Матбуот баёноти

Ливан фронтини Ғазодан ажратиш бу босқинчи душман билан ярашиш ва муносабатларни нормаллаштириш сари ташланган қадамдир!

АҚШ давлат департаментининг собиқ ўринбосари Дэвид Хейл 2024 йил 7 октябр куни LBCI каналида эфирга узатилган «Twenty 30» дастуридаги нутқида бундай деди: «Энди бизда Ҳизбуллоҳнинг қуролсизланишини талаб қилиш ва Тоиф келишувидан бери бажармай келаётган нарсаларни ундан талаб қилиш учун реал имконият бор. Ливанликлар бирор режа ишлаб чиқишлари ва уни дунёга тақдим этишлари керак, аксинча эмас». Кейин «биринчи навбатда, 1701 сонли резолюция тўлиқ амалга оширилмаган ва унинг тафсилотларини манипуляция қилишга уринишлар бўлган», дея қўшимча қилди. Ўша куннинг ўзида жуда ғалати-кутилмаган баёнотлар пайдо бўлди, айрим мухолафат ва собиқ вакиллар Ливан фронтини Ғазо фронтидан ажратиш талаби билан чиқишди! Устига-устак, парламент спикери Набих Берри Эрон ҳизби раҳбари Ҳасан Насруллоҳ билан «ўлдирилишидан сал олдин сўнгги бор гаплашганимда у ўт очишни тўхтатишга қарши эмаслигини билдирган», дея баёнот берди! Ҳолбуки, Ливан бош вазири ҳам, парламент спикери ҳам, ташқи ишлар вазири ҳам, барчасининг сиёсий позициялари куни кеча икки фронтни бир-биридан ажратмасликка оид позициялар эди!

Шундан кейин 2024 йил 8 октябрда Эрон ҳизби бош котиби ўринбосари шайх Наим Қосим ўз баёнотида «Биз спикер Набих Берри томонидан олиб борилаётган сиёсий ҳаракатни қўллаб-қувватлаймиз, унинг асосий мақсади ўт очишни тўхтатишдир», деди. Сўнг «Агар ўт очишни тўхтатиш мавзуси йўлга қўйилиб, мавзу дипломатия даражасига етиб бора олса, қолган барча тафсилотлар муҳокама қилинади ва ҳамкорликда қарорлар қабул қилинади», дея қўшимча қилди.

Эй бутун Ливан аҳолиси!

Ҳеч ким шуни унутмасинки, яҳудий вужуди биздан қаттиқ нафратланадиган, тупроқларимиз ва бойликларимизга сўлаги оқаётган босқинчи душмандир. Бу вужуд пайдо бўлгандан буён бизга Ғарбнинг қуроллари билан, БМТнинг ниқоби ва резолюциялари орқали тажовуз қилиб келмоқда. Бугунги кунда Нетаняхудек бир қонхўр раҳбарлигидаги экстремист ҳокимият ҳимоясида бу вужуд қирғин, жиноят, кўчириш ва вайрон этиш… каби қилмишлар билан Ливан ва Фаластин қонига жуда чуқур кириб борди! Буларнинг барчасига сабаб, шу вужуд пайдо бўлгандан то бугунгача у ўз қаршисида на бир холис бошқарувимизни кўрди, на уруш қилиш қарори ўз қўлида бўлган армиямизни. Бас, бирортангиз бу вужуд билан тинч яшашимиз мумкин дея ҳаргиз ўйламасин. Чунки у шундай бир душманки, унга асло ишониб бўлмайди, у билан бирга ёки унга қўшни бўлиб ҳаргиз яшаб бўлмайди. Сиз нима қилинг-қилманг, унинг минтақада ўз нуфузини кенгайтириш мақсадига қаратилган ва хўжайинлари томонидан тузиб берилган кенг қамровли лойиҳалари бор. Ғарб давлатлари, хусусан АҚШ дохил хўжайинлари бу вужуддан минтақада гурзи ва полициячи сифатида фойдаланмоқчи. Сиз, ливанликлар, ўлган Шароннинг 1982 йилдаги қирғинини наҳотки унутдингиз, ахир, у тезкор операцияда ўттиз километрлик чегарадан нарига ўтмаслигини даъво қилган, аммо Ливан ва пойтахтигача бостириб кирганда эди-ку?!

Эй хусусан Ливандаги мусулмонлар!

