Эрдоған яҳудий вужудини босиб олиш билан таҳдид қилмоқда, аммо дарҳол ортга чекинмоқда!
Эрдоған яҳудий вужудини босиб олиш билан таҳдид қилмоқда, аммо дарҳол ортга чекинмоқда!
Ғазодаги уруш Туркия Президенти Эрдоған ва мусулмон мамлакатларидаги бошқа ҳукмдорларнинг иккиюзламачилигини яна бир фош қилди. Биз унинг оташин баёнотлари билан манипуляция қилганини, бу баёнотлардан сўнг дарҳол чекингани, ортидан ҳеч қандай жиддий чоралар кўрмаганлигини узоқ вақтдан бери тушунтирдик.
Эрдоған кўпинча ўзининг таҳдидли баёнотларини унутади, дарҳол яҳудий вужуди билан муросага келади ва у билан дипломатик муносабатларни нормаллаштиради, аслида эса бу муносабатлар ҳеч қачон узилмаган. У фақат вақтинча дипломатик муносабатларини камайтиради, аммо кейин ҳамкорликни яна давом эттиради.
2023 йилнинг 9 мартида у ўзининг президентлик саройида яҳудий вужуди Президенти Ицхак Герцогни тантана билан кутиб олди, 2023 йил сентябр ойида эса Нью-Йоркда Бош вазир Бенямин Нетаняҳу билан учрашиб, Исроилга ташриф буюришини ваъда қилди. Бироқ, 7 октябр куни “Ал-Ақсо тўфони” натижасида ҳарбий ҳаракатлар бошланиши бу режаларга тўсқинлик қилди ва ташриф бекор қилинди.
Яҳудийлар Ғазода ўн ой давомида оммавий қотилликларни давом эттирганига қарамай, Эрдоған бу душман вужуд билан муносабатларни узмади ва оғзаки таҳдидлар билан чекланди.
Унинг " Исроил ҳозир Фаластинда қилаётган ишини қилолмаслиги учун мамлакатимиз қудратини кучайтиришимиз керак. Қорабоғ ва Ливияга қандай кирган бўлсак, уларга ҳам шундай кира оламиз. Буни қилишимизга ҳеч нарса тўсқинлик қилмайди. Бундай қадамларни қўйиш учун биз кучли бўлишимиз керак", — деганида ҳақиқатан ҳам жиддиймиди?
Ҳақиқатан ҳам ким яҳудий вужудини тўхтатмоқчи бўлса, у билан барча муносабатларни батамом узиши, урушга тайёрланиши, Сурия орқали қўшин юбориши, Ўра ер денгизи орқали кемалар юбориши ва Ғазодаги мужоҳидларни қурол ва барча зарур ресурслар билан таъминлаши орқали яҳудийларни қамал қилиши керак.
Бу сафар ҳам, одатдагидек, Эрдоған ўз таҳдидларидан воз кечишни бошлади, аммо бу сафар жуда тез, икки кундан кейиноқ содир бўлди! Анқарадаги ўз партиясининг минтақавий раҳбарлари билан йиғилишда у шундай деди:
"Исроил Гитлер томонидан содир этилган жиноятлардан ҳам ўтиб кетадиган жиноятларни содир этмоқда. Ғазо дунёдаги энг катта ўлим лагерига айланди… Гитлер АҚШ ва Совет Иттифоқи томонидан кеч бўлса ҳам тўхтатилган эди. Ушбу қирғинлар ва шафқатсизликлар ҳам кеч бўлмасдан бутун инсоният Иттифоқи ёрдамида дарҳол тўхтатилиши керак" (Анадолу, 2024 йил 31 июл).
У Фаластин халқини қутқариш учун қандайдир хаёлий иттифоқнинг аралашувига чақирмоқда! Агар у Америка ва Ғарб давлатларини назарда тутаётган бўлса, унда уларнинг барчаси яҳудий вужудини қўллаб-қувватлайди ва ҳеч қачон мустамлакачилик урушларида, Афғонистон, Ироққа қарши босқинчиликларида ҳеч қандай инсонийлик кўрсатмаган. Агар у Россия ва Хитойни назарда тутаётган бўлса, улар миллионлаб мусулмонларни ўлдирган ва қийноққа солган Ғарб каби шафқатсиз кучлардир. Улар Фаластинни фақат ўз манфаатларига хизмат қилсагина ўйлашади, улар Ғарб мамлакатлари сингари яҳудий вужудини тан олишади ва унга босим ўтказиш учун ҳеч қандай чоралар кўрмайдилар. Эрдоған раҳбарлигидаги турк режими, бошқа Араб режимлари сингари, яҳудий вужуди билан муносабатларни нормаллаштиришга интилиб, уни қўллаб-қувватлашда давом этмоқда.
Агар у ўзини ўзи чақираётган хаёлий иттифоқнинг бир қисми деб ҳисобласа, унда бу иттифоқни яратиш йўлида қилиши керак бўлган биринчи нарса инсониятнинг бу шафқатсиз душмани билан муносабатларини узишдир. Кейин у дунёнинг барча мамлакатларини ушбу вужуд билан муносабатларни узишга чақириши керак ва бу иккинчи қадам бўлади. Лекин у ҳақиқатни гапирмайди, худди душманга қарши чиқаман деб пўписа қилганда ҳақиқатни айтмагани каби. Зеро у икки кундан кейиноқ таҳдидларидан қайтди.
Туркия инсониятнинг биринчи рақамли душмани бўлган ва Фаластинга босқинчилик қилган душманни мутлақ қўллаб-қувватловчи Америка билан Туркия ҳудудида АҚШнинг ҳарбий ва разведка базаларини ўрнатиш ҳақидаги келишувни бекор қилмай, бу базаларни ёпмаётган экан, демак у ҳақиқатни айтмаяпти.
