بِسْمِ اللهِ الرَّحْمنِ الرَّحِيمِ

Мусулмонлар янги йилни байрам қилишлари мумкинми?

Дунёга ўзининг қоидасиз жангларда қозонган кўплаб ғалабалари билан танилган Федор Емеляненко матбуотчиларга очиқчасига, ““Янги йил” мажусийлардан христианликка киргазилган байрам, мен бундай байрамни нишонламайман деб эълон қилди”. Ва айни вақтда, Элвира Суланахметова исмли муслима синглимизни янги йил мусулмонлар учун харомлигини гапиргани учун суд маҳкамасига тортилди.

Куфр олами дунё бўйлаб олиб бораётган салбчилик харакатларини ҳаётнинг ҳамма соҳасида жадаллик билан олиб бормоқда. Албатта, бу харакат инсонларнинг байрамларни нишонлаш амалларида ҳам ўзини кўрсатяпти.

Юқорида айтиб ўтганимиздек, мусулмонликка алоқаси йўқ одамлар янги йил ёки умуман бундан бошқа ҳар қандай куфр оламига тегишли кунлар, дунёқарашлар, маданиятлар, сиёсатлари ҳақида ҳар қанча гапирса, сўз эркинлиги, демократия деб қаралиб, агар шундай маънодаги гапларни мусулмонликка алоқаси бор шахслардан билинса, дарҳол уларни оммавий тарзда ижноятчи қилиб кўрсатиб, турли жазоларга тортилиб, имконият бўлган ҳар қандай тазйиқ берилмоқда. Бундай холат деярли дунёнинг аксар ерида бир ҳил хукм сурмоқда дейшимиз мумкин.

Дунёда мусулмонларнинг ахволи мана шундай хор ва зор холатда бўла туриб, ҳар куни дунёнинг қаеридадир, мусулмонлар шаҳрида бир неча мусулмонлар ўлдирилаётгани аниқ бўлгани холида, ҳар бир ўзини Аллоҳга иймон келтирган мўъминман, Аллоҳнинг إِنَّمَا الْمُؤْمِنُونَ إِخْوَةٌ – “Албатта, мўъминлар бир бирларига ака укадирлар, биродардирлар”. (Хужурот. 10) оятларига аниқ ишонганман, Пайғамбаримнинг مَثَلُ الْمُؤْمِنِينَ كَمَثَلِ الْجَسَدِ إِذَا أَلِمَ بَعْضُهُ تَدَاعَى سَائِرُهُ – “Мўминлар бамисоли битта жасад кабидирлар, агар унинг бирон аъзоси аламланса бошқа аъзолари бир-бирини унга ёрдамга чақиради”. (Ахмад ривояти) – деган гапларига амал қилишга Аллоҳ олдида аҳд берганман, деб хисоблаган ҳар қандай мусулмон учун, мана шундай аламли, азобли, тазйиқ ва зулмларга тўлган бир кунларда, аслида келиб чиқишининг асоси куфр аҳлининг байрамларига бориб тақалувчи кунларини байрам қилиб иншонлашга турли ботил фатволар топишга уринишларини қандай амал дейиш мумкин?

 Эй, мусулмонлар кўзингизни қачон очасиз?!

Куфр олами сизларни хоҳлаган турига олиб хорлаяпти, сизлар эса уларнинг сизларга берган фитнасини байрам қилишга йўл ахтариб ўтирган бир вақтингизда, сизларинг муслима сингилларингиз зўрланяпти, муслима оналарингиз, муслима қизларингиз хорланяпти, мусулмон биродарларингиз ўлдириляпти. Сизлар қиёмат куни ана шу муслима опа сингилларингиз ва мусулмон биродарларингиз олида тикка қилинмаслигингизга бирон далилингиз борми?

Рум сурасидаги оятлар Рум аҳли Форс аҳлидан ғалаба қозониши ҳақида ва ушбу ғалабадан мусулмонлар хурсанд бўлишлари мумкинлиги ҳақида эканлиги очиқ ойдинку?! Бу хурсандчилик билан янги йилни байрам қилиш ўртасида қандай ўхшашлик, ёки боғликлик, ёки иллат маълуллик жиҳати бор?

Кўпчлиги шариат илмларидан бехабар бўлгани учун, халқни ботил фатволар билан алдаш шаръан жоиз бўлдими?

Эй мусулмонлар олимлари! Бундай очиқ далолат билан маъно бериб турган оятларни ўз маъносидан буриб, умматни куфр ботқоғига ботириб, дин ниқоби остида, мусулмонларни янада хорланишига ёрдам беришингиз, мусулмонларни ўзлигини унутиб, кофирлар олиб келган, фисқу фужурга тўла бўлиши аниқ бўлган янги йил кунларини Ислом шариатига халол қилишга уринишларингиз қайси шариатга тушади?

Ёки, ушбу кунда мусулмонлар шариатга амал қилиб, турли ифлосликларни қилмай, спиртли ичимликларни ичмай, Қуръон тиловатию, таҳажжуд намозлари билан ўтказишлари дунёнинг бирон ерида кузатилганми?!

Ёки, дунёнинг бирон ерида, бирон дона кофир одам мусулмонларинг Хайит байрамларини шунақа нишонлашганини биронта одам кўрганми? Мусулмонлар кофирларинг байрамларини бундай оқлаб, улуғлаб кўзларига суртишларида нима мақсад, нима маъно бор?

Ёки, бутун дунё бўйлаб деярли ҳар бир соатда, биттадан мусулмон ўлдирилаётган, муслима оналаримиз, сингилларимиз зўрланаётган бугунги кунларимизда, бизлар ўзимизни мусулмонман, Аллоҳга ишонганман, дунёдаги барча мўъминлар менинг ака укаларим, опа сингилларим,  деб Аллоҳга аҳд берган, охиратда жаннатга умид қилаётган инсонлар, биродарларимиз шундай ахволларда хор бўлаётганини била туриб, кофирлар бизларни алдаш учун олиб келган, динимизга аслида умуман алоқаси бўлмаган кунларни байрам деб ўтиришимиз, Аллоҳга берган аҳдимизга – ака укалик, биродарлик аҳдимизга хиёнат эмасми?

عَنْ أَنَسٍ رضي الله عنه قَالَ قَدِمَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْمَدِينَةَ وَلَهُمْ يَوْمَانِ يَلْعَبُونَ فِيهِمَا ، فَقَالَ : مَا هَذَانِ الْيَوْمَانِ ؟ قَالُوا : كُنَّا نَلْعَبُ فِيهِمَا فِي الْجَاهِلِيَّةِ . فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا : يَوْمَ الْأَضْحَى ، وَيَوْمَ الْفِطْرِ

 Анас ибн Молик розяллоҳу анҳудан ривоят қилинади: “Расулуллоҳ соллаллоҳу алайҳи ва саллам Мадинага ҳижрат қилиб келганларида Мадиналикларнинг иккита байрами бор эди. Расулуллоҳ соллаллоҳу алайҳи ва саллам: “Бу қандай кунлар?” – деб сўрадилар. Мадиналиклар: “Биз жоҳилият даврида бу кунларда байрам қилар эдик” – дедилар. Шунда Расулуллоҳ соллаллоҳу алайҳи ва саллам уларга дедилар: “Аллоҳ сизларга бу икки кунни улардан кўра яхшироқ бўлган кунлар: Рўза ва Қурбон ҳайитига алмаштирди”.”

Ҳизб ут-Таҳрирнинг Ўзбекистондаги медиа офиси Муслим

30.12.2014й.