بِسْمِ اللهِ الرَّحْمنِ الرَّحِيمِ

Марказий Осиёни Ислом билан бирлаштириш хавфлими?

“Озодлик” радиосининг сайтида Россиядаги “Тожикистон меҳнат муҳожирлари” ташкилоти раиси Каромат Шарипов “Марказий Осиëни бир диний платформада ягона сиëсий тузумга” бирлаштириш таклифини Марказий Осиëнинг президентларига жўнатганлиги тўғрисида хабар тарқатди. Бундан ташқари бу фикрга муносабат билдирган Ўзбекистонлик демократия тарафдори, одамларни дин устида бирлаштириш утопия, хомхаёл деб атаган. Ва одамларни демократия ва маърифатга бирлаштириш керак, деган фикрни илгари сурган.

Энди инсонларни демократия ва маърифат ғоялари остида бирлаштиришга келсак, бу даъвони қилишдан олдин инсон демократия нима, маърифат нима аниқлаштириб олиш лозим.

Демократиянинг келиб чиқиш манбаси хақида гапириб ўтдик, бу ерда эса, бу тузум инсонларни бошқаришда жорий қиладиган тузумни оз даржада кўриб чиқсак.

Демократия – жамиятни инсонлар ўзлари ўйлаб топган қонунлар билан бошқарилиши керак бўлган, бу бошқарувга дин аралашмаслиги шарт қилинган ақидавий тузум. Бу тузум жамият бошқарувида инсонларга 4 та эркинликларни таъминлаб беради. 1. Шахс эркинлиги, 2. Мулк эркинлиги, 3. Фикр эркинлиги, 4. Эътиқод эркинлиги.

Бу эркинликларни ҳаётдаги хамма муаммоларга ечим берадиган тузум қонунияти, деб ишониш демократик фикр билан уйғониш бўлади. Хамма шу фикр билан уйғонса, демократияга бирлашган бўлади. Бу тузум бу эркинликларни жамиятда бир текисда ушлаб туриш учун, айнан ушбу тузумни жорий қилаётган тузум, бошқа тузумлар устидан хукмронликни қўлида ушлаб туриши зарур бўлади. Акс холда бошқа тузумлар унинг устидан ғолиб келиши мумкин. Яъни демократия фақатгина мустамлакалар йўли билангина ўзини ушлаб тура олади. Марказий Осиё эса, етакчи демократлар учун мустамлака бўлиб, уларнинг иқтисодини бу ердаги табиий захиралар хисобига таъминлаб туришга мажбур.

Айнан шунинг учун ер юзининг Ғарб ва Америкадан бошқа, деярли аксар қисмида диктаторлар бошқариб туради ва бу диктаторларнинг қилаётган ифлосликларини гапирилгани билан уларни хеч ким ва хеч қандай ташкилот жазога тортишни ўйламайди вахоланки бу иш билан шуғулланиши керак бўлган ташкилотлар етарлича. Сабаби бу диктаторлар Ғарбнинг мустамлакаларини улар учун хизмат қилдириб бериб туришлари керак.

Энди маърифат билан бирлашишга келсак, маърифат аслида нима?

Маърифат – илм, фан, ахлоқ, одоб кабилардир. Инсонларга бу омиллар билан бирлашиш кераклигини қандай қилиб тушунтириб бўлади. “Келинглар Марказий Осиё халқи хаммамиз илмли бўлайлик, ахлоқли бўлайлик, одобли бўлайлик.” – дейиш биланми? Марказий Осиё одамлари бу сўзларни тушунгандан кейин, бу тушунчалар устида бирлашиш қандай бўлади?

Марказий Осиёдаги таълим системасида нимани ўрганса бўлади? Бу ердаги таълимни олгандан кейин, қандай юксалиш мумкин? Бу ерда илмнинг нимаси қолган? Бу ҳудудга ушбу таълим системасини олиб кирган ва жорий қилаётган демократиями ёки бошқа бирон тузумми?

Ахлоқ – одобга келсак, бу мавзуда бу бечора демократлар ўзлари қаршилик қилаётган Исломга мурожаат қилишга мажбур, сабаби демократия тузумида, бу каби масалаларни тузум ишига арлаштирилмайди. Хўп бир илож қилиб ахлоқ – одобни одамларга сингдирилди хам дейлик, хамма ахлоқ одоб нормаларини ўзида жамлаган Марказий Осиё халқи ахлоқнинг қайси нуқтасига бирлашадилар?

Инсонларни бир фикрга, бир ақидага бирлаштириши мумкин бўлган ягона тўғри йўл – бу Ислом. Инсонлар фақатгина Ислом билангина тўғри уйғонишлари ва тўғри бирлашишлари мумкин холос. Ғарб оламининг бутун дунёни, хусусан Марказий Осиёни Ислом тушунчаси билан бирлашишига қаттиқ қаршилик қилиши ва уни хатарли, деб санаши юқоридаги хавфдан, яъни агар мусулмонларни Ислом тушунчаси билан бирлашишларига йўл қўйилса, мустамлакачи кайфиятидаги демократик тузумнинг мағлубиятга учрашига тўғри келади, демократия эса, ўзини сақлаб қолиш учун бунга жон – жаҳди билан қаришилик қилиши табиий.

Куфр оламни мусулмонларнинг айнан шундай бирлашишидан қаттиқ қўрқмоқда буни мусулмонлар тушуниб етишлари керак.

وَأَطِيعُواْ اللّهَ وَرَسُولَهُ وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللّهَ مَعَ الصَّابِرِينَ

“Аллоҳга ва Унинг Расулига итоат қилинг. Бир – бирингиз билан низога борманг, агар шундай қилсангиз парокандаликка учрайсиз ва куч-қувватингиз кетади. Ва сабр қилинг. Албатта, Аллоҳ сабр қилгувчилар биландир.” (Анфол. 46)

Ҳизб ут-Таҳрирнинг Ўзбекистондаги медиа офиси Муслим

18.01.2014й.