Эрдўғон Американинг буйруғи билан Тоғли Қорабоғ ва Ливияга аралашди. 1990-йилларнинг бошларида арманларни ҳимоя қилиши учун Россияни Тоғли Қорабоғни босиб олиши учун урушга олиб келганидек, аммо бу сафар Aмерика маъносиз урушга кирмаслик учун бунинг аксини қилди. Ўз агенти Зеленский ҳокимият тепасига келиши билан Aмерика Украинада Россияга қарши уруш бошлади, чунки Зеленский Россияни ғазаблантириб Украина шарқидаги тарафдорларига ҳужумлар уюштира бошлади.
Эрдоған Ливияга Америка aгенти Хафтарни ҳимоя қилиш учун аралашди. Гарчи у Сараж ҳукуматини қўллаб-қувватлаган бўлса-да, буни фақат Хафтар кучлари жойлашган шарққа силжишининг олдини олиш учун қилди.
Эрдоған инқилобни бостириш ва шу кунгача Сурияда оммавий қотиллик содир этган америка агенти Башар Ассадни ҳимоя қилиш учун Сурияга аралашди. Эрдўғон илгари Асадни шафқатсиз қотил деб атаган эди, бугун эса Асад билан ярашишга чақира бошлади ва у билан учрашув уюширишга ҳаракат қилмоқда. У Асадга қарши барча таҳдидларидан, шунингдек, сурияликларга берган барча ваъдаларидан, масалан, Хамадаги воқеаларни такрорланишига йўл қўймасликка берган ваъдаларидан қайтди. Айни пайтда Асад эронлик иттифоқчилари, уларнинг тарафдорлари ва руслар билан биргаликда Суриянинг ҳар бир қишлоқ ва шаҳрида иккинчи ва ҳатто учинчи Хама воқеаларини уюштирди.
Агар Америка унга Ғазога аралашишни буюрмаса, уни аралашиши даргумон; Ва, эҳтимол, Америка унга бундай кўрсатма бермади, шунинг учун Эрдоған аввал таҳдид қилгани ва кейин одамларнинг ҳис-туйғуларини ўйнаб, орқага чекингани ўртага чиқди. Эҳтимол, Ғазодаги уруш тугагандан сўнг, Америка Туркияга яҳудий вужуди рози бўладиган маълум бир рол ўйнашига имкон бериши мумкин.
Бошқа мусулмон мамлакатларидаги ҳукмдорлар каби Эрдоғаннинг ўйинларини фош қилишимиз шахсий адоват ёки сиёсий рақобат ва унга қарши тарафда туриш мақсадида эмас. Аксинча, Аллоҳ Таолонинг амрига мувофиқ ҳақ сўзни ҳайқирмоқ ва энг фазилатли жиҳод шарафига эришиш учун золимнинг юзига айтиш учун қиламиз. Чунки у яҳудий вужудига оид сиёсий ўйинлари ва Сурия, Ливия, Озарбайжонга аралашуви билан мусулмонларга найранглар қилиб уларни адаштирмоқда ва уларни ишончини йўқотмоқда. Энди Американинг Нигер, Мали ва Буркина Фасодаги давлат тўнтаришларига аралашувида ҳам бу нарса яққол намоён бўлди. Бу унинг Афғонистондаги ҳаракатларида ҳам кўрилди, у ерда у Америка манфаатларига хизмат қилди, бунинг эвазига Туркия учун баъзи тижорат имтиёзларини олди ва шу билан ўз ҳокимиятини сақлаб қолди. Худди шу тарзда Эрдоған бошқарувни Аллоҳ нозил қилган нарсалар билан бошқаришдан узоқлаштириб, куфр бўлган дунёвийликни олдинга суради, Аллоҳга қулликка қарши курашадиган ва одамларга ўзлари ҳоҳлаган нарсани қилиш эркинлигини берадиган демократияни тарғиб қилиш эвазига мустамлакачининг манфаатларни амалга ошириш учун Америка йўналишида ҳаракат қилади.
Баъзи содда ва юзаки фикрлайдиган, ҳис-туйғулари билан бошқариладиган одамлар Эрдоғанга алданиб, унинг ҳар қандай ҳатти-ҳаракатига қарамай уни ҳимоя қилишди! Аммо унинг иккиюзламачилигини Ғазо уруши ва уни жиноятчи золим Башар Асад билан ярашиши ошкор қилганидан кейин ҳам у қотил Муҳаммад ибн Салмон ва жиноятчи Сиси билан ярашди, шундан сўнг, унинг юзидан барча ниқоблар тушди. Буларнинг барчасидан кейин, адашганлар, шахсий манфаатини кўзлаганлар ёки унинг билан ҳамфикр бўлганлардан бошқа ҳеч ким алданиб, уни ҳимоя қилмаслиги керак.
Дарҳақиқат, ҳар бир холис инсон бу ҳукмдорларни, уларнинг тизимлари ва конституцияларини ағдариши, мустамлакачи кофирлар билан алоқаларни узиши ва Пайғамбарлик минҳожи асосидаги Халифаликни барпо этиш учун тубдан ўзгартириш учун ҳаракат қилаётганлар билан кучини бирлаштириб, уларга қўшилиши, улар билан ишлаши, уларни қўллаб-қувватлаши, уларга ёрдам бериши керак, шунда Аллоҳнинг изни билан бундай кишиларга катта мукофот ва наим жаннати бўлади.
Асад Мансур
