بِسْمِ اللهِ الرَّحْمٰنِ الرَّحِيمِ

Яҳудий вужуди Сурия режимидан нима хоҳламоқда?

Хабар: Яҳудий вужуди Сурия жанубига қарши тажовузларини давом эттирмоқда. Унинг кучлари 2026 йил 28 июн куни Даръа вилоятининг ғарбидаги Ярмук ҳавзаси ҳудудида жойлашган Обидин қишлоғига ҳаво зарбалари берди. Бу ҳужумлар яҳуд кучлари томонидан амалга оширилган ҳарбий амалиёт ҳамда улар билан тўқнашувга киришиб, ҳалок бўлган икки нафар маҳаллий қишлоқ турғунининг ўлимидан бир кун ўтиб содир бўлди. Бунинг ортидан қишлоқ аҳолиси ўртасида ўз уйларини ташлаб қочиш (кўчиш) тўлқини бошланди. Сурия режимининг заифлиги ва ожизлиги фонида яҳуд кучлари ўз тажовузларини ҳануз давом эттирмоқда; режим эса фақат қоралаш билан кифояланиб, ушбу тўхтамаётган ҳужумларга нисбатан ҳеч қандай амалий жавоб қайтармаяпти.

Изоҳ: “Сежилл” маҳаллий мониторинг маркази ўтган июн ойи давомида яҳуд кучлари томонидан Қунайтира ва Даръа вилоятларида содир этилган 300 га яқин ҳарбий амалиёт ва чегара бузилиши ҳолатларини кузатиб, ҳужжатлаштирди ва ушбу қонунбузарликлар давомида 79 марта (Сурия ҳудуди ичкарисига) суқилиб кириш, 28 марта рейд (тинтув/бостириб кириш) ва маҳаллий аҳолини ҳибсга олиш билан боғлиқ 13 та ҳолат қайд этилган. Сурия режими эса, одатдагидек, фақат қоралаш билан кифояланди. Хусусан, мамлакат Ташқи ишлар вазирлиги 2026 йил 28 июн куни эълон қилган баёнотида шундай деди: “Сурия Араб Республикаси Исроилнинг Қунайтира ва Даръа вилоятларида Сурия ҳудуди ичкарисига суқилиб кириши ҳамда ушбу минтақани артиллерия снарядлари билан нишонга олишида намоён бўлаётган тажовузларини энг шиддатли сўзлар билан қоралайди. Бу ҳаракатлар Сурия суверенитети ва унинг ҳудудий яхлитлигини очиқдан-очиқ поймол этиш ҳисобланади”.

Яҳудий вужуди Сурия жанубидаги тажовуз ва истилосини давом эттириш қарорида қатъий эканини таъкидламоқда. Хусусан, унинг уруш (мудофаа) вазири Исраэль Кац 2026 йил 25 июн куни шундай деди: “”Исроил” ўзига нисбатан ҳар қандай таҳдиднинг олдини олиш учун, худди Жанубий Ливан ва Ғазо секторида бўлгани каби, Сурия жанубидаги хавфсизлик ҳудудида ҳам чекланмаган муддатга қолади”. У ўз тажовузини оқлаш учун: “Қўшинларимиз Сурия жанубидаги хавфсизлик ҳудудида бир қанча қуролли террорчиларни йўқ қилди”, деган даъвони илгари сурди.

Аслида эса, яҳудий вужуди ўзига бўлган ҳар қандай хавфни бартараф этиш баҳонасида Сурияда қурол кўтарган барчани йўқ қилмоқчи! У Сурия халқининг таслим бўлишини ва қуролларини топширишини истамоқда. Бу истак Аҳмад Шараа режими “Исроил” армиясига қарата битта ҳам ўқ узмай, унинг қаршисида тиз чўкканидан (бош эгганидан) кейин янада кучайди. Ҳатто бу янги режим 2026 йил 6 январь куни Париж шаҳрида АҚШ ҳомийлигида икки кун давом этган музокараларда “Исроил” билан ўзаро англашув битимларини тузди. Музокаралар якунида эълон қилинган қўшма баёнотда: “Тезкор разведкавий мувофиқлаштириш ва кескинликни юмшатиш учун алоқа маркази сифатида қўшма интеграция механизмини яратиш, шунингдек, ушбу қўшма механизм АҚШ назорати остида дипломатик ва тижорий алоқаларни йўлга қўйишни ҳам ўз ичига олиши” маълум қилинди (Анадолу агентлиги, 2026/1/7).

