқубатли жараён эканлигини ҳамма яхши билади. Бу ҳолат мана 10 йилдан ошиқ вақт давом этиб келмоқда. Шу пайтгача бу ҳолатни ҳукумат жуда яхши билиб турган бўлсада, ҳеч қандай чора кўрмай келаётган эди. Нега энди бугунга келиб бу муаммо эсларига тушиб қолди экан? Нима бўлганда ҳам, бу шунчаки, яна халқни алдашдан бошқа нарса эмас. Ҳукумат одамларни қийнаётган муаммоларни ҳал қилишга ҳаракат қилаётганини кўрсатиш учун ўйлаб топган бир ўйин холос. Бундан ташқари, хабарда келтирилаётган “енгилликлар” ни ўқиган одамни кулгиси келади. Шу ҳам енгилликми? Бу худди беморга одатда берилаётган оғриқ қолдирувчи дорилардан кўра кучлироқ оғриқ қолдирувчи дори беришга ўхшайди. Бундан бемордаги оғриқ пасаяди, аммо касали тузалмайди. Шунга ўхшаб, бу чора-тадбирлар натижасида муаммолар камайиши мумкин, аммо батамом бартараф қилинмайди.

Бундай бўлишига сабаб шуки, Ўзбекистон ҳукумати, хусусан Каримов аксари мусулмон бўлган бу мамлакат фуқароларини яхши кўриш тугул, одам ўрнида ҳам кўрмайди, у буни очиқчасига ҳам айтган. Ўзбекистон мусулмонлари то Ислом тузумини хаётларида татбиқ этмас эканлар ҳолат мана шундай давом этаверади.

Ҳизб ут-Таҳрирнинг Ўзбекистондаги медиа офиси Фаррух

14.03.2016й