Капиталистик тузумнинг ёш қурбонлари: 12 ёшли қиз зўрланиб, кейин ўлдирилди

بسم الله الرحمن الرحيم

31 январь куни Тошкент шаҳрининг Янгиҳаёт туманида зўрлик ва қотиллик аломатлари билан 12 ёшли қизнинг мурдаси топилди, дея хабар бермоқда Бош прокуратура матбуот хизмати.

Мазкур ҳолат юзасидан Янгиҳаёт тумани прокуратураси томонидан Жиноят кодексининг 97-моддаси 2-қисми «в, з» (айбдорга аён бўлган ожиз аҳволдаги шахсни номусга тегиш ёки жинсий эҳтиёжни зўрлик ишлатиб, ғайритабиий усулда қондириш билан боғлиқ ҳолда қасддан ўлдириш) бандлари билан жиноят иши қўзғатилган.

Юртимизни ларзага солаётган бундай воқеаларнинг кети узилмай қолди. Айиқ қафасига ўз фарзандини ташлаб юборган аёл, ўзи билан уч нафар фарзандини каналга чўктирган она, келинини бошини узиб ташлаган қайнота, ўз отаси ва акасини болта билан уриб ўлдирган ука, хотини ва 5 яшар ўғлини ўлдириб, сўнг ёқиб юборган эр… Бундай ваҳший жиноятларни санаб тугатиб бўлмай қолди. Энг афсусланарлиси шуки, бундай жиноятлар содир бўлгандагина маълум бир вақтга одамлар хушёр тортиб, қандайдир чоралар кўрилиши кераклиги ҳақида бонг уришади. Ҳукумат ҳам қандайдир чоралар кўргандек бўлади. Шу билан ҳаммаси унутилади, яна аввалги “стандард режимга”, яъни бепарволик ва ҳаракатсизлик ҳолатига қайтилади. Бу худди ухлаётган одамнинг қаттиқ шовқиндан уйғониб кетиб, сўнг қайтиб келиб яна ухлашга ётишига ўхшайди. Бугунги жамиятимиз ҳам уйқуда, у ора сира бўлаётган шовқинлардан уйғониб кетиб, бу шовқинларни кимдир тўхтатармикин, деб яна қайта уйқуга кетаверади. Шунда ҳам уйқусини қизғониб, пинак бузмай ухлаётганлар талайгина.

Яқинда содир бўлган ушбу даҳшатли жиноят борасида ҳам баъзи фаоллар ўз фикрини билдирган. Кимдир жазони кучайтириш керак деди, яна кимдир ҳамма ёққа камера ўрнатилиши зарур, деса, бошқаси жиноятни олдини олиш механизмлари ишлаб чиқилиши керак, деди. Тошкент шаҳри Оила ва хотин-қизлар бошқармаси эса, ота-оналарга мурожаат қилиб, фарзандларининг мактабга бориш-келишида ҳамроҳлик қилишни ҳамда доимо алоқада бўлишни сўраган. Бундай муҳокамаларда ҳар қандай кўз қарашни топишингиз мумкин, бироқ Ислом нуқтаи назарини топа олмайсиз. Аслида, энг катта муаммо мана шунда, яъни ҳар қандай замон ва маконда вужудга келадиган муаммога ечим бера оладиган Ислом Шариатига мурожаат қилмаслик. Бунинг сабаби шуки, ҳозирги тузумда дин ҳаётдан, демакки, давлатдан ҳам ажратилади. Дин шахсий масалага айлантирилган, инсонларнинг бир-бири билан бўладиган алоқаларига дин аралашмайди. Бироқ ўзини мусулмон ҳисоблаган инсон ҳар қандай воқеликка нисбатан Ислом Шариати нуқтаи назари қандай эканлигини ўрганиши ва буни бошқаларга ҳам етказиши лозим. Токи, динидан узоқлашиб кетган мусулмонлар барча муаммолар ечими ўз динида мужассам эканлигини тушунсинлар. Капиталистик тузум улоқтирилиб, Ислом Шариати давлат томонидан татбиқ қилинмагунича одамларга тинчлик ва хотиржамлик қайтмаслигини англасинлар.

