Хабар ва изоҳ

Мабдаий Исломга “Ислом” шиори билан қарши кураш

بِسْمِ اللهِ الرَّحْمٰنِ الرَّحِيمِ

Хабар: Президент Администрацияси раҳбари Саида Мирзиёева Қоҳирада Миср бош имоми, “Ал-Азҳар” мажмуаси раҳбари шайх Аҳмад Муҳаммад Таййиб билан учрашди. Учрашув чоғида маърифатли ислом ғояларини тарғиб этиш ва ёшларни радикаллашувдан ҳимоя қилишда яқиндан ҳамкорлик қилиш муҳимлиги қайд этилди.

Изоҳ: Аслида бу учрашув Ислом минтақасидаги икки режим – Қоҳира ва Тошкентнинг бир хил мақсад билан бир нуқтада учрашганини кўрсатади, яъни Исломни сиёсий ҳаётдан четлатиш, уни “мўътадиллик” қолипида сақлаш ва Умматни ўзлигига қайтишидан, ҳақиқий уйғониш йўлидан узоқлаштириш.

Бир вақтлар Ал-Азҳар Исломнинг қалъаси эди. У ердан Иззуддин ибн Абдуссаломлар етишиб чиққан, шунингдек, у султонлар юзига ҳақиқатни айтадиган мужоҳид уламолар минбари бўлган. Наполеон босқинига қарши курашда ҳам айнан Ал-Азҳар қўзғолонлари бошланғич тугун бўлганига тарих гувоҳлик беради. Бироқ Халифалик қулатилиб, исломий юртлар устидан ҳукмронлик мустамлакачи кофир давлатлар қўлига ўтгач, Ғарб Ал-Азҳарни Али Абдулрозиқ каби агентлари ёрдамида фикрий ифлослантириш орқали забт этди. Натижада Ал-Азҳар Ғарбнинг сиёсий режаларига хизмат қилувчи “ўрта йўл” (васатийя) ва “диний бағрикенглик”ка минбарлик қиладиган “мўътадил ислом” платформасига айлантирилди.

Шунга кўра, Саида Мирзиёеванинг Аҳмад Тоййиб билан учрашувидан кўзланган мақсад – Ислом ва мусулмонларнинг манфаати эмас, балки Исломнинг сиёсий қувватини заифлаштириш экани яққол кўринади.

Бугунги кунда ўзбек режими бир томондан, Ислом омилини назорат қилишни истайди, иккинчи томондан эса, халқнинг эътиқодий кайфияти кучаяётганини, исломий сиёсий онги юксалиб бораётганини яшира олмайди. Шунинг учун Саида Мирзиёеванинг Қоҳира ташрифи ортидаги реал сиёсий манзара шуки, ўзбек режими ва унинг ортида турган АҚШ каби мустамлакачи кучлар минтақада сиёсий Ислом омилини ҳисобга олиб иш кўришга мажбур бўлмоқда. Зеро, халқ орасида исломий қадриятлар кучаймоқда, давлатнинг мафкуравий сиёсатини андозалаш борган сари қийинлашиб, “мўътадил Ислом” шиорлари халқнинг ишончини қозона олмаяпти. Бу шароитда ўзбек режими Ғарб белгилаб берган “муросасоз Ислом” концепциясини узоқ сақлай олмайди. Шу боис, Ал-Азҳар каби марказлар билан ҳамкорликни кучайтириши мафкуравий фронтда ўзини қувватлантиришга уринишдир.

Хулоса шуки, куфрбоши Америка ва барча режимлар Умматнинг уйғониши ва Халифаликка даъват янада кучайиб бораётганидан хавотирга тушмоқдалар.

Ал-Азҳар ва ўзбек режими ўртасидаги ҳамкорлик илм ва маърифат ҳамкорлиги эмас, балки “маърифатли Ислом” ниқобида сиёсий Исломни сўндиришга қаратилган стратегия бўлиб қолмоқда.

Бугун Умматнинг ҳақиқий эҳтиёжи эса, Исломни ҳимоя қиладиган, ҳақни айтадиган, золимни тўхтатадиган минбарлар ва шунингдек, Умматни мафкуравий қарамликдан озод қиладиган чинакам сиёсий етакчиликдир. Айни дамда, бу етакчилик ўз аҳлини алдамайдиган Ҳизб ут-Таҳрирдир. Демак, Иккинчи Рошид Халифалик давлатини тиклаш йўлида у билан ҳамкорлик қилиш ҳар бир мусулмоннинг вожибидир. Аллоҳ таоло айтади:

يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ

– “Эй мўминлар, Аллоҳ ва Унинг Расули сизларни абадий ҳаёт берадиган нарсага (яъни ҳақ йўлга) даъват қилар экан, уни қабул қилинглар”. (Анфол:24)

Ислом Абу Халил, Ҳизб ут-Таҳрир Марказий медиаси радиоси учун – Ўзбекистон