Мустамлакачи кофир Ғарб ўрнатган сохта чегараларга ишониш ва амал қилишдан сақланинг. Бу чегаралар Ливанда ва минтақада сизнинг парчаланишингизга, шунингдек, Фаластин ва бошқа ерлардаги ўз аҳлингиз ва биродарларингизга ёрдам бера олмаслигингиз каби фалокатларга олиб келди. Чунки сиз дунёдаги мусулмонларининг ажралмас бир қисми ва ягона умматсиз. Дарҳақиқат, Росулуллоҳ ﷺ томонидан тузилган ва биринчи давлатингиз ва ҳазоратингизга асос бўлган Мадина ҳужжатида шундай дейилган:

«أُمَّةٌ وَاحِدَةٌ مِنْ دُونِ النَّاسِ… وَإِنَّ ذِمَّةَ اللهِ وَاحِدَةٌ، يُجِيرُ عَلَيْهِمْ أَدْنَاهُمْ، وَإِنَّ الْمُؤْمِنِينَ بَعْضُهُمْ مَوَالِي بَعْضٍ دُونَ النَّاسِ… وَإِنَّ سِلْمَ الْمُؤْمِنِينَ وَاحِدَةٌ، لَا يُسَالَمُ مُؤْمِنٌ دُونَ مُؤْمِنٍ فِي قِتَالٍ فِي سَبِيلِ اللهِ.. وَأَنَّكُمْ مَهْمَا اخْتَلَفْتُمْ فِيهِ مِنْ شَيْءٍ فَإِنَّ مَرَدَّهُ إِلَى اللهِ وَإِلَى مُحَمَّدٍ…»

«Ҳужжатни имзолаганлар бошқа одамлардан алоҳида Умматдирлар… Аллоҳнинг зиммаси (ҳимояси) ягонадир. Энг қуйи даражада бўлган мўминнинг (бировга берган) ҳимояси ҳам барча мўминларга жорийдир. Зеро, мўминлар бошқа одамлардан алоҳида бўлиб, бир-бирларига биродардирлар… Мўминлар ўртасида фақат битта тинчлик ҳукм суради. Ҳеч бир мўмин Аллоҳ йўлидаги бирорта урушда бошқа мўминлардан алоҳида битим имзолай олмайди. Сизлар нимаики нарсада ихтилоф қилсангизлар, уни Аллоҳ Азза ва Жаллага ва Муҳаммад ﷺга қайтариш (лозимдир)». Сиз икки миллиардлик Умматнинг бир қисмисиз. Шундай экан, бутун Шом юртларидаги, хусусан, муборак Фаластин заминидаги сизга энг яқин бўлган мусулмонларга қандай муносабатда бўлиш лозим?!

Эй мусулмонлар, эй мусулмон юртларидаги, хусусан, қўшни давлатлардаги исломий армиялар!

Ливан ва бошқа исломий юртлардаги ҳукмдорлар Ғарб буйруқ берган пайтда унинг режаларини амалга ошириш учун ҳокимият тепасига келтирилган. Уларнинг энг катта орзуси, босқинчининг қиличи остида бўлса ҳам, сизнинг қонингиз ва динингиз ҳисобига ўзларининг ҳокимиятдаги курсиларини сақлаб қолишдир. Шунинг учун Аллоҳ ғолиб қилгунича ёки шу йўлда ҳалок бўлгунимизча, биз сизга мана бу туб ечимни эслатишда давом этамиз: армиядаги ўғлонларингизни кутиш ва кузатиш ғуборини қоқишга, такбирлар билан Фаластин замини сари ҳаракатга келишга чорланг. Агар қаршиларига анави ҳукмдорлар чиқса, уларни супуриб ташлаб, ўрнига ортида туриб жанг қилишадиган ва у билан ҳимояланишадиган бошқа қўмондонни қоим қилсинлар. Ана шунда яҳудийларнинг қандай вайрон бўлишини ва Аллоҳ сизни улар устидан қандай ҳукмрон қилиб қўйишини ўзингиз гувоҳи бўласиз. Аллоҳ Таоло айтади:

﴿قَٰتِلُوهُمۡ يُعَذِّبۡهُمُ ٱللَّهُ بِأَيۡدِيكُمۡ وَيُخۡزِهِمۡ وَيَنصُرۡكُمۡ عَلَيۡهِمۡ وَيَشۡفِ صُدُورَ قَوۡمٖ مُّؤۡمِنِينَ ١٤ وَيُذۡهِبۡ غَيۡظَ قُلُوبِهِمۡۗ وَيَتُوبُ ٱللَّهُ عَلَىٰ مَن يَشَآءُۗ وَٱللَّهُ عَلِيمٌ حَكِيمٌ﴾

«Уларга қарши жанг қилинглар. (Шунда) Аллоҳ уларни сизнинг қўлингиз билан азоблайди, расво қилади ва сизга улар устидан нусрат беради ҳамда мўмин қавм дилларини қондириб, кўнгилларидаги ғам-андуҳни кетказади. Аллоҳ Ўзи хоҳлаган кишиларнинг тавбаларини қабул қилур. Аллоҳ билим ва ҳикмат соҳибидир»                                                                       [Тавба 14]

Ҳизб ут-Таҳрирнинг Ливан вилоятидаги матбуот бўлими