Шимолий Ҳалабда Ҳизб ут-Таҳрир аъзоларидан бири қамоққа олинди ва бошқа бири ўғирлаб кетилди
بِسْمِ اللهِ الرَّحْمنِ الرَّحِيمِ
Матбуот баёноти
Шимолий Ҳалабда Ҳизб ут-Таҳрир аъзоларидан бири қамоққа олинди ва бошқа бири ўғирлаб кетилди
2017 йил 7 июл куни ўн нафар хавфсизлик кучлари, Сурон-Эъзоз қишлоғидан бўлган Ҳизб ут-Таҳрир-Сурия вилояти аъзоларидан бири Аҳмад Иётни варақа тарқатиши ортидан қамоққа олди. Варақа «Туркиянинг ҳарбий аралашувидан кўзланган мақсад, Шом қўзғолонини бўғизлаб, тугатишдир» сарлавҳа остида эди.
Варақада бундай сўзлар келган: «Турк режими ушбу муборак қўзғолон бошланган илк пайтлардаёқ Асад армиясидан бўлиниб чиққан зобитларни жиловлашга уринди, уларни худди қамоқлар каби чодирларда сақлади. Буни жанг майдонидан уларни узиб қўйиш, бинобарин, уларнинг қобилиятларидан фойдаланиш мақсадида қилди. Бундан ташқари, турк режими жангчи гуруҳларни ҳам жуда кўп йўллар билан ўзига оғдириб келди, асосан, ифлос сиёсий маблағ орқали ўзига оғдирди. Бу услуб гуруҳларни бўлиниб кетиши ва бир-бири билан қирпичоқ бўлишига катта ҳисса қўшди. Шунингдек, уларни ўз назорати остига олиб, фақат шу режим қарорлари билан ҳаракатланадиган қилиб қўйди. Бундай нопок ишлар оқибатида гуруҳлар шу илмоний режим ўзи истаган томонга йўллайдиган қуролга айланиб қолишди».
2017 йил 10 июл куни номаълум кимсалар Ҳизб ут-Таҳрир-Сурия вилояти аъзоси Изом Юсуфни ишдан қайтаётганида ўғирлаб кетишди. Сўраб, суриштирувдан сўнг бу икки йигитни қамоққа олишга берилган буйруқ Сурия шимолидаги турк армияси қўмондонлиги томонидан бўлгани аниқланди. Йигитларнинг қаерда сақланаётгани ҳанузгача номаълум.
Эй Ислом диёри маркази бўлмиш Шом заминидаги мусулмонлар!
Бундай золимона қамоққа олишдан, турк режимининг варақада айтилганидек ўзига хос роль ўйнаётгани ўз исботини топмоқда. Турк режимининг роли, Шом тоғутининг ўз мухолифларини бостириб, қамоққа ташлаш роли билан бир хил. Бундай қилмиш, америкалик хўжайинлари манфаатини таъминлаш ва Аллоҳ шариатини ҳукмрон қилишга даъват қилаётганларга қарши курашишдан ўзга ташвиши йўқ бир режим томонидан содир этилиши ажабланарли эмас, албатта. Ахир, 2017 йил 23 июн жума куни шом пайтида Ҳизб ут-Таҳрирнинг Туркия вилоятидаги собиқ расмий нотиғини ҳибсга олиб, Исломга даъват қилиш ва Пайғамбарлик минҳожи асосидаги рошид Халифаликни барпо этишга ҳаракат қилишдан ўзга айби бўлмаган бу биродарни ўн беш йилга озодликдан маҳрум этган мана шу режимку?!
Биз Ҳизб ут-Таҳрир-Сурия вилояти аъзолари шуни қайта таъкидлаймизки, Ҳизб ут-Таҳрир сиёсий ҳизб, у Шомда қўзғолондан олдин ҳам сиёсий фаолият олиб борган, қўзғолон пайтида ҳам олиб бормоқда. Бизнинг мақсадимиз аниқ-равшан, тариқатимиз белгили. Йигитларимиз дунёнинг турли давлатларида золим ҳукмдорлардан кўп зулму зўравонликларни тотдилар. Бу нарсалар бизнинг исломий ҳаётни қайта бошлаш мақсадимиздан чалғитолмаган ҳамда Росулуллоҳ САВ чизиб берган тариқатимиздан оғдиролмаган.
Қўллаб-қувватловчи давлатлар ва хўжайинлар талабига мувофиқ Ҳизб ут-Таҳрир йигитларини қамоққа олиш ва уларга куч ишлатиш, шунингдек, қамоққа олиш пайтида аёллар ва болаларни қўрқитиш, қамоққа олинганларни қаерда сақланаётганини яшириш, буларнинг барчаси мункар амаллардир. Бу ишга қўл урганларни айни мункардар қайтарамиз ва қамоққа олинганларни қаерда сақланаётганини маълум қилиб, озод этишга чақирамиз, Аллоҳ Азза ва Жалланинг шариатини ҳакам қилиш йўлида ҳаётларини гаровга қўяётган даъват аҳлига тазйиқ ўтказишни бас қилишга даъват қиламиз. Аллоҳ Таоло бундай деди:
فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ
«(Росулуллоҳнинг) амрига хилоф иш қиладиган кимсалар ўзларига бирон фитна-кулфат етиб қолишдан ёки аламли азоб етиб қолишидан эҳтиёт бўлсинлар!» [Нур 63]
Ҳизб ут-Таҳрир-Сурия вилояти матбуот бўлими
Skype: TahrirSyria
Электрон почта: media@tahrir-syria.info – ahmadabdalwahab2@gmail.com
Сурия вилояти расмий сайти: www.tahrir-syria.info
