بِسْمِ اللهِ الرَّحْمٰنِ الرَّحِيمِ

Тунис режими Ҳизб ут-Таҳрир аъзоларидан бирини Ислом асосида сиёсий фаолият қилганлиги учун қамоққа олди

Туниснинг Суса (Сус) шаҳри «Фирқатул Иршод» полицияси 2023 йил 13 январ жума куни Ҳизб ут-Таҳрир аъзоларидан бири Аммор Робиҳий хонадонига бостириб кириб, ҳибсга олди. Бу қамоққа олиш пайшанба куни Ҳизб томонидан матбуот баёноти чиқарилиб, унда Тунис аҳлига мурожаат йўлланганидан сўнг содир этилди. Суд – бу иш кўриб чиқилмайди, деган қарор асосида уни қўйиб юборди. Эслатиб ўтиш лозимки, Аммор Робиҳий илгари 2022 йил 18 ноябрда Ҳизб ут-Таҳрир – Тунис вилояти матбуот бўлими томонидан нашр қилинган «Тунисда ўтган Франкфония саммити муваффақиятсизлик ва хоинлик саммитидир» номли баёнот тарқатилиши ортидан ҳам қамоққа олинган эди.

Бу хусусда, Ҳизб ут-Таҳрир – Тунис вилояти матбуот бўлими баёнот чиқариб, қуйидагиларни таъкидлади:

«Тунис режими бу қилмиши билан ўзининг хавфсизлик баҳонасида қувғин қилиш сиёсати олиб бораётганини, бунинг учун у Ҳизб ут-Таҳрир ва унинг даъватига тўсқинлик қилишга қаратилган сиёсий ҳисоб-китобларга хизмат қилаётганини яна бир бор тасдиқлади. Тунис режими ўзининг Ғарбга тобелигини ва юртни талон-торож этиш сиёсатига тиз чўкишини ҳар қанча яширишга уринмасин, бугунги кунда бу ҳаммага аён бўлиб қолди. Ўз навбатида, бу уни Ҳизб ут-Таҳрир аъзоларини қувғин қилишга ундамоқда. Чунки Ҳизб аъзолари режимнинг Тунис ва унинг аҳли тақдирига панжа орасидан қаровчи абгор сиёсатига қарши позиция эгаллаганлар. Демакки, Аммор Робиҳийнинг ҳибсга олинишига ҳам унинг айни позицияси сабаб бўлди, бундан бошқа нарса эмас».

Матбуот баёнотида яна таъкидланди:

«Ҳизб ут-Таҳрир аъзоларига қарши сохта айбловлар қўйилаётгани ҳамда такрор-такрор уларни ҳибсга олинаётгани шармандали сиёсий мақсадни кўрсатмоқда. Бундан содда одамларни Ҳизбдан қўрқитиш ва юрт аҳлининг мустамлакачилар ва уларнинг думларига қарши чиқишларини олдини олиш, қайта Ислом аҳкомларига мувофиқ яшашга ҳаракат қилишдан тўсиш кўзланган. Ҳеч шубҳа йўқки, ҳибс ва қамоқлар Ҳизб аъзоларини сиёсий адаштирувларни ҳамда юрт ва унинг аҳлини нишонга олган хоинона келишувларни фош этиш сари шахдам қадам ташлашдан ҳаргиз бура олмайди. Улар бу қадамларини Пайғамбарлик минҳожи асосидаги иккинчи рошид Халифаликни барпо этиш йўлида Росулуллоҳ Aнинг минҳожлари асосида ташламоқдалар. Зеро, ушбу Халифаликкина мусулмонларни рувайбизалар бошқарувидан халос қилажак.

Роя газетасининг 2023 йил 25 январ чоршанба кунги 427-сонидан

0

0

Related posts:

Тунис режими ва унга қарашли ахборот воситалари томонидан Қуръон мадрасаларига ҳужум қилиниши уларнинг омадсизликларига далилдир Фаластин режими Ҳизб ут-Таҳрир аъзоларига нисбатан кенгқамровли қамоққа олиш кампаниясини бошлади Тунис режими коронавирусга қарши тангликни кучайтириш орқали курашмоқда! Тунис режими Халқаро Валюта Фонди қўйган шартлар туфайли тадқиқотчи докторлардан воз кечди