Аслида яҳудий вужудида ҳеч қандай жасорат йўқ, лекин у қаршисида ожизлик ва қўрқоқлик кўрсатган кимсаларга таҳдид қила олади. Бу худди Ислом ва мусулмонларнинг душмани бўлмиш Америка билан тил бириктирган Сурия режими раҳбарларининг ҳолатига ўхшайди. Ваҳоланки, Америка яҳудий вужудига ҳомийлик қилади, унинг омон қолиши ва кучайиши учун туну кун қайғуради. Мақсад — ушбу вужудни минтақа устидан ҳукмрон қилиб, минтақанинг озод бўлиши ва Исломнинг қайта ҳокимиятга келишига йўл қўймаслик. У шунинг учун уни ўзининг ифлос воситаси сифатида ушлаб турибди. Америка ўзига эргашган кимсаларга гўёки муаммоларни ҳал қилиб бериш ваҳмини (хомхаёлини) сингдиради, ҳолбуки, яҳудий вужуди айнан Американинг изни ва хоҳиши билан ҳаракат қилади. Шундай экан, Сурия режими бундан кейин ҳам Американинг ваъдаларига қандай қилиб ишонмоқда?! Унинг ваъдаларига ишонган кимса худди шайтоннинг ваъдаларига ишонган кабидир:

﴿وَمَا يَعِدُهُمُ الشَّيْطَانُ إِلَّا غُرُوراً﴾

«Шайтон уларга фақат алдовнигина ваъда қилур» (Нисо, 120).

Америка 2026 йил 26 июнь куни яҳудий вужуди билан Ливан режими ўртасида ушбу вужуднинг  минтақадаги мавжудлигини расман тан олувчи битим тузди. Бу келишув “Исроилнинг суверен давлат сифатида тинч-тотув яшаш ҳуқуқини эътироф этишга асосланган ҳолда, низога бутунлай барҳам беришнинг кенг қамровли асосларини” белгилаб беради. Шунингдек, ҳужжатда “ўтиш даврини бошлаш учун тажриба ҳудудларини ташкил этиш ҳамда (Ливанни) қайта тиклаш ишларини Эрон партияси (Ҳизбуллоҳ)нинг қуролсизлантирилиши ва унинг ҳарбий тузилмалари тугатилиши шартига боғлаш” кўзда тутилган.

Шуниси аниқки, Фаластин заминини босиб олган бу вужудни ҳеч қанақасига  қонуний деб тан олиш мумкин эмас. Лекин бошқа мусулмон юртларининг бошлиқлари сингари, Ливан ҳокимлари ҳам бу хиёнаткорлик кўчасига киришни ўзига доимий шиор қилиб келмоқда.

Яҳудий вужудининг Сурия жанубидаги тажовузкорликни кучайтираётгани ҳам айнан шу контекстда намоён бўлмоқда. Зеро, у Сурия режими билан ҳам худди шундай битим тузишни кўзламоқда; Америка эса Сурия режимини ҳам худди Ливан режими каби бўйин эгдириш мақсадида унга тажовузлар содир этишни буюрмоқда. Иддао қилинишича, у янги Сурия режимининг яҳудий вужуди билан тезкор разведкавий мувофиқлаштириш ва кескинликни камайтириш учун қўшма алоқа бўғини сифатида “қўшма интеграция механизми” тузишни назарда тутувчи хорлик ва таслимият оҳангидаги ён беришлари билангина чекланиб қолмоқчи эмас. Ушбу қўшма механизм Америка шофелигида дипломатик ва тижорий алоқаларни ҳам ўз ичига олади. Бундан ташқари, у яҳудий вужудини тан олиш ва суверен давлат сифатида тинч-тотув яшашни назарда тутувчи расмий битим имзоланишини истамоқда.

