Матбуот баёноти

Макка битими умматнинг эмас, Американинг манфаатларига хизмат қилади

7 август, Жума куни Туркия, Покистон ва Саудия Арабистони етакчилари Маккаи Мукаррамада йиғилиб, уч давлатни қамраб олувчи қўшма мудофаа шартномасини имзоладилар. Алоқалар бошқармаси томонидан эълон қилинган баёнотга кўра, мазкур битим муштарак стратегик манфаатлар ва мустаҳкам мудофаа ҳамкорлиги асосида, жамоавий хавфсизликни кучайтириш, тинчлик, барқарорликни рағбатлантириш ҳамда биргаликда хавфсиз ва фаровон келажакни барпо этиш мақсадида имзоланган. Баёнотда шартнома барча турдаги жамоавий тийиб туриш воситаларини мустаҳкамлашга қаратилгани таъкидланиб, шунингдек, уч давлатдан бирига қарши қаратилган ҳар қандай тажовуз уларнинг барчасига қарши қилинган тажовуз ҳисобланиши белгилаб қўйилган.

Мазкур битим Покистон ва Туркия раҳбариятларининг Саудия Арабистони Валиаҳди томонидан юборилган ва кун тартибига киритилмаган таклифга асосан Риёдга қилган шошилинч ташрифи доирасида амалга оширилди. Битимнинг имзолангани ҳақида оммавий ахборот воситаларига ва жамоатчиликка ўша куннинг ўзидаёқ эълон қилиниши унинг ортида ташқи қўл турганидан далолат беради. Ҳатто фақат шу тафсилотнинг ўзиёқ уч давлатни бирлаштирган ва уларни ушбу битимни имзолашга мажбур қилган ирода уларнинг ўз шахсий иродаси эмаслигини исботлашга етарлидир. Зеро, Туркия, Покистон ва Саудия Арабистони маъмуриятларини бирлаштириб турган нарса – уларнинг хўжайини Америка ва унинг манфаатларидан бошқа нарса эмас. Америка Яқин Шарқдаги янги стратегияси талабларидан келиб чиққан ҳолда бу давлатлардан мазкур битимни имзолашни талаб қилди, улар эса ўзларига буюрилган ишни бажардилар.

Мазкур иттифоқ Ҳурмуз бўғзида ўз мақсадига эриша олмаган Америка томонидан Эронни босиб қўйиш ва унга таҳдид қилиш учун фойдаланиладиган янги босим воситасидир. Туркия, Покистон ва Саудия Арабистони халқлари ёки исломий ўлкалар манфаатлари йўлида бу иттифоқдан бирор яхшилик кутиш хомхаёлдир. Шартнома мустаҳкам тарихий алоқалар, биродарлик муносабатлари ва уч давлат ўртасидаги муштарак исломий ҳамжиҳатлик руҳидан келиб чиқди, деган даъво эса бу дастурхонни ёзган ҳақиқий ўйинчини яширишга уринишдан бошқа нарса эмас. Агар бу давлатларнинг ҳукмдорлари чиндан ҳам муштарак тарихий алоқалар, мусулмонлар ўртасидаги биродарлик ва исломий ҳамжиҳатлик руҳини қадрлаганларида эди, Ғазони ёрдамсиз ташлаб, хор қилмаган бўлур эдилар. Албатта, уларни бирлаштириб турган нарса Аллоҳнинг розилиги бўлишини, бу иттифоққа асос солган ирода эса уларнинг мустақил иродаси бўлиб, мана шу куч орқали яҳудий вужудини Муборак Замин(Фаластин)дан илдизи билан суғуриб ташлашларини эълон қилишларини истар эдик. Бироқ на битимда, на уларнинг баёнотларида бундай нарсанинг соясини ҳам кўрмадик. Аксинча, улар бу иттифоқ НАТОга муқобил эмаслигини ва Қўшма Штатлар манфаатларига зид келмаслигини очиқ таъкидладилар.

Шунинг учун ҳам яҳудий вужудининг хавфсизлигини таъминлаш, Хитойни қамал қилиш ва Эронни бўғиш учун ташланган бу қадамга баъзи мусулмонларнинг катта аҳамият бераётгани ачинарли ва ҳайратланарлидир. Америка президенти Трамп унга қарата: «Агар биз бўлмаганимизда, ўша тахтда икки ҳафта ҳам тура олмас эдинг», дея оғир ҳақоратлар қилган Саудия Арабистони ва ибн Салмондан мусулмонлар нимани ҳам кутишлари мумкин?! Қотил Нетаняхуга Ғазони вайрон қилиш ва ер билан яксон қилиш учун ўзи хоҳлаган барча қуролларни беришини айтган Трампни Мисрда ўрнидан туриб олқишлаган ва унга қарата: «Сиз жаҳон тинчлиги учун жуда керакли етакчисиз, Аллоҳ умрингизни узоқ қилсин», дея дуо қилган Шаҳбоз Шариф Ислом умматининг бирлигига хизмат қилади, деб қандай ҳам ўйлаш мумкин?! Трамп мақтаб: «Жуда ҳам яхши дўст, ажойиб ишларни амалга оширмоқда, мен ундан нима сўрасам, барини бажарди», деган Эрдўғон Американинг манфаатларига қарши ўлароқ бу битимни тузган бўлиши мумкинми?! Мусулмонларга бош бўлиб турган бу ҳукмдорлар биринчи навбатда дўст ва душман тушунчасини аниқлаб олишлари лозим.

Мустамлакачи Американи дўст ва иттифоқчи, деб биладиган, ғосиб ва босқинчи яҳудий вужуди билан муносабатларни нормаллаштиришни кутаётган давлатлар томонидан тузилаётган бундай иттифоқлар мусулмонларнинг бирлигига эмас, уларнинг парчаланиши ва бўлинишига хизмат қилади холос. Ислом умматининг бирлигини таъминлайдиган иттифоқ сунъий чегараларни бекор қилиши, миллатчилик давлатларини муаммо сифатида кўриши ва кофирларни ўзига душман деб билиши лозим. Бундай иттифоқни эса, фақат ва фақат барпо бўлиши жуда яқин қолган Рошид Халифалик соясидагина амалга ошириш мумкин.

Ҳизб ут-Таҳрир Туркия вилояти матбуот бўлими