Эфиопия ҳукумати воизи: «буюк» Уйғониш тўғони масаласида сусткашлик кетмайди
Роя газетаси:
Эфиопия ҳукумати воизи: «буюк» Уйғониш тўғони масаласида сусткашлик кетмайди
Эфиопия ҳукумати воизи Гетачью Реда Нил дарёси устидаги Уйғониш тўғони лойиҳаси бўйича қурилиш ишлари давом эттирилишини таъкидлар экан, буни «сусткашликни қабул қилмайдиган буюк миллий суверинитет» лойиҳаси дея сифатлади. У яна «шунга қарамай, Аддис-Абеба дарёнинг қуйи қисми давлатлари бўлган Миср ва Судан билан ўзаро ишончни мустаҳкамлаш учун музокарага киришди», дея айтиб ўтди.
Реда «Онадўли» ахборот агентлиги билан ўтказган суҳбати чоғида «Айни тўғон қурилиши Миср ва Судан манфаатларига хизмат қилишини, уни сув билан тўлдириш мавзуси ҳам қурилиш ишларидан бир қисмига кириши»ни айтди. Кейин «тўғоннинг пухталигига Эфиопиянинг ишончи комиллигини, чунки лойиҳани амалга оширувчи компания халқаро савиядаги ўткир мутахассис компаниялардан» эканини таъкидлади.
Кейин «Гарчи тўғон миллий суверинитетга эга Эфиопия ерида бунёд этилаётган бўлсада, биз ишончни мустаҳкамлаш учун дарёнинг қуйи қисми давлатлари билан сўзлашувга киришдик», деди. Унга кўра, «Эфиопия учала давлат техник комиссияси ёрдамида ҳамда Уйғониш тўғонини ўрганаётган халқаро ширкатлар орқали аниқ, тиниқ маълумотлар тақдим этган» эмиш.
Шунингдек, Реда Эфиопия билан дарёнинг қуйи қисми давлатлари ўртасида манфаатлар зиддияти йўқлигини алоҳида урғулар экан, жумладан бундай деди: «Судан билан бизнинг ўртамизда стратегик ҳамкорлик мавжуд. Миср билан ҳам айни шу ҳамкорликни бошлашга ҳаракат қиляпмиз. Диалог орқали ҳар қандай зиддиятларни енгишимиз мумкин». (Онадўли ахборот агентлиги).
Роя газетаси шарҳи:
Эфиопия ҳукумати воизининг Уйғониш тўғонини «сусткашликни қабул қилмайдиган буюк миллий суверинитет», лойиҳа дея баҳолаганидан Эфиопиянинг тўғонни қуриш орқали дарё сувининг асосий қисмига эга бўлишга доир ҳамда Нил сувлари билан боғлиқ асосий кўз-қараши кўриниб турибди. Бу эса Миср ва Судан ҳукмдорлари эгаллаган шармандали позициядан фарқ қилади. Чунки икки юртдаги мусулмонлар манфаатига бефарқ қараш бу ҳукмдорларнинг одатига айланиб қолган. Мана шу нарса Эфиопияни Миср ва Судан билан музокарага киришганини миннат қилишга ундади. Ҳолбуки, Эфиопия томонидан тўғон қурилиши Миср ва Суданга улкан зарар келтиради, улар Нил дарёси сувларидан бўлган улушларининг катта қисмини йўқотади. Таъкидлаш жоизки, Эфиопия музокараларни атайин пайсалга солиб келмоқда. Бу билан тўғон қурилиши ишларини тезроқ ниҳоясига етказиб олиш учун иложи борича вақтни чўзмоқчи бўляпти. Бу тўғрида Судан ирригация вазирлигининг собиқ вакили Ҳайдар Юсуф бундай деди: «Музокара амалиёти маваффақиятсиз чиқиши учун уни қайта-қайта такрорлаш Эфиопия стратегиясидир. У тўғон бўҳронини енгиш учун қасддан шундай қилмоқда».
Роя газетасининг 2016 йил 20 январ чоршанба кунги 61-сонидан
