Матбуот баёноти

Мактаблар ва ўқувчиларсиз янги ўқув йили!

Ишғол остидаги Ғарбий Соҳил ва Қуддусда янги ўқув йили бошланар экан, қирғинбарот уруш остида бўлган Ғазо сектори кўплаб мактабларининг вайрон этилгани ва қолган мактабларнинг бошпана марказларига айлантирилиши туфайли мактабсиз ва таълимсиз қолди.

Босқинчи яҳудий вужудининг Ғазода таълимга қарши уруши иккинчи йилига кирди. Ўтган ўқув йили Ғазо секторига қилинган қирғинбарот урушнинг биринчи кунлари билан якунланган эди. Уй-жойлари бутунлай вайрон этилганидан кейин ўн минглаб кўчирилганларга бошпана бўлган мактабларни босқинчи кучлар 11 ойдан бери мунтазам равишда нишонга олмоқда. Кўплаб мактаб ва университетлар – 122таси тўлиқ, 334таси қисман – вайрон қилинди. Ҳисоботлар шуни кўрсатмоқдаки, ўтган ўқув йилида 625 минг мактаб ёшидаги болалар, 80 минг университет талабалари тўлиқ ўқувдан айрилди. Шунингдек, 39 минг талаба кейинги курс учун имтиҳон топширишдан, 58 минг бола биринчи синфга кириш бахтидан маҳрум қолди.

Фаластин таълим вазирлигига кўра, яҳудий кучлари Ғазо секторидаги қатли омлар давомида 10 мингдан зиёд ўқувчи болалар ва қизларни қириб ташлади, 15 мингдан зиёдини ярадор қилди. 19 минг ўқувчи Ғазони ташлаб чиқишга мажбур бўлди. Вазирликнинг маълум қилишича, шаҳид бўлган ўқитувчи эркак ва аёллар 400 нафардан, шаҳид бўлган университет профессорлари ва тадқиқотчилар 110 нафардан ошди.

Уруш ўқувчиларнинг парталарга ўтириб, китоблар ўқиш ҳаётини, олов ёқиб овқат пишириш учун ўтин қидириш ёки оилалари учун емак ва сув қидириш ҳаётига ўзгартириб юборди. Босқинчилар парта ва китобларни вайроналар остига кўмиб ташлади. Оиладаги яқинлари ва уй-жойларидан айрилган ўқувчилар энди елкаларида китоб-дафтарлари солинган сумкаларини эмас, балки янги бошпанага кўчиш ва қатли ом даҳшатидан жонларини қутқариш учун мол-мулкларидан қолган зарурий ашёларни кўтарадиган бўлдилар.

Буларнинг барчаси иккиюзламачилик қилаётган ва ёрдамсиз қолдираётган дунёнинг, жумладан, ЮНИСЕФ ва болалар ҳуқуқини ҳимоя қилиш каби ташкилотларнинг кўз ўнгида бўлмоқда. Булар ҳамон болалар ҳуқуқи тўғрисида куйлашяпти. Ҳолбуки, болалар ҳуқуқи уларнинг наздида динга, оилага ва ота-онага исён қилишни англатади. Ғазодаги ҳодисалар эса, айни ташкилотларнинг на эътиборлари доирасига киради, на фаолиятлари!

Эй Ислом Уммати, эй Фаластин аҳли!

Таълим сиёсати ва ўқув дастурлари шундоқ ҳам Ғарбнинг таълимоти остида бўлиб, фаол ролга эга бўлмаса-да, бироқ яҳудийлар Фаластин аҳлини ҳатто энг кам таълимга эга бўлишини ҳам исташмаяпти. Геноцид ва жаҳолатга барҳам бериш учун урушни тўхтатишнинг ўзи етмайди ёки вайрон қилиш, қириш ва қочқинга айлантириш машинасини дарҳол тўхтатишнинг ўзи етарли эмас. Балки бунинг учун Ғазо, Қуддус ва бутун Фаластин озод этилиши керак. Бу эса, Аллоҳнинг шариатига биноан ҳукм юритадиган, фақат Аллоҳнинг аҳкомлари ва амр-фармонларига бўйсунадиган имом-халифа бошчилигидаги мусулмонлар қўшини билан амалга ошади. Ана шунда таълим Ислом ақидасига асосланади, у ўзининг қадр-қиммати ва ҳақиқий тараққиёт-уйғонишдаги ролини қайта тиклайди, мактаб ва ўқитувчилар Исломий давлатдаги Кисоий ва Шайбонийларнинг роли каби ўзларига муносиб обрў ва мавқега эга бўладилар. Уларнинг бу мавқеи Пайғамбарлик минҳожи асосидаги иккинчи рошид Халифалик соясида қайта тикланади. Росулуллоҳ ﷺ бундай марҳамат қилганлар:

«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

«Кейин Пайғамбарлик минҳожи асосидаги Халифалик бўлади». Мактаблар одамлар орасида Росулуллоҳ ﷺнинг суннатлари асосида фаолият юритади.

Ҳизб ут-Таҳрирнинг марказий матбуот бўлими аёллар қаноти