Аслида, 1948 йилда яҳудий вужуди ташкил топганидан буён Американинг бош мақсади айнан шу бўлиб келган: минтақадаги барча режимларни уни тан олишга мажбур қилиш, шу орқали унинг мавжудлигини абадийлаштириш ва Фаластиннинг ўз мусулмон эгалари қўлидан буткул бой берилишига эришишдир. Шунингдек, ушбу вужудни ўзига бўйсунмай бош кўтарган ёки буйруқларига қарши чиққан кимсалар устига қўйиб юборадиган қутурган итига айлантириш ҳам унинг аслий ғоясидир.

Башар Асад қочиб кетганидан кейин, унинг ўрнига 2024 йил 8 декабрда Аҳмад аш-Шараа тайинланганидан буён яҳудлар содир этган тажовузлар сони қарийб 2108 тага етди. Сурия режими эса ҳар гал худди Башар Асад режими каби фақат қоралаш ва Хавфсизлик Кенгашига шикоят қилиш билангина кифояланмоқда! Бироқ, буниси ундан-да тубанроқ хорлик намойиш этиб, ҳатто Асаднинг “Биз тегишли вақтда жавоб қайтариш ҳуқуқини ўзимизда сақлаб қоламиз” деган машҳур иборасини ишлатишга ҳам ярамаяпти!

Кўриниб турибдики, Аҳмад аш-Шараа на муносиб ва на номуносиб вақтда жавоб қайтариш ҳақида ўйлаётгани ҳам йўқ. Зеро, у хорлик қадаҳини сипқариб, мастликнинг энг тубан чуқурлигига етган. Унинг бу ҳолатида шоирнинг ушбу оташин сўзлари ўз тасдиғини топмоқда:

Хорликка кўнган кимсага, хор бўлмоқлик осондир,

Ўлик танга жароҳатдан, на азоб, на фиғондир!

Зеро, кимки хорлик ва залолатга чидаб яшаса, бора-бора унга кўникиб қолади ва худди тиғ тегса-да, оғриқ сезмайдиган ўликка айланади. Бу режимнинг малайлари эса уни оқлаш учун Аллоҳ ҳеч қандай ҳужжат ва далил туширмаган пуч, асоссиз баҳоналарни рўкач қилиб, жон куйдиришда давом этмоқдалар.

Кимки ўз аҳли-аёли, номуси ва диёрини ҳимоя қилиб, оёққа қалқмас экан, у яшашга нолойиқдир. Бундай кимсаларни на ҳақиқий эр йигитлар ва на номусли, ғайратли аёллар қаторига қўшиб бўлади. Кимда-ким куфр аҳли ҳузуридан азизлик изласа, улардан ўзини ҳимоя қилишни ва ҳаққини ундириб беришни сўраса, шубҳасиз, очиқ-ойдин зиёнга учрабди. Аҳмад аш-Шараа ҳам орқасини Анқарадаги хўжайини Эрдўғонга, Вашингтондаги хўжайини Трампга суяб, уларга сўзсиз бўйин эгди. Унда ўз иродасидан асар ҳам қолмади ва у худди бир қулга айланди. У Сурия халқининг Аллоҳнинг шариатини ҳакам қилиш ҳамда Фаластин ва Жўлон тепаликларини озод этиш учун жиҳод эълон қилишдек бош талабидан воз кечиб, уларни биринчи бор мана шундай хорликда қолдирган эди.

Мўмин киши асло хор бўлмайди ва ўз душманлари қаршисида тубанликка рози бўлмайди, зеро бу унинг иймонига нуқсон етказади. Сурия инқилобидаги мўминларнинг шиори ҳам: “Хорликдан кўра ўлим афзал!” эди; Аҳмад аш-Шараа ва унинг тоифасидагиларнинг бугунги аҳволини ифодаловчи “Ўлимдан кўра хорлик афзал!” деган тубанлик эмас! Буюк Аллоҳ Ўз оятида нақадар тўғри марҳамат қилган:

﴿وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لَا يَعْلَمُونَ﴾

«Ҳолбуки, азизлик (куч-қудрат, шараф) Аллоҳники, Унинг Расулиники ва мўминларникидир. Лекин мунофиқлар (буни) билмайдилар». (Мунофиқун, 8)

Асъад Мансур

Ҳизб ут-Таҳрир Марказий Матбуот бўлимининг радиоси учун