Жамиятдаги иқтисодий мувозанатни ўнглаш
Жамиятдаги иқтисодий мувозанатни ўнглаш
بِسْمِ اللهِ الرَّحْمٰنِ الرَّحِيم
Бугунги кунимиздаги инсонларнинг ўзаро алоқаларида манфаатни асос бўлиши ортидан жамиятда иқтисодий мувозанат бузилди, яъни эҳтиёжларни қондиришни таъминлашда улкан иқтисодий тафовут юзага келди. Ўз ҳаётидан Яратувчининг қонунларини узоқлаштириш ва унинг ўрнига инсоннинг ноқис ақлидан келиб чиқувчи тузумни татбиқ қилишга уриниш инсонларни шу аҳволга солди. Бойликлар бир ҳовуч капиталистлар қўлида тўпланиб, улар барча эҳтиёжларини тўлиқ ва ўзлари истагандек қондираётган бир вақтда, бозор ва дўконлар маҳсулотга тўлиб ётса-да, маблағи йўқлигидан бу нарсаларни харид қилишга қурби етмай асосий эҳтиёжларини аранг қондиришга интилаётган қашшоқлар абгор аҳволда қолмоқдалар. Асосий эътиборни шахсга қаратадиган Ғарбдаги демократик жамиятда бу оддий ҳол ҳисобланади.
Бундай ҳолат аҳолисининг аксар қисми мусулмон бўлган юртларга ҳам Ғарбнинг ботил ақидаси билан бирга кириб келди. Бу ақида таъсирида мусулмонларнинг ҳаётдаги ўлчовлари фойда-зарарга асосланиб қолди ва жамиятда мусулмонлар учун ёт унсурлар урчиди. Кучлилар ожизлар ҳисобидан бойиб қутураётган бир вақтда аксар инсонлар йўқсилликдан аранг кун кўрмоқда. Жамиятдаги бундай бузилишни бартараф қилиши керак бўлган амал ва куч қудрат эгалари эса, ўз итоатларидаги халққа зулм ва хиёнат қилган ҳолда бойликларни мустамлакачи Ғарб томонидан талон-тарож қилиб ташиб кетишга шароит қилиб бермоқдалар. Бунинг эвазига мусулмонларнинг бойликларига зулм билан эгалик қилиб унинг ҳисобидан шахсий бойлик ва ҳукмдорликка эга бўлмоқдалар. Оқибатда бойликнинг ҳақиқий эгалари бўлган мусулмонлар очлик ва хорликда кун кўрмоқдалар. Кофир Ғарб эса, ўзининг ботил ақидасидан келиб чиқиб жамиятдаги бу номутаносибликни мусулмонларга оддий ҳол сифатида сингдиришга уринмоқда.
Лекин бу ақида мусулмонлар учун бегона ва ундаги оддий ҳолат, деб қаралган нарсалар Исломга зиддир. Ислом жамиятдаги иқтисодий мувозанатни доимо сақлаб туради ва бузилишини олдини олади. Шу сабабли бойликларни бир гуруҳ шахслар қўлига ўтиб қолишини таъқиқлаб, барча фуқаро ўртасида айланиб юришини вожиб қилди. Аллоҳ Таоло айтади:
كَيْ لاَ يَكُونَ دُولَةً بَيْنَ الأَغْنِيَاءِ مِنْكُمْ
– “Токи сизлардан бой-бадавлат кишилар ўртасидагина айланиб юраверадиган нарса бўлиб қолмасин учун”. (Хашр:7)
Агар жамиятда фуқаролар ўртасида эҳтиёжларни қондиришни таъминлаш борасида иқтисодий тафовут юзага келса, иқтисодий мувозанатни тиклаш давлатнинг гарданига тушади. Бу ҳолатни давлат муҳтожларга ўз молларидан бериш билан ўнглайди. Мол беришдан мақсад эҳтиёжни вақтинча қондириш эмас, балки шахсни эҳтиёжни қондирувчи воситалар билан тўла таъминлашдир. Демак, иқтисодий мувозанатни юзага келтириш учун байтулмолдаги давлат молларидан камбағал фуқароларгагина бериш халифанинг гарданидаги вазифадир.
Бугун мусулмонлар аҳволини ўнглаш учун ўз молларидан берадиган давлати ҳам, бу вазифани амалга ошириш учун масъул бўлган одил халифаси ҳам йўқ. Барча муаммонинг асл сабаби ҳам мана шу. Бу муаммо эса, Исломни ҳаётимизга қайтариш билангина ҳал бўлади. Бу иш барчамизнинг зиммамиздаги вожибимиз эканини тушуниш вақти аллақачон келган.
Ҳизб ут-Таҳрирнинг Ўзбекистондаги медиа офиси. Салоҳиддин
15.08.2019й