Энди ушбу ваҳшийлик билан қилинган жиноят борасида Ислом тузумидаги ҳолат ҳақида қисқача фикримизни баён қиламиз. Жиноятчилик давлатнинг ички хавфсизлиги билан боғлиқ бўлиб, агар ички хавфсизлик таъминланмаса, одамлардан хотиржамлик кетади, доимий қўрқувда яшайдилар. Ислом тузумида бунга барҳам бериш учун, аввало, давлат мусулмонларда кучли Исломий ақидани шакллантиришга асосий эътиборни қаратади. Чунки давлат Исломни татбиқ қилишда биринчи ўринда шахснинг тақвосига таянади. Ҳаром ишларни қилишдан тийилишда шахснинг кучли тақвоси муҳимдир, агар тақво бўлмаса, ҳар қандай жазо турини қўллаш кутилган натижани бермайди. Бугунги татбиқ қилинаётган тузумларда айнан мана шу тақво омили ҳисобга олинмаган. Бунинг натижасида ҳукумат жиноятчиликнинг оқибатларига қарши курашишдан ўзга йўл топа олмаяпти. Қаердан ҳам топсин, ахир унинг ўзи Исломни ҳаётдан четлатишга уриниб ётган бўлса.

Ислом ақидаси ва унинг таълимоти мустаҳкам ўрнашган шахслар Аллоҳдан ҳайбатланган ҳолда ҳаром ишлардан тийиладилар, жумладан қотиллик жинояти Аллоҳнинг ғазабини келтирадиган жирканч ишлардан эканлигини яхши тушунадилар ва шунга амал қиладилар. Аллоҳ Таоло айтади:

مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا 

فَكَأَنَّمَا أَحْيَا النَّاسَ جَمِيعًا وَلَقَدْ جَاءتْهُمْ رُسُلُنَا بِالبَيِّنَاتِ ثُمَّ إِنَّ كَثِيراً مِّنْهُم بَعْدَ ذَلِكَ فِي الأَرْضِ لَمُسْرِفُونَ

 “Кимки бирон жонни ўлдирмаган ва ерда бузғунчилик қилиб юрмаган одамни ўлдирса, демак, гўё барча одамларни ўлдирибди ва кимки унга ҳаёт ато этса (яъни ўлдиришдан бош тортса), демак, гўё барча одамларга ҳаёт берибди”.                       (Моида:32)

Яна айтади:

وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

– “Ким бир мўминни қасддан ўлдирса, жазоси жаҳаннамдир. Унда мангу қолувчидир. Аллоҳ унга ғазаб қилади, уни лаънатлайди ва унга улкан азобни тайёрлаб қўяди”.       (Нисо:93)

Аллоҳнинг ушбу сўзлари Исломда инсон ҳаёти дахлсизлиги нақадар юксак даражада эканлигини кўрсатмоқда. Ва агар кимки шаръий сабабсиз шу чегарани бузадиган бўлса, у жуда оғир гуноҳга қўл уриши тўғрисида огоҳлантирилмоқда.

Шунингдек, Исломда жамият хавфсизлигини сақлаш борасида қаттиқ жазо чоралари қўлланади. Бировни ўлдирган ҳар бир киши ўз қилмишининг оғир жавобгарлигини кўтаради ва унинг иши ўша ўлган кишининг валийларига ҳавола қилиниб, улар қасос олиш ё товон олиш ё авф қилиш ҳуқуқига эга. Аллоҳ Субҳанаҳу айтади:

وَلَكُمْ فِي الْقِصَاصِ حَيَاةٌ يَاْ أُولِيْ الأَلْبَابِ لَعَلَّكُمْ تَتَّقُونَ

– “Сизлар учун қасосда ҳаёт бор, эй аҳли донишлар, шояд (жиноятлардан) сақлансангиз”.                                           (Бақара:179)

Ушбу мулоҳазалардан кўриниб турибдики, жиноятларнинг бош сабабчиси устимизда татбиқ қилинаётган динни ҳаётдан ажратишга асосланган бузуқ тузумдир. У ҳеч қачон жиноятларга барҳам бера олмайди. Ва унинг қурбонлари сони ортиб бораверади, хусусан фарзандларимизнинг ҳаёти хавф остида қолаверади. Ислом тузуми татбиқ қилинсагина ҳаётимизга тинчлик ва хотиржамлик қайтади.

Ҳизб ут-Таҳрирнинг Ўзбекистондаги матбуот бўлими аъзоси Форуқ

14.02.2023й