Африка муаммоларини фақат Ислом ҳал қилади

Гана пойтахти Аккра шаҳрида чоршанба ва пайшанба кунлари (2026 йил 21 ва 22 июль) соғлиқни сақлаш масалаларига бағишланган Африка саммити бўлиб ўтди. Унда соғлиқни сақлаш соҳасидаги мустақилликни мустаҳкамлаш, тиббий ёрдам билан тўла қамраб олишга эришиш, хусусан, 2030 йилга бориб ОИТС (СПИД) ва сил касалликларини бартараф этиш бўйича қитъа миқёсидаги ҳаракатларни жадаллаштириш, шунингдек, оналар ўлимини камайтириш ва Африкада дори-дармонларни маҳаллий даражада ишлаб чиқаришни кенгайтириш масалаларига урғу берилди.

Шу муносабат билан Ҳизб ут-Таҳрирнинг Марказий матбуот бўлими томонидан чиқарилган матбуот баёнотида таъкидланишича, саммитда муҳокама қилинган масалаларга назар ташлаган киши, бу ҳолатлар капиталистик тузумнинг табиий оқибати эканини кўради. Бу ҳам капитализмнинг Африка ва бошқа жойларда татбиқ этилиши, ҳам йирик капиталистик давлатларнинг Африка мамлакатларини мустамлака қилиб келаётгани оқибатидир. Африка Иккинчи жаҳон уруши тугаганидан бери, хусусан ўтган асрнинг 60-йилларидан бошлаб йирик капиталистик давлатлар ўртасидаги мустамлакачилик рақобати авж олгани сабабли ушбу мустамлакачиликдан бошқа ҳаммадан кўра кўпроқ азият чекади.

Матбуот баёнотида Африка қитъасининг бойликлари ва уларнинг қандай талон-тарож қилинаётгани санаб ўтилиб, шундай дейилади:

«Африка дунёдаги энг бой қитъалардан бири бўлиб, айниқса сув, қишлоқ хўжалиги, ўрмонлар, қимматбаҳо ва стратегик маъданлар, шунингдек, нефть ва табиий газга бой экани маълум. Аммо бу бойликлар ўз аҳолисининг мулки бўлиш ўрнига мустамлакачи давлатларнинг ўлжасига айланди ва натижада унинг халқлари дунёдаги энг қашшоқ халқларга айланди. Шу билан бирга, улар жаҳолат муаммосидан ҳам азият чекдилар, айниқса Ислом ҳукм сурмаган давлатларда. Бунинг оқибатида миллионлаб инсонларнинг ёш жони мустамлакачи капиталистик давлатлар ўртасидаги низоларнинг ўтини ёқиш учун қурбон қилинди».

Баёнотда Африка азият чекаётган муаммоларнинг туб сабаби дунёни ўз тасарруфига олган капиталистик тузум экани таъкидланиб, шундай дейилди:

«Дунёдаги энг катта офат — бу Африка ва бошқа ўлкаларнинг бойликларини талаб, у ерда шахсий эркинликларни муқаддаслаштирган ва ўзининг малайларини бошқарувга олиб келиб, улар орқали ўз режаларини амалга ошираётган мустамлакачи капиталистик тузумдир… Бойликларнинг талан-торож қилиниши даҳшатли қашшоқликни келтириб чиқарди. Шахсий эркинликларнинг муқаддаслаштирилиши ОИТС каби ҳалокатли касалликларни пайдо қилди. У ерга малайларнинг тайинланиши эса соғлиқни сақлаш, фуқаролар манфаатини муҳофаза қилиш соҳаларининг издан чиқишига ва ўта қашшоқликка олиб келди».

Африка ушбу аччиқ воқеликдан халос бўлиши учун нима қилиши кераклиги ҳақида матбуот баёнотида шундай дейилади:

«Африка ушбу аччиқ воқеликдан халос бўлиши учун тўғри мабдани (мафкурани) қабул қилишдан ўзга чораси йўқ. Ва ягона тўғри мабда — бу Исломдир. Фақат Ислом билангина унинг фарзандларида онг даражаси юксалади ва у мустамлакачиликдан халос бўлади. Ислом орқали ҳақиқий уйғонишга эришади ва малай ҳокимлардан қутулади. Ислом орқали унинг барча муаммолари ҳал бўлади ва талан-торож қилинган бойликлари қайтарилади».

Баёнот сўнггида шундай дейилади:

«Ҳизб ут-Таҳрирнинг Марказий матбуот бўлими Африка аҳлига, уларнинг зиёлиларига, фикр эгалари ва таъсир ўтказувчи шахсларига Ислом мабдасини, инсон ақлини қаноатлантирадиган ва табиатига мос келадиган тўғри ақлий ақидасини ҳамда шу ақидадан келиб чиқадиган низомини таклиф этади. Уларни ушбу мабдани қабул қилишга, Африканинг турли давлатларида унга нисбатан жамоатчилик фикрини шакллантиришга ва ҳар томонлама ҳақиқий уйғонишга эришиш учун ҳаракат қилишга чақиради. Шунингдек, ушбу баёнот остида кўрсатилган веб-сайт, электрон почта ва телефон рақамлари орқали боғланиб, ушбу мабданинг тафсилотлари ва у инсон муаммоларини қандай ҳал қилиши баён этилган китоб ҳамда нашрларни олишга даъват этади».

Матбуот баёноти Африкадаги мусулмонларга Аллоҳ таолонинг ушбу оятини эслатиш билан якунланди:

﴿فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلَا يَضِلُّوَلَا يَشْقَى * وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً﴾

«Бас, Мендан сизларга ҳидоят келганида, ким Менинг ҳидоятимга эргашса, адашмас ва бахтсиз бўлмас. Ким Менинг эслатмамдан юз ўгирса, албатта унга торлик (азият) тўла ҳаёт бўлур» (Тоҳо: 123-124).

Роя газетасининг 2026 йил 29 июл чоршанба кунги 610-